AMOS 9:8 - WUKE SUSI WATTI'U AL᷊AL᷊USASSA

⁸ I Ya'u, Mawu Apan Atanggaṛṛanne, tantal᷊anna ma'uwasi araratuannu Israel apan marosa indi, wuṛṛu i Ya'u sarun mamappassa wuassu wowon dunia. Arawe papapulunni Yakub tawe sarangkanambone Ta'u pateanna. I Ya'u, Mawu, buatte nabbisara.

AMOS 9:8 Iomraidhean Croise

PANDARIADDI 6:7

na'oman sara nabbisara, “I ya'u sarun mamate apan buatte Ta'u niola'a udde, wuṛṛu lai al᷊awo'u manu'u winalanganna wuṛṛu winatangnga waine, ana waugu ya'u sinumassilla buatte nandiaddi si mangitou.”

PANDARIADDI 7:4

Ete pitu allo lai I ya'u sarun manossokku uranna apan tawe mangallo al᷊annune appatu pul᷊o su allone appatu pul᷊o su ṛabbine, tadea'u riadianna apan buatte Ta'u niola'a udde tawe mate.”

1 MARARATU 13:34

Inolaanne apan dal᷊eo udde pinangillul᷊eanne papapulunne nasilaka wuṛṛu mangke naṛṛimunsa'a.

AMSAL 15:3

Mawu ua'ellega sarangkanambone apan nariaddi su al᷊awo'u tampa; i Tou uainnunu al᷊awo'a apan mapia wuṛṛu lal᷊eo.

AMSAL 5:21

Mawu maasilo al᷊awo'a apan a'olaannu taumata. Suapan taumata umamatta Mawu ual᷊u'adda.

YEREMIA 30:11

I Ya'u sarun dumanta wuṛṛu i yamiu Ta'u iapaasal᷊amatta. Manga walahanna, su tampa i yamiu Ta'u nisal᷊iawukka sarangkanambone sarun Ta'u pateanna, arawe i yamiu tawe Ta'u olaanna aroddi. Atonna i yamiu tawe maal᷊iu wuassu ṛuumanna arawe ṛuumang-Ku si yamiu udde matul᷊idda uasul᷊ungngu atoranna. I Ya'u, Mawu, buatte nabbisara.”

YEREMIA 44:27

I Ya'u sarun maddea'a lal᷊anne tadea'u i yamiu masilaka wuṛṛu tawe su lal᷊umanna'a, ma'oman sara i yamiu mate abbi, mawae sulal᷊ummu pangalo aroddi lai ana waugu al᷊aṛṛusa'itta.

YEREMIA 46:28

Nariaddi ariete mata'utta, ei uma-U, i Ya'u sarun dumanta manal᷊amatta si yamiu. Manga walahanna, su tampa i yamiu Ta'u nisal᷊iawukka, sarangkanambone Ta'u pateanna, arawe i yamiu tawe Ta'u olaanna aroddi. Atonna i yamiu tawe mal᷊iu wuassu ṛuumanna arawe ṛuumang-Ku si yamiu udde matul᷊idda uasul᷊ungngu atoranna. I Ya'u, Mawu, buatte nabbisara.”

YEREMIA 5:10

I Ya'u sarun mandolokku seetta inai iapahohakku waillu anggori mangitou, arawe wal᷊ine iapaamussa abbi. I Ya'u sarun mandolokku seetta udde mamaresi manga rannan anggori mangitou, ana waugu manga ranna udde wal᷊ine pussa'a-U.

HOSEA 1:4

Mawu nabbisara si ya'u, “Saggoa'e arannu anangngu udde Yizreel ana waugu tate mal᷊annulai i Ya'u sarun makkuumannu ratun Israel ana waugu pamamate apan niola'i Yehu, al᷊amonane, su Yizreel i Ya'u sarun manguddussu pamamarentan papapulunni Yehu.

HOSEA 1:6

Wua'udde awingku nanungkangken ana'i yami aruanne, sangkatou ana'a wawine. Mawu nabbisara si ya'u, “Hosea, anangngu udde aranne saggoa'e ‘Apan Tawe Nirangnguanna’, ana waugu i Ya'u tate lai mandangngu walahannu Israel, wuṛṛu mangke tate mangampungnga si mangitou.

YOEL 2:32

Arawe isai-sai apan maddorongnga aontollu Mawu, sarun iapasal᷊amatta. Mawu nabbisara, “Su Yerusalem manga taumata apan Ta'u nipile sarun masal᷊amatta.”

AMOS 3:12

Naal᷊ihidda sangkatou mallal᷊u'adda winatangnga apan naasangkalla tumba'u sampare ledda ara'e sampoto tal᷊ingan dombane apan buatte niaṛṛattu singa, aroddi lai tumba'u addio'a apan sarun matantangnga wuassu tumana'u Samaria apan orassa indi matema-temangnga mattiilla su lallowanganne apan mapia.”

AMOS 7:17

Mawu nabbisara manungku awingngu sarun mabbal᷊i wawine masandaga su manga lal᷊annu soa, wuṛṛu manga anangngu pateanna sulal᷊ummu pangalo. Letangngu sarun tahianna apan tawe maaillal᷊a Mawu. Tumana'u Israel sarun ṛuwoanna watukku pamamuanganna, marau wuassu wanuane sassane.”

AMOS 9:10

Manga taumata marosa suwallattu uma-U nabbisara, ‘Ruata tawe mamalan kite aṛṛiaannu asasilaka.’ Arawe, wutte'e i mangitou sarun pateanna sulal᷊ummu pangalo.”

AMOS 9:4

Amungkangngu i mangitou niatawannu seetta, i Ya'u sarun mamarenta tadea'u i mangitou pateanna. I Ya'u naddiandi tadea'u manginsue si mangitou, wuṛṛu sarun tawe massumbala si mangitou.”

TAHIUL᷊E 4:31

Mawu Ruatanu eteudde Mawu apan maakkanna. I Tou tawe manantangnga ara'e mamate si yamiu, ara'e maabul᷊im pa'aire apan niolang-Nge sassane ringannu al᷊amonanu.

TAHIUL᷊E 6:15

Amungkangngu i yamiu massubba manga monganna waine, ne i yamiu sarun aemaannu asasa'u Mawu Ruatanu wuṛṛu insueanna pateanna, ana waugu Mawu Ruatanu su pattangnganni yamiu maddiri isul᷊ungnga ringannu manga apa waine.