AMOS 9:10 - WUKE SUSI WATTI'U AL᷊AL᷊USASSA

¹⁰ Manga taumata marosa suwallattu uma-U nabbisara, ‘Ruata tawe mamalan kite aṛṛiaannu asasilaka.’ Arawe, wutte'e i mangitou sarun pateanna sulal᷊ummu pangalo.”

AMOS 9:10 Iomraidhean Croise

DARALO 10:11

Su ṛingidde, “Ruata naabul᷊ite wuṛṛu tate mappandumma; sarangkal᷊oengnge i Tou tawe ma'ellega si ya'u!”

MANNANASE 8:11

Anio aroddi al᷊uanne taumata ma'ola'a al᷊al᷊eo? Ana waugu ṛuumanne tawe lapiddu ionggolla.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

YESAYA 5:19

Wisaranu, “Wala'e Mawu Ruata susin Israel mal᷊ihakka ma'inolaanna! Wala'e i Tou mapaamattu ṛiin-Ne, tadea'u i ite maasilo wuṛṛu maasingkatta.”

YESAYA 56:12

Manga mabbawu'anna udde mabbisara, ‘Wette i ite ma'inumma anggore wuṛṛu ma'inumma sara mawusa! Tiṛṛabbi sarun mappianne wuassu allo indi!’ ”

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEREMIA 23:17

Su manga taumata apan maddiri maddaringikka manga wisara-U, i mangitou sidutu mabbisara, ‘I yamiu sarun masal᷊amatta.’ Wuṛṛu suapan taumata apan maatikka puane i mangitou mabbisara, ‘I'o sarun tawe maasomba silaka.’ ”

YEREMIA 29:32

wuṛṛu ana waugu i tou buatte nandolokki yamiu lumawangnga si Ya'u, ne i Ya'u sarun makkuumanni tou wuṛṛu papapulunne. Tawe saran sangkatou wuassu wallatti mangitou apan sarun matana'a suwallatti yamiu tadea'u ma'ellega manga inolaanna mangkapia apan sarun Ta'u olaanna su anambon uma-U. I Ya'u, Mawu, buatte nabbisara.”

YEHEZKIEL 20:38

Manga lumal᷊awangnga wuṛṛu mandal᷊al᷊eo sarun Ta'u iramme wuassu wallatti yamiu. I mangitou sarun Ta'u iapidda sumabbangnga wuassu manga wanua tampa atatanaanni mangitou orassa indi wuṛṛu tawe Ta'u iwala mabbelengnga su leta'u Israel. Ne i yamiu naasingkatte manungku i Ya'u Mawu.”

AMOS 6:1

Nasilakate i yamiu apan mabbiakka matemangnga su Sion, wuṛṛu i yamiu apan uapendamma mal᷊angnganna su Samaria – i yamiu ei manga matatimmaddu walahannu Israel apan apianne indi, i yamiu apan inanaramanne raddantannu tumanangnge paddoronganna tul᷊unganna!

AMOS 6:3

I yamiu mangke mangngimanna manungku allon asasilaka ta'e marau, arawe manga inolaannu tumba'u mapaal᷊ihakku darantane allon araṛṛagissa udde.

AMOS 9:8

I Ya'u, Mawu Apan Atanggaṛṛanne, tantal᷊anna ma'uwasi araratuannu Israel apan marosa indi, wuṛṛu i Ya'u sarun mamappassa wuassu wowon dunia. Arawe papapulunni Yakub tawe sarangkanambone Ta'u pateanna. I Ya'u, Mawu, buatte nabbisara.

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

ZAKARIA 1:6

Ringannu nappaattu manga nabi manga allang-Ku udde, i Ya'u namasingkattu manga parenta wuṛṛu manga tataggu su iupungngu al᷊amonanu. Arawe i mangitou tawe maddaringikka na'oman sara i mangitou ṛinone mamasanna pangillul᷊eanne. Wua'udde i mangitou sinumassilla wuṛṛu nanga'u manungku i Ya'u, Mawu Apan Lembontaṛṛino, buatte nakkuumanni mangitou uasul᷊ungngu pasasal᷊a mangitou, wuṛṛu uasul᷊ungngu apa apan buatte nitantung-Ku.”

MALEAKHI 3:15

I ite maasilo sassane manungku manga taumata mawunga su lal᷊umanna'a. Taumata lal᷊eo tawe tumba'u mabbiakka su al᷊al᷊uassa, arawe amungkangngu i mangitou manal᷊u'atta asasabaren Duata ringannu ma'ola'a al᷊al᷊eo, i mangitou nal᷊iu lai.’ ”

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.