AMOS 7:11 - WUKE SUSI WATTI'U AL᷊AL᷊USASSA

¹¹ I tou mabbisara manungku Tuangnga sarun mate sulal᷊ummu pangalo, wuṛṛu taumatan Israel sarun ṛumoanna watukku pamamuanganna, marau wuassu wanuane sassane.”

AMOS 7:11 Iomraidhean Croise

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

DARALO 56:5

I ya'u maddalo Ruata ana waugu apa apan nipa'ire-Ne; i ya'u mangngimanna si Tou, ne i ya'u tawe mata'utta, taumata tawe ikkanne su saruangku.

YEREMIA 26:9

Waṛṛani atonna i'o mabbisara sulal᷊ummu arannu Mawu manungku Wal᷊en-Ne indi sarun maola'a ere Silo, wuṛṛu amungkangngu soa indi sarun ṛimunsaanna wuṛṛu maola'a tampa apan tawe atanaanna lai.” Wua'udde niṛṛimpulanannu awadaalla.

YEREMIA 36:16

Napawe i tou buatte nabbasa, i mangitou nasasailete ringannu apendamma sussinggawanga ana see nabbisara si Barukh, “I yami ṛinone mamasingkattu olangnge indi su ratu.”

AMOS 1:1

Amos uddewe sangkatou mallal᷊u'adda domba wuassu soa Tekoa. I tou naola'a nabi sutempo wanua Yehuda paprentanni Ratu Uzia, wuṛṛu Israel paparentanni Ratu Yerobeam, ana'i Yoas. Darua su tonnane tantal᷊anna taambe nariaddi linukka, Ruata namasingkatta si Amos manga inolaanna su ola'u Israel.

AMOS 7:10

Amazia, imam su Betel, nangirimmu aalae si Yerobeam ratun Israel, “Amos tantal᷊anna ma'iren tumanangnge tadea'u lumawangnga si Tuangnga. Manga hattone apan mammono'a tumana'u soa pangillul᷊eanne wanua indi maṛṛimunsa'a.

AMOS 7:12

Ana see Amazia nabbisara si Amos, “Ei nabi, apul᷊ete su Yehuda! Pannasete poiaroddi. Wal᷊a'e i mangitou mangonggollu anna si'o!

AMOS 7:9

Manga tampa apan nipaattu papapulunni Ishak pattaṛṛa mawuanna sarun hoaṛṛanna. Manga tampa susin taumatan Israel sarun iapaaṛṛa'a. I ya'u sarun makkimunsa'a papapulunni Ratu Yerobeam.”

MIKHA 1:16

Ei taumatan Yehuda, pol᷊ote utangngu maola'a tatiala lullal᷊o su manga anangngu apan arangnguani yamiu. Iṛṛite puanu ma'oman sara mal᷊unggukka ere manu'u winalanganna apan u'inassa winal᷊unanna, ana waugu manga anangngu sarun ṛuwoanna watukku pamamuanganna.

MATIUS 26:61

I mangitou nabbisara, “Taumata indi mabbisara, ‘I Ya'u wotongnge mapaaṛṛa'an Bal᷊e Mawu, wuṛṛu sulal᷊ummu tallu allo wotongnge mapararisikka apia.’ ”

WATTI'U MANGA RASUL 6:14

I yami suete naaringikka si tou mabbisara, manungku Mawu Yesus wuassu Nazaret udde sarun mangngohakku Wal᷊e Mawu indi, see mamal᷊u anambon inanaramanna apan nisossokki Musa si ite!”