AMOS 4:4 - WUKE SUSI WATTI'U AL᷊AL᷊USASSA

⁴ Mawu Apan Atanggaṛṛanne nabbisara, “Ei umattu Israel! Roote watukku tampa patataṛṛamawuanna su Betel, wuṛṛu pa'ola'e rosa isudde! Roote watuku Gilgal, wuṛṛu pa'ola'e rosa walate apulun naungngu! Pangonggollen sasamba suapan marua allo, wuṛṛu pangapiddu sepere mapul᷊o wuassu al᷊awo'u hessin inasaharannu suapan tallu allo!

AMOS 4:4 Iomraidhean Croise

MANNANASE 11:9

Paata'e temponu dario'a, ei umbasanna! Lalluasse tantal᷊anna i'o ta'e saṛṛentumuwo. Loṛṛoite al᷊awo'u hol᷊aggu ṛimuuddu, amata'e anambon apulun naungngu. Arawe naunge, Ruata apan su surga, sarun makkuungngu anambon manaranu.

YEHEZKIEL 20:39

Mawu Apan Atanggaṛṛanne nabbisara, “Ei manga taumatan Israel, orassa indi walate i'o. Asal᷊a'e ma'ola'a rosa ringannu massubba manga paal᷊uannu! Arawe paanaungete manungku wua'udde i yamiu ṛinone tumuṛṛutta si Ya'u wuṛṛu tate lai mallobbossa arang-Ku apan na'ukkassa ringannu mangngapiddu sasamba su manga paal᷊uannu udde.

HOSEA 12:11

I Ya'u buatte, nabbisara su manga nabi, wuṛṛu nangongollu manambo sondappa si mangitou. Wuassi mangitou i Ya'u namasingkattu manga ṛiing-Ku hunan kamiu, uma-U,

HOSEA 4:15

Ei i yamiu taumatan Israel, i yamiu tawe satia si Ya'u! Arawe, i Ya'u mangantimma Yehuda tawe ma'ola'a pasasal᷊a apan uasul᷊ungnga! Imbaṛṛangnga mattaṛṛamawu su Gilgal ara'e su Betel. Imbaṛṛangnga massalu poiaroddi ringannu arannu Mawu apan biakka.

HOSEA 9:15

Mawu nabbisara, “Anambon al᷊al᷊eon mangitou nanattakka su Gilgal. Ete isudde i Ya'u nanattakke maddantinni mangitou. Ana waugu inolaanni mangitou apan dal᷊eo, i Ya'u sarun mallimbuakka si mangitou wuassu wanua-U indi. I Ya'u tate umakkanni mangitou apia, anambon piaṛṛa'i mangitou buatte nilumawangnga si Ya'u.

AMOS 3:14

Su allo i Ya'u makkuumannu taumatan Israel ana waugu rosane, i Ya'u sarun maṛṛimunsa'a manga mezbah su Betel. Suapan mezbah sarun paddianna manga diṛṛine ma'oman sara maṛṛa'a su leta'a.

AMOS 5:5

Imbaṛṛangnga inai watukku Bersyeba mattaṛṛamawu. Arie maddea'a si Ya'u su Betel, ana waugu Betel sarun mawuli. Arie lai inai watukku Gilgal, ana waugu taumana'u soa udde sarun ṛuwoanna watukku pamamuanganna.”

MATIUS 23:32

Amungkangngu aroddi sidutua'e wuṛṛu insuete manga rosa apan suete tinattakku iupungngu al᷊amonang kamiu udde!

MATIUS 26:45

Wua'udde i Tou nabelengke apia ringannu mallal᷊aṛṛenggen-Ne wuṛṛu nabbisara, “Ta'e lai mattiilla i yamiu wuṛṛu mangngillol᷊o Pa'ellega, nia'omante tempone Ana'u Taumata itantilla su liman taumata marosa.

MARKUS 14:41

Napawe Mawu Yesus nabelengke ringanni mangitou apia su atallune, i Tou nabbisara, “Ta'e lai mattiilla yamiu wuṛṛu uaillol᷊o? Wotongngete! Nia'omante tempone Ana'u Taumata itantilla su liman taumata marosa.

MARKUS 5:5

Allo ṛabbi i tou lullallele su lal᷊abinganna wuṛṛu su manga wuidda, ringannu aintul᷊ine wuṛṛu mallessa wadangnge ringannu watu.

TAHIUL᷊E 26:12

Suapan tonna atallune i yamiu ṛinone mangonggolu sasamba sepere mapul᷊o, eteudde sepere mapul᷊o wuassu hessin letangngu su imam Lewi, taumata raho, ana'a asisintimpal᷊ussa wuṛṛu inawal᷊uanna, ma'oman sara suapan soanu i mangitou maasomba anna apan pappandumanni mangitou. Amungkangngu buatte,