AMOS 3:2 - WUKE SUSI WATTI'U AL᷊AL᷊USASSA

² “Wuassu anambon walahanna su runia, ete i yamiu sassane walahanna apan asingkatang-Ku wuṛṛu lal᷊u'arang-Ku. ana waugu udde rosanu wahewalla, wuṛṛu i Ya'u sarun makkuumanni yamiu.”

AMOS 3:2 Iomraidhean Croise

PANDARIADDI 10:32

Sarangkanambone udde papapulunni Nuh, balahanna sansunannu walahanna, tumuṛṛuttu akkitu papapulunni mangitou sambau-sambau. Ete i mangitou nanossokku manga walahanna su runia indi napawe wua nammanawangnga wahewa udde.

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

DARALO 147:19

I Tou namasingkattu tanata-Ne su al᷊aṛṛanang-Nge, parenta-Ne wuṛṛu tita-Ne su taumata apan nipile-Ne.

SASABANGNGA 32:34

Roote orassa indi, wuṛṛu apira'e i mangitou udde watukku tampa apan buatte niwal᷊o si'o. Mala'eka'-U sarun mangehetta si'o, arawe tempone sarun dumanta manga taumata udde sarun Ta'u iṛṛuumanna ana waugu manga rosan mangitou.”

YESAYA 63:19

I'o ma'ola'a si yami ereola'u taambe namarenta si yami, ereola'u i yami taambe naola'a uman-Nu.

YEREMIA 1:15

I Ya'u sarun mandolokku anambon walahanna su samba'an sawannakka rumanta mangaṛṛo Yerusalem. Manga darandungnga apan uapal᷊iwutta soa indi see lai manga ngaran pasallangannu wahewalla wuṛṛu anambon soa su Yehuda sarun aṛṛoanni mangitou.

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

YEREMIA 11:22

Ana waugu udde, Mawu Apan Lembontaṛṛino nabbisara, “I Ya'u sarun makkuumanni mangitou! Manga taumata dario'i mangitou sarun nate sulal᷊ummu pangalo, wuṛṛu al᷊aṛṛana'i mangitou sarun nate amal᷊unusanna.

YEREMIA 13:21

Apa apan sarun iwisarang kamiu amungkangngu manga taumata apan haggaweanni yamiu namaddo wuṛṛu uataṛṛino si yamiu? I yamiu sarun maapendamma hiadda ere wawine apan tantal᷊anna mangngunsiwe.

YEREMIA 14:10

Su ola'u walahanna udde Mawu nabbisara, “I Ya'u tawe mal᷊uassa su manga taumata udde apan maapulu tumal᷊angngu watanganne wua dingang-Ku, wuṛṛu tawe maaatokku watanganne. I Ya'u tawe maabul᷊i pasasal᷊a mangitou, i Ya'u sarun makkuumanni mangitou ana waugu rosa mangitou.”

YEREMIA 9:25

Mawu nabbisara, “Sarun a'omanna tempone i Ya'u makkuumannu taumata Mesir, Yehuda, Edom, Amon, Moab wuṛṛu tumana'u wadda'u anne apan namol᷊o utangnge. I mangitou sarangkanambone sunatanna ere taumatan Israel, arawe mawae i mangitou ara'e walahannu israel maola'a ere manga taumata apan tawe nisunatta, ana waugu i mangitou tawe tumuṛṛutta su pa'aire apan niwal᷊on sunatta udde.”

YEHEZKIEL 5:9

Ana waugu anambon pallal᷊agu apan Ta'u iaarantinna, tumanangngu sarun Ta'u iṛṛuumanna masaddatta ere taambe Ta'u niola'a wuṛṛu tate Ta'u olaanna apia.

YEHEZKIEL 9:6

Patete anambon taumata esakka wuṛṛu wawine, timmade wuṛṛu dario'a, hagurangnge wuṛṛu al᷊aṛṛanangnge. Arawe arie waṛṛani mangeṛṛetta sangkatou apan pia tatiala su pakkanne. Panattakke wua isindi, wuassu Wal᷊e-U indi.” Ne i mangitou nanatakke manara mangitou ringannu mammate manga piaṛṛa'u Israel apan tantal᷊anna uarisikka su Wal᷊en Mawu.

DANIEL 9:12

I'o mammanara ringannu naṛṛino ere buatte nipa'ire-Nu si yami wuṛṛu su manga tembonanni yami. Yerusalem buatte niṛṛuman-Nu lembon wahewalla wuassu al᷊awo'u soa su runia indi.

HOSEA 2:13

I Ya'u sarun makkuumanni tou ana waugu manga allo apan nipaanne ipannambunnu amania si Baal, see nandiahi ringannu lal᷊ogakke tadea'u ipangenggenna manga arangnguanne, ana see i Ya'u mangke niabual᷊iananna atonna. I Ya'u, Mawu, buatte nabbisara.”

