AMOS 7:15 - WUKE SUSI WATTI'U AL᷊AL᷊USASSA

¹⁵ Arawe Mawu nangal᷊appa si ya'u wuassu manara'u, wuṛṛu nandolo'u iapapasingkattu tanata-Ne su taumatan Israel.

AMOS 7:15 Iomraidhean Croise

2 SAMUEL 7:8

Ana waugu udde, i Natan, pasingkata'e su allang-Ku Daud, manungku i Ya'u, Mawu Apan Lembontaṛṛino, nabbisara si tou, ‘I'o buatte Ta'u nial᷊appa wuassu manaranu mallu'adda domba su wadda'a wuṛṛu Ta'u nitenega maola'a ratun pabbawala-U Israel.

1 MARARATU 19:19

Ne i Elia inaite wuṛṛu naaratingnga si Elisa tantal᷊anna mammajeko. Pia mapul᷊o dua su parene sapi su saruanne wuṛṛu i Elisa sassane mamajeko ringannu sapi sampare apan panginguseanne. Sutempo i Elia sinumabbi maranin Elisa, i Elia nalluatta jubane wuṛṛu nisampe su wambangngi Elisa.

YEREMIA 1:7

Arawe Mawu sinumimbakka, “Arie pabbisara manungku i'o ta'e dario'a. Amungkangngu i Ya'u mandolokku inai ringanni sai-sai, i'o ṛinone inai, wuṛṛu sarangkanambone apan Ta'u nirolokka udde iwal᷊onu, ṛinone iapasingkannu si mangitou.

YEREMIA 26:12

Wua'udde i ya'u nabbisara, “Ete Mawu apan nandolo'u niapapasingkattu tanata apan lullawangnga Wal᷊en Mawu wuṛṛu soa indi ere buatte niaringiṛṛanni yamiu.

AMOS 3:8

Amungkangngu singa mammassingnga, isaite apan tawe mata'utta? Napawe Mawu Apan Atanggaṛṛanne mabbisara, isai apan wotongnge mal᷊annabba wuṛṛu tawe masingkattu tanata-Ne?

MATIUS 9:9

Wua'udde Mawu Yesus nanantangken tampa udde. Tantal᷊anna u'amatta i Tou naasilo sangkatou maddarorongnga wose, aranne i Matius, tantal᷊anna ua'ianna su tampa mallal᷊uṛṛu wose. Mawu Yesus nabbisara si tou, “Wette tantalongke si Ya'u!” Ne i Matius nirumarisikke wuṛṛu tinumantalongke Mawu Yesus.

WATTI'U MANGA RASUL 1:8

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”

WATTI'U MANGA RASUL 4:20

Ana waugu i yami tawe maaillol᷊o mabbisara su ola'u apa apan suete niasiloanni yami wuṛṛu niaringiṛṛanni yami sassane.”

WATTI'U MANGA RASUL 5:20

“Roote darisikka su Wal᷊e Mawu wuṛṛu pasingkata'a su taumata su ola'u wiakka apan wakku indi.”

1 SAMUEL 10:11

Manga taumata apan masingkatti tou ro'en dorone, naasilo pallal᷊agune udde, ana see i mangitou ua'aiwal᷊ote, “Apate apan buatte nariaddi su ana'i Kish udde? Apa i Saul naola'a lai nabi?”