AMOS 3:8 - WUKE SUSI WATTI'U AL᷊AL᷊USASSA

⁸ Amungkangngu singa mammassingnga, isaite apan tawe mata'utta? Napawe Mawu Apan Atanggaṛṛanne mabbisara, isai apan wotongnge mal᷊annabba wuṛṛu tawe masingkattu tanata-Ne?

AMOS 3:8 Iomraidhean Croise

YESAYA 21:10

Pabbawala'u Israel! I'o buatte niṛṛamissa wuṛṛu niṛṛinda ere watun gandumma. Orassa indi ta'u iapasingkatta si'o watti'a mapia apan ta'u naringiṛṛanna wuassu Mawu Apan Lembontaṛṛino, Ruatan Israel.

YESAYA 31:4

Mawu nabbisara si ya'u, “Naal᷊ihidda singa sussaṛṛandanga mangngal᷊addu pabbawiakke wuṛṛu tawe apata'utannu aintul᷊i wuṛṛu a'uin ammul᷊annu mallal᷊u'adda winatangnga apan nasaddiate mando'appa si tou, aroddi lai i Ya'u sarun mamangalo wuṛṛu manahekku Wuiddu Sion.

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

YEREMIA 26:12

Wua'udde i ya'u nabbisara, “Ete Mawu apan nandolo'u niapapasingkattu tanata apan lullawangnga Wal᷊en Mawu wuṛṛu soa indi ere buatte niaringiṛṛanni yamiu.

YEHEZKIEL 29:21

Napawe olangnge udde nariaddite, i Ya'u sarun ma'ola'a Israel walahanna apan matohassa, wuṛṛu nangonggollu tempo si'o Yehezkiel, mabbisara ringannu apulunu sassane ma'oman sara awadaalla wotongnge maddaringikka si'o. Ne i mangitou masingkatte manungku ete i Ya'u Mawu.”

AMOS 1:2

Eteindi apan niapasingkatti Amos, “Mawu mangngintul᷊i wuassu Wuiddu Sion, tingik-Ke maddallu'a wuassu Yerusalem. Manga wadda'u nannal᷊o nabbal᷊i lol᷊okka, nannal᷊o su Wowon Karmel naṛṛangu naṛṛagassa.”

AMOS 2:12

Arawe i yamiu nangonggollu ua'e anggore su taumata Nazir, na'oman naaola'a si mangitou nilumawangnga paaire. Wuṛṛu i yamiu manningaddu manga nabi mamasingkattu tanata-U.

AMOS 3:4

Apa singa su mahurangnge mammassingnga, amungkangngu i tou taambe naasomba inassa? Apa ana'u singa mammasingnga sulal᷊ummu loṛṛangnge amungkangngu i tou taambe naasametta manga apa?

WATTI'U MANGA RASUL 4:20

Ana waugu i yami tawe maaillol᷊o mabbisara su ola'u apa apan suete niasiloanni yami wuṛṛu niaringiṛṛanni yami sassane.”

WATTI'U MANGA RASUL 5:20

“Roote darisikka su Wal᷊e Mawu wuṛṛu pasingkata'a su taumata su ola'u wiakka apan wakku indi.”

WATTI'U MANGA RASUL 5:29

I Petrus wuṛṛu manga rasul apan baine sinumimbakka, “I yami ṛinone tumuṛṛutta Ruata wuṛṛu wal᷊ine tumuṛṛutta taumata.

1 KORINTUS 9:16

Ana waugu amungkangngu udde tumba'u su ola'u mabbatti'u Watti'u Al᷊al᷊uassa wuassu Ruata, ne i ya'u tawe maapamunga, ana waugu Ruata buatte namarenta si ya'u iapamanara. Nasilakate i ya'u, amungkangngu i ya'u tawe nabbatti'u Watti'u Al᷊al᷊uassa udde!

SONDAPPA 5:5

See sangkatou wuassu manga piaṛṛange udde nabbisara si ya'u, “Arie palluai! Pa'ellege! Singa wuassu walahannu Yehuda, papapulunni Daud apan wahewalla, suete naauntunga! I tou wotongnge mamesangnga pitu segele udde wuṛṛu mamu'a wuke udde.”