HOSEA 5:3

I Ya'u masingkattu al᷊awo'a su ola'u watangannu, ei Israel! I'o tawe mapangaddapinggnga saran sambau wuassia-U. I'o massubba paal᷊uanna wuṛṛu tate lai satia si Ya'u. Ana waugu udde, manga taumatanu tate su ṛinone lai massubba si Ya'u.”

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

HOSEA 9:9

Tumaniten dal᷊eo inolaannu ere buatte niola'u tamata su Gibea Ruata sarun mannaungnga pasasal᷊anu, wuṛṛu makkuumanni yamiu ana waugu rosanu.

AMOS 2:4

Mawu nabbisara, “Taumatan Yehuda masokkate ma'ola rosa, ana waugu udde i Ya'u sarun makkuumanni mangitou. I mangitou nilumawangnga manga parenta-U wuṛṛu tawe maddaringika manga al᷊aṛṛa-U. I mangitou nilamamiṛṛannu manga mawu waine apan sassubbannu al᷊amonan mangitou.

AMOS 3:3

Wotongngewe ruang katou apan inai umamatta marau ringannu tawe ma'ire paarorone?

AMOS 6:1

Nasilakate i yamiu apan mabbiakka matemangnga su Sion, wuṛṛu i yamiu apan uapendamma mal᷊angnganna su Samaria – i yamiu ei manga matatimmaddu walahannu Israel apan apianne indi, i yamiu apan inanaramanne raddantannu tumanangnge paddoronganna tul᷊unganna!

MIKHA 2:3

Ana waugu udde Mawu nabbisara, “I Ya'u manggol᷊agu asasilaka si yamiu, ma'oman sara i yamiu taweddu maatal᷊angnga. Sutempo apan dal᷊eo udde i yamiu sarun tawe maamatta lai ringannu mawunga.

NAHUM 3:4

Niniwe sumasandaga apan tantal᷊anna a'onggol᷊annu ṛuumanna. Araṛṛamage mangke maanemma. Manambo walahanna buatte niawono'anne, wuṛṛu nisal᷊o'a ringannu wisarane.

WATTI'U MANGA RASUL 17:26

Wuassu sangkatou taumata i Tou nandiaddi anambon walahanna wuṛṛu nandolokki mangitou matana'a su ahewallu runia. Ete i Tou lai apan nanantunna ro'en paarorone, tingngera wuṛṛu suapa i mangitou wotongnge mabbiakka.

ROMA 2:9

Suapan taumata apan maapulu ma'ola'a al᷊al᷊eo sarun masansara wuṛṛu matataṛṛangnga; paarorone taumatan Yahudi, wuṛṛu lai manga walahanna waine.

1 KORINTUS 8:3

Arawe taumata apan atonna-tonna marangngu Ruata, i tou asingkatannu Ruata.

TAHIUL᷊E 10:15

Arawe darangngun Mawu su al᷊amonanu aroddi ahewalle, na'oman sara wuassu al᷊awo'u walahanne, ete i yamiu apan nipile-Ne, wuṛṛu na'oman sara orassa indi lai yamiu ta'e al᷊aṛṛanang-Nge apan nipile-Ne.

TAHIUL᷊E 26:18

Allo indi Mawu nanengkamma si yamiu maola'a al᷊aṛṛanang-Nge sassane, ere buatte nipa'ire-Ne si yamiu, wuṛṛu i Tou namarenta si yamiu iapatuṛṛutta al᷊awo'u parenta-Ne.

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

TAHIUL᷊E 4:32

Panaṛṛasidde tempo nal᷊iu, marau sutempo i yamiu taambe niasungkanga, manattakka wuassu allo su tempo Mawu Ruata nandiadi taumata su runia indi. Paddea'e su ahewallu runia. Apa arariadianna ahewalle indi buatte nariaddi tempo paarorone? Apa piate taumata apan naaringikka ola'u arariadianna ereindi?

TAHIUL᷊E 7:6

Ola'e sarangkanambone udde ana waugu i yamiu pussa'an Mawu Ruatanu. Wuassu al᷊awo'u walahanna su runia indi, ete i yamiu apan nipilen Mawu Ruatanu mabbal᷊i walage apan apianne.

1 PETRUS 4:17

Nia'omante tempone Ruata mamarikissa runia. Wuṛṛu ete walahannu Ruata sassane apan sarun parikisanna paarorone. Ne, amungkangu Ruata manattakke mamarikissa si ite, ereapate manga taumata apan tawe mangngimanna Watti'u Al᷊al᷊uassa wuassu Ruata udde?