AMOS 9:7 - WUKE SUSI WATTI'U AL᷊AL᷊USASSA

⁷ Mawu nabbisara, “Ei umattu Israel, i Ya'u mannutukka taumatan Sudan uasul᷊ungnga ere lai i Ya'u mannutukka si yamiu. I Ya'u buatte nangapiddu taumatan Filistin wuassu Kreta wuṛṛu taumatan Siria wuassu Kir uasul᷊ungnga ere lai i Ya'u nangapiddi yamiu wuassu Mesir.

AMOS 9:7 Iomraidhean Croise

2 MARARATU 16:9

I Ratu Tiglat-Pileser naddaringikka sasal᷊anden Ahas, ana see namangalo wuṛṛu nangaṛṛo Damsyik. Tumanange apan niawawi niapidde watukku Kir, wuṛṛu ratune, eteudde i Ratu Rezin, apan nipatene.

2 TAWARIKH 14:12

Ana'i Asa wuṛṛu tantaran Yehuda namangalote tantaran Sudan. Mawu namaddon tantaran Sudan na'oman sara i mangitou tinumal᷊angngu watanganne.

2 TAWARIKH 14:9

Su sambau tempo sangkatou taumatan Sudan aranne i Zerah namangalo Yehuda ringannu tantarane 1000.000 su atoune wuṛṛu 300 keretan pangalo. I mangitou niumamatta araune naddatingngu Maresa.

SASABANGNGA 12:51

Su allo udde Mawu nangapiddu anambon balagu Israel sinumabbangnga wuassu Mesir.

YESAYA 20:4

Ratun Asyur sarun manawanna manga taumatan banua darua udde wuṛṛu i mangitou sarun ul᷊uhanna ara'e iapidda ringannu tantol᷊e. Timadde wuṛṛu dario'a, sarangkanambone sarun umamatta tawe laubba wuṛṛu apampakku ledda ringannu ottane ia'asilo, maola'a hahelo su taumatan Mesir.

YESAYA 22:6

Taumatan Siria nirumanta ringannu awal᷊o wuṛṛu keretan pangalo, taumatan Elam ahidde al᷊atianna wuṛṛu anaanna, taumatan Kir nanaddia allungnge.

YESAYA 43:3

Ana waugu ete i Ya'u Mawu, Ruatanu, Ruata na'ukkassu Israel, Mananal᷊amannu. Mesir Ta'u nionggolla maola'a tatubbussa si'o, Sudan wuṛṛu Syeba maola'a hahantinu.

YEREMIA 13:23

Wotongnge taumata maitumma mamal᷊u kaluren pisine, ara'e harimau mamul᷊in woṛṛentenge? Udde tawe mariaddi! Aroddi lai i yamiu apan ninumarampe ma'ola'a al᷊al᷊eo tawe mariaddi ma'ola'a apapia.

YEREMIA 47:4

Nia'omante tempone walahannu Filistin pateanna abbi, na'oman sara Tirus wuṛṛu Sidon tate lai maasomba sasumbala. I Ya'u, Mawu, sarun mamate anambon taumatan Filistin apan lambene wuassu Kreta.

HOSEA 12:13

Yakub al᷊amonan kite tinumal᷊angnga watukku Mesopotamia, ana see tadea'u maasomba awingnga, i tou nattaṛṛuallanga su taumata poiaroddi wuṛṛu mallu'adda manga domban taumata udde.

AMOS 1:5

Manga ngara wahewalla su Damsyik sarun Ta'u hoaṛṛanna, wuṛṛu tumana'u Wawal᷊annu Awen sarun Ta'u sahangginanna wuassu tampa atatanaanni mangitou. Tembonannu Bet-Eden sarun Ta'u iapasossokka wuassu aiananne, wuṛṛu tumana'u Siria sarun iatawanna wua'udde ṛuwoanna watukku wanua Kir.”

AMOS 2:10

I yamiu buatte Ta'u niapidda sinumbangnga wuassu Mesir, wuṛṛu Ta'u niehetta niumamattu wadda'u anne appattu pul᷊o su tonane al᷊annune. Leta'u taumatan Amori buatte Ta'u nionggolla si yamiu maola'a wanuanu sassane.

TAHIUL᷊E 2:23

Leta'a su al᷊o'engngu Tahal᷊oangngu Tangngane wawanuannu manga taumata wuassu taṛṛanusan Kreta. I mangitou buatte namate taumatan Awi, tumana'u leta'a udde tutune, ana see natana'a su leta'a udde naddatingngu timukka araune sara soa Gaza.)