AMOS 8:3 - WUKE SUSI WATTI'U AL᷊AL᷊USASSA

³ Su allo udde manga aantari su wal᷊en araratuanna sarun mabbal᷊i lal᷊uai. Su al᷊awo'u tampa uaseṛṛoppa manga winal᷊unanna buatte niramme ringannu mal᷊anna-l᷊annabba.”

AMOS 8:3 Iomraidhean Croise

DARALO 39:9

Pallosaawe i ya'u wuassu anambon rosa'u, arie pabbala'a i ya'u mabbal᷊i aal᷊uandahannu taumata longonna.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YEREMIA 22:18

Ana waugu udde su ola'i Yoyakim ratun Yehuda, ana'i Yosia, Mawu nabbisara arendi, “Papate sarun tawe luaianna; taweddu mabbisara, ‘Uare, hawe'u, uare.’ Taweddu lumal᷊o ara'e niumui, ‘Naholo'a i tuangnga!’

LAL᷊ALLU 2:10

Manga matatimmadu soa ua'ianna nimmoune su leta'a; i mangitou mannal᷊iawukku awu su pua wuṛṛu nalluṛṛen nasa karongnga tatialan massusa. Manga maṛṛuala lai niumaruutu puane sara leta'a.

YOEL 1:11

Ei manga mabbawailla, lalluaite! Ei mabbawaillu anggore, sasangitte! Ana waugu gandumma, jelai wuṛṛu anambon pangitinganna nal᷊al᷊eo.

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

YOEL 1:5

Ei manga taṛṛa wu'anna, apu'ote! Ei manga taṛṛa inumma, lalluaite! Ana waugu anggore apan wakku buatte niaṛṛo wuassu moṛṛongngu.

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

AMOS 4:10

I Ya'u nangirimmu al᷊aṛṛusa'itta si yamiu ere lai Ta'u niiringnga su Mesir. Manga taumata saṛṛen tumuwo Ta'u nipate sulal᷊ummu pangalo, wuṛṛu manga awal᷊onu niaṛṛo. I Ya'u nalloṛṛo paddasanannu ringannu manga winal᷊uananna apan hal᷊urune maataddu'a ngirunna. Salaiwe aṛṛoddi, i yamiu ta'e lai maddiri mabbelengnga ringang-Ku.

AMOS 5:16

Mawu Apan Lembontaṛṛino nabbisara, “Su manga lal᷊annu soa, taumata sarun sumangitta wuṛṛu sumal᷊iomanna ana waugu masusa. Ewe'e lai manga mabbawailla lai sarun waggoanna iapal᷊uai suadio'a ringannu manga taumata apan niwaeṛṛanna lumuain taumata nate.

AMOS 5:23

Taala'e manga antarinu apan maawengella udde; i Ya'u maddiri maddaringikka i yamiu mannalangnga kecapi.

AMOS 6:4

Nasilakate i yamiu apan mattiilla su lallowanganna apan mangkapia wuṛṛu maandeangngu ṛemessu sapi wuṛṛu domba apan ta'e saṛṛen tumuwo!

AMOS 6:5

I yamiu lulluassa mangngarangu antari, ere buatte niola'i Daud, wuṛṛu i yamiu mannalangngu antari udde ringannu kecapi.

AMOS 6:8

Ringannu maṛṛagissa Mawu Apan Lembontaṛṛino wuṛṛu Atanggaṛṛanne buatte nangonggollu pananaungnga indi, “I Ya'u maddantinnu atatanggakku umattu Israel; i Ya'u tawe mal᷊uassa ringannu manga wal᷊en araratuanni mangitou apan mangkapia. Inangngu soan mangitou ringannu sarangkanambone apan sulal᷊umme sarun Ta'u itantilla su seetta.”

AMOS 8:10

Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”

NAHUM 3:3

Tantara uasa'e awal᷊o mammangalo ringannu ikkatta mapia, hal᷊ele lukkenggamma wuṛṛu sambeangnga sussawallo. Taumata apan nate tawe iareengnga, winal᷊unanni mangitou sangkomboanna, na'oman sara taumata mangke mattara.

ZEFANYA 1:7

Allon Mawu maranite, su allo udde Ruata sarun mamanara; ana waugu udde, paatammudde watangannu su sarua-Ne. Mawu uariahite mamate uman-Ne ere sasamba aonggolla wuṛṛu i Tou buatte namanggo manga seettu Yehuda.