AMOS 4:11 - WUKE SUSI WATTI'U AL᷊AL᷊USASSA

¹¹ Sambageanganna wuassi yamiu Ta'u pateanna ere lai i Ya'u namate Sodom wuṛṛu Gomora. Apan ta'e wiakka suwallatti amia uddewe naal᷊ihidda anutungnga sampaddi apan nianu wuassu putungnga. Salaiwe aroddi i yamiu ta'e lai maddiri mabbelengnga ringang-Ku.

AMOS 4:11 Iomraidhean Croise

YESAYA 13:19

Wuassu anambon araratuanna, ete Babel udde aṛṛansanganne wuṛṛu naola'a ilalluassu tumanangnge. Arawe i Ya'u, Mawu, sarun makkimunsa'a, ere buatte Ta'u niola'a su Sodom wuṛṛu Gomora.

YESAYA 7:4

Wal᷊oa'e su ratu manungku i tou ṛinone uasaddia, arawe sidutu paatammudda. I tou tawe wotongnge mata'utta ara'e umal᷊iwu. Aasa'un Ratu Pekah wuṛṛu Ratu Rezin ringannu tantarane manga taumatan Siria udde, tawe tumaniten maasilaka wuassu ruan bua anutungnga pia timbulle.

YESAYA 9:12

Walahannu Israel taambe lai sumassilla, salaiwe buatte niṛṛuumannu Mawu Apan Lembontaṛṛino; i mangitou taambe lai mawal᷊u.

YEREMIA 23:14

Arawe su Yerusalem i Ya'u naasilo manga nabi ma'ola'a lembon al᷊al᷊eoanne lai. I mangitou mammahia wuṛṛu sussandaga, see mannasa taumata apan ma'ola'a al᷊al᷊eo, na;oman sara taweddu sangkatou apan mawal᷊u. Si Ya'u i mangitou sarangkanambone lal᷊eo ere tumana'u Sodom wuṛṛu Gomora.”

YEREMIA 49:18

Su ereapa Sodom wuṛṛu Gomora niṛṛimunsa'a suadio'a ringannu manga ampungnga maranine, aroddi lai Edom. Tawe saran sangkatou apan matana'a apia poiaroddi. I Ya'u, Mawu, buatte nabbisara.

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

YEREMIA 50:40

Su ereapa i Ya'u nanggohakku Sodom wuṛṛu Gomora suadio'a ringannu ampungnga maranine, aroddi lai Ya'u sarun makkimunsa'a Babel. Tawe saran sangkatou apan matana'a lai poiaroddi. I Ya'u, Mawu, buatte nabbisara.

YEHEZKIEL 24:13

Ei Yerusalem, manga inolaannu apan dal᷊eo buatte nalluhuda watangannu. Ia'o buatte na'annamma mamaresi si'o, arawe tawe gunane, waugu i'o sidutu lal᷊eo. I'o tate mawaresi apia ma'oman sara i Ya'u mapasabbangngu asasa'u-U si'o.

HOSEA 11:5

Manga taumatan Israel udde maddiri mabbelengnga apia ringang-Ku, ana waugu ude i mangitou ṛonone mabbelenga watukku Mesir, wuṛṛu walahannu Asyur sarun mamarenta si mangitou.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

AMOS 4:6

Ete i Ya'u apan mandantan al᷊aṛṛutumma su anambon soanu, arawe i yamiu maddiri mabbelengnga ringang-Ku.

HAGAI 2:17

I Ya'u buatte nanossokku anginna wuṛṛu urana watu ipakkimunsa'a al᷊awo'u wuan wawail᷊annu, arawe i yamiu maddiri lai mabbelengnga ringang-Ku.

ZAKARIA 3:2

Mala'ekattu Mawu nabbisara su Setanna, “Antimanna Mawu makkuumannu ei Setanna! Antimanna Mawu apan marangngu Yerusalem makkuumannu. Taumata indi naal᷊ihidda anutungnga apan niabutta wuassu ṛenggammu putungnga.”

ROMA 9:29

Yesaya nabbisara arendi lai, “Unnu wisara Ruata Lembon Mataṛṛino tawe nanantangngu papapulunna si ite, i ite naola'e ere Sodom wuṛṛu Gomora.”

1 KORINTUS 3:15

Arawe amungkangngu manaran taumata udde matutungnga, i tou sarun marugi; i tou sassane sarun masal᷊amatta, arawe naal᷊ihida ere taumata apan nal᷊iu wuassu ṛenggamu putungnga.

TAHIUL᷊E 28:24

Mawu tawe manossokku uranna ua'e, ewe'e uranna awu wuṛṛu anne ma'oman sara i yamiu mate.

TAHIUL᷊E 29:23

Manga wawail᷊annu sarun maola'a wadda'a lol᷊okka tataapannu belerangnga wuṛṛu asimma. Letangnge tate asuananna wuṛṛu manga ahuranganna maddirite tumuwo isudde. Wanuanu sarun maola'a ere manga soa Sodom wuṛṛu Gomora, Adma wuṛṛu Zeboim apan nihohakku Mawu su tempo i Tou mangke nasa'u.

2 PETRUS 2:6

Uasul᷊ungnga lai ere Sodom wuṛṛu Gomora: Ruata nanutungnga manga soa udde ringannu putungnga tadea'u maola'a tul᷊ada su ola'u apa apan sarun mariaddi su manga taumata lal᷊eo.

YUDAS 1:23

Wol᷊engke taumata udde paasabbanga'a wuassu lal᷊ummu putungnga ana see i mangitou masal᷊amatta. Su saruannu manga taumata waine ṛinone i yamiu mapaal᷊iatta'u darangngu rarundinganannu apendama matta'utta, arawe arantinten sara lai laubbi mangitou apan napenen luhudu al᷊al᷊eo mangitou apan marosa.

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.

SONDAPPA 9:20

Arawe lambem walahannu taumata apan tawe nipate manga asasusa udde, tawe lai manantangngu lanna'u lima mangitou sassane. I mangitou tawe illol᷊one massubba manga ghaṛṛaho lal᷊eo wuṛṛu manga paal᷊uanna wul᷊awanna, sal᷊a'a, witu'a, watu wuṛṛu alu apan tawe maasilo wuṛṛu tawe maaringikka, ara'e lai maa'amatta.