AMOS 7:8 - WUKE SUSI WATTI'U AL᷊AL᷊USASSA

⁸ I Tou naiwal᷊o si ya'u, “I'o ma'ellega apa, Amos?” I ya'u sinumimbakka, “Tal᷊i auukka uarisikka matul᷊idda, Mawu.” Wua'udde Mawu nabbisara, “I Ya'u mappaattu tal᷊i auukka indi tadea'u ipamasingkatta manungku uma-U ere darandungnga apan wengkolla. I Ya'u tate mamal᷊u ṛiing-Ku apia. I Ya'u sarun makkuumanni mangitou.

AMOS 7:8 Iomraidhean Croise

2 MARARATU 21:13

Yerusalem sarun Ta'u iṛṛuumanna ere lai Ya'u nakkuumannu Samaria wuṛṛu i Ahab ratun Israel see lai papapulunne. Yerusalem sarun Ta'u waresianna ere lama'a apan buatte niukkassa wuṛṛu nilaabba.

YESAYA 28:17

Atatul᷊idda Ta'u olaanna tal᷊i auukka, wuṛṛu apapia Ta'u olaanna tal᷊in passaranna.” Uranna watu sarun mamaresi anambon bawahia apan pangngartimanna ara'e ia'asakki yamiu. Manawangnga sarun mangonoddu tampa pa'imbuniannu.

YESAYA 34:11

Manu'a tamingnga wuṛṛu landak sarun mamanua isudde, mammeo wuṛṛu gagak sarun matana'a poiaroddi. Mawu sarun ma'ola'a leta'a udde al᷊iba'ukka wuṛṛu tawe loṛṛone ere taambe niriaddi paarorone.

YEREMIA 15:6

I yamiu buatte nanol᷊a'a wuṛṛu nanantang-Ku, ana waugu udde i Ya'u namatten lima-U ipakkimunsa'a si yamiu, ana waugu i Ya'u nawusate maṛṛaddannu asasa'u-U.

LAL᷊ALLU 2:8

Mawu buatte nakkawessa manungku manga darandungngu Sion ṛinone iṛṛa'a. Manga darandungnga udde buatte niuuṛṛan-Ne, tadea'u sarangkanambone wotongnge iṛṛa'a-Ne. Manga darandungnga wuṛṛu manga candi, orassa indi nabbal᷊ite tuidda abbi.

HOSEA 1:6

Wua'udde awingku nanungkangken ana'i yami aruanne, sangkatou ana'a wawine. Mawu nabbisara si ya'u, “Hosea, anangngu udde aranne saggoa'e ‘Apan Tawe Nirangnguanna’, ana waugu i Ya'u tate lai mandangngu walahannu Israel, wuṛṛu mangke tate mangampungnga si mangitou.

AMOS 7:7

I ya'u naasomba sambau sondapa wuassu Mawu. I ya'u naasilo i Tou uarisikka su sandiṛṛannu sambau sarandungnga apan niola'a ringannu nappaattu tal᷊i auukka uarisikka matul᷊idda. Su lima-Ne i Tou uaagassa tal᷊i auukka udde tadea'u ipa'ellega tanne darandungnga udde matul᷊idda ara'e tawe.

AMOS 8:2

Mawu naiwal᷊o, “I'o naasilo apa, Amos?” I ya'u sinumimbakka, “Sambau sal᷊angka lal᷊oṛṛoannu manga wuan kaaluanna apan nal᷊ahate.” Mawu nabbisara, “Tempone nal᷊ahate su uma-U Israel. I Ya'u tate lai mamal᷊u ṛiing-Ku wuṛṛu sarun makkuumanni mangitou.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

ZAKARIA 4:2

“Apa apan niasiloannu?” aiwal᷊one. “Sambau leddan sol᷊o wuassu wul᷊awanna,” sasimba'u. “Su pentakke al᷊iu rosone pia tampan lanane, wuṛṛu uapal᷊iwutta pia pitu sol᷊o, apan sambau-sambau uatahuanna pitu tampan nanal᷊i ara'e sumbune.

ZAKARIA 5:2

Mala'ekatta naiwal᷊o apa apan niasiloangku. Sasimba'u, “Sambau wuke lal᷊ul᷊unanna tinumalla'a watukku winalanganna. Al᷊o'engnge si'o metere wuṛṛu al᷊alakke appatta setenga metere.”