AMOS 8:10 - WUKE SUSI WATTI'U AL᷊AL᷊USASSA

¹⁰ Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”

AMOS 8:10 Iomraidhean Croise

PANDARIADDI 21:16

ana see inuma'ianna iraṛṛangngo maṛṛasutta su meteṛṛene wuassu tampa udde. Wisarane sulal᷊ummu naungnga, “I ya'u tawe maataṛṛangnga ma'ellega ana'u mate.” Ana see i tou nilumuaiten.

AYUB 20:23

Sutempo i tou uasasaṛṛawutta maloṛṛo tianne, Ruata nabbal᷊i nasa'u wuṛṛu nakkuumanne.

AYUB 3:5

Olaawe allo udde ma'itumma uarallamma, wasa tuudda, mal᷊abbukka wuṛṛu mawol᷊a; oopeten winabbawa wuṛṛu rallamma, lindumete wuassu semakku matannallo.

AYUB 30:31

Dorone i ya'u naaringikka musikku al᷊al᷊uassa, orassa indi tumba'u lal᷊allu lal᷊uai sassane.

YESAYA 3:24

Orassa indi i mangitou mappaatten lana mawangngi, sal᷊immurine hal᷊uru mangitou mawukku'a. Papeṛṛeti mangitou al᷊ussa sarun hantianni mangitou tal᷊i apan masalla. Puan mangitou apan pia utangnge maṛṛamaga sarun lungguṛṛanna. Laubbi mangitou apan maṛṛansangnga sarun hantiannu laubba nahahesa'a. Orassa indi i mangitou maṛṛamaga, tawe mal᷊anna'a addio'a hati mangitou mal᷊al᷊eo ana waugu cappanna.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

YEREMIA 48:37

I mangitou sarangkanambone buatte nangiṛṛi uta'u pua wuṛṛu omengnga, nallessa ta'iakka, wuṛṛu nalluṛṛe nasa tatiala massusa.

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

LAL᷊ALLU 5:15

I yami niawul᷊ianten lal᷊umanna'a; manga sal᷊aingnga nawal᷊ute lal᷊al᷊o.

YEHEZKIEL 7:18

I mangitou sarun malluṛṛen nasa karongnga wuṛṛu ahewallu wadangnge sarun mangiladda. Pua mangitou sarun lungguṛṛanna wuṛṛu i mangitou sarun pansilianna.

YEHEZKIEL 7:2

“Ei taumata apan mattate, i Ya'u, Mawu Apan Atanggaṛṛanne, ṛinone mamasingkattu wisara indi su Israel: Ete indi pangudusannu watti'u ahewallu wanua indi!”

HOSEA 2:11

Al᷊awo'u andeangnge sarun Ta'u iapaaddo, mawae andeangngu tonna aroddi lai andeangngu wul᷊anna wuṛṛu manga allon Sabat; aune, al᷊awo'u andeangngu pangangagamane.

HOSEA 2:13

I Ya'u sarun makkuumanni tou ana waugu manga allo apan nipaanne ipannambunnu amania si Baal, see nandiahi ringannu lal᷊ogakke tadea'u ipangenggenna manga arangnguanne, ana see i Ya'u mangke niabual᷊iananna atonna. I Ya'u, Mawu, buatte nabbisara.”

YOEL 1:8

Lalluaitte, ei umatta, naal᷊ihidda maṛṛuala apan massusa apan lulluain papaten tunangane apan arangnguanne.

IMAMATTA 13:40

Amungkangngu sangkatou esakka nabbal᷊i lol᷊okka su wageangngu liudde wuṛṛu saruannu puane, lol᷊okka udde tawe ma'arantinna si tou.

AMOS 5:21

Mawu nabbisara, “I Ya'u maddantinna wuṛṛu mattaṛṛa muta ma'ellega manga ramean agamanu!

AMOS 5:23

Taala'e manga antarinu apan maawengella udde; i Ya'u maddiri maddaringikka i yamiu mannalangnga kecapi.

AMOS 8:3

Su allo udde manga aantari su wal᷊en araratuanna sarun mabbal᷊i lal᷊uai. Su al᷊awo'u tampa uaseṛṛoppa manga winal᷊unanna buatte niramme ringannu mal᷊anna-l᷊annabba.”

NAHUM 1:10

I'o sarun soṛṛowanna ere laṛṛami apan namarate ere aputta ṛoaanna apan uaandongnga.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

TAHIUL᷊E 16:14

Lallala'e suadio'a ringannu manga anangngu, manga allangngu, taumatan Lewi, taumata raho, ana'a asisitimpal᷊ussa, manga wawine wal᷊u apan uatana'a su manga soanu.