AMOS 6:14 - WUKE SUSI WATTI'U AL᷊AL᷊USASSA

¹⁴ Mawu Apan Atanggaṛṛanne wuṛṛu Lembontaṛṛino sassane nabbisara, “Umattu Israel, i Ya'u sarun mangirimmu tantara wuassu sambau walahannu raho iapapangalo wanuannu. I mangitou sarun manansara si yamiu wuassu lal᷊anna watukku Hamat su sawannakka maddatingngu Wawal᷊aannu Araba su timukka.”

AMOS 6:14 Iomraidhean Croise

1 MARARATU 8:65

Su Wal᷊en Mawu udde i Salomo wuṛṛu anambon umattu Israel nallaghu ramean Rasannu Rongnga al᷊annune pitu allo. Tumaniten manambo reengannu taumata apan uasemodda isudde. I mangitou nirumanta wuassu wageangngu leta'a araune wuassu Lal᷊annu Hamat su sawannakka maddatingngu passarannu Mesir su timukka.

2 MARARATU 14:25

Ete i Yerobeam II indi apan nangaṛṛo apia anambon wageangu leta'u Israel, wuassu lal᷊anna watukku Hamat su sawannakka naddatingngu Tahal᷊oanga Nate su timukka. Udde ere buatte pina'iren Mawu, Ruatan Israel, su allang-Nge, Nabi Yunus ana'i Amitai taumatan Gat-Hefer.

2 MARARATU 15:29

Sutempo i Pekah uaparenta, i Tiglat-Pileser ratun Asyur nangaṛo soan Iyon, Abel-Bet-Maakha, Yanoah, Kedes, Hazor, waageangu Gilead, Galilea wuṛṛu Naftali. Tumanange apan niasametta niaapidda lai watukku Asyur.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

YESAYA 7:20

Mawu sarun manewa ratun Asyur tadea'u ma'ola'a Israel naal᷊ihidda sangkatou taṛṛa pol᷊o apan mallunggukka anambon uta'a wuṛṛu waṛṛabbissu awa'a.

YEHEZKIEL 47:20

Passaranna su samba'an baṛṛatta niola'u Tahal᷊oangngu Tangngane, ana see mabbatukku sawannakka su sambau tampa su samba'a waṛṛattu lal᷊anna sumutta watukku Hamat.

HOSEA 10:5

Tumana'u soa Samaria sarun mata'utta; i mangitou wuṛṛu manga imam apan mangimbe sapi wul᷊awanna su Babel udde sarun masusa wuṛṛu lumuai ana waugu al᷊awo'u araṛṛansangngu paal᷊uanni mangitou udde nawul᷊ite.

AMOS 3:11

Ana waugu wanuan mangitou sarun pangaloannu seetta, tanda'a watun mangitou rimunsaanna, wuṛṛu manga wal᷊en araratuanni mangitou aṛṛoanna.