AMOS 2:7 - WUKE SUSI WATTI'U AL᷊AL᷊USASSA

⁷ I mangitou mangngallangnga taumata lome wuṛṛu tawe maal᷊ore, wuṛṛu nallinbuakka taumata asiangnga. Iamangnga wuṛṛu ana'a natatamban allangnga wawine apan uasul᷊ungnga, na'oman sara nandal᷊eo arang-Ku, apan susi.

AMOS 2:7 Iomraidhean Croise

2 SAMUEL 12:14

Arawe ana waugu i Tuangnga buatte nangal᷊uandaga Mawu ringannu inolaannu udde, ana'i Tuangnga esakka apan wakkute niasungkanga udde sarun nate.”

1 MARARATU 21:4

Ringannu naungnga massusa wuṛṛu massa'u ana waugu naaringikka apa apan niwisaran Nabot si tou, i Ahab napul᷊e ana see nilumallowangnga su tampan atatiil᷊anne ringannu namilingngu hatine wuṛṛu maddiri umanna.

AMSAL 28:21

Dal᷊eo udde mammile taumata; arawe piaddu lai mallaṛṛuungnga apan mallinga tumba'u ana see maasomba roitta addio'a.

YESAYA 10:1

Nasilakate i yamiu apan nakkiinnu manga tita apan wengkolla ipangallangnga pabbawala-U.

YESAYA 10:2

Ringannu olangnge udde i yamiu mannal᷊awa'u taumata asiangnga maasomba hakkane wuṛṛu atatul᷊idde, wuṛṛu nangaṛṛo darotongngu manga wawine wal᷊u asisitimpal᷊ussa.

YESAYA 3:14

Mawu naola'a mallaṛṛuungnga su manga mamamiaṛṛa'u uman-Ne. Eteindi papaṛṛansillu Mawu si mangitou: “Ete i yamiu apan nangaṛṛo wuan manga wawail᷊annu anggore; wal᷊enu napenen darotongnga apan niaṛṛon kamiu wuassu taumata asiangnga.

YESAYA 3:15

Anio i yamiu mangngallangnga uma-U wuṛṛu manganu saranapan taumata asiangnga? I Ya'u, Mawu Apan Atanggaṛṛanne wuṛṛu Lembontaṛṛino buatte nabbisara.”

YEHEZKIEL 22:11

awingngu taumata waine ara'e mananambone ara'e tuari uapapaṛṛala inangnga.

YEHEZKIEL 36:20

Watukkuapa i mangitou inai, i mangitou sidutu mandal᷊eo arang-Ku apan na'ukkassa. Ana waugu manga taumata mabbisara arendi, ‘Walahanna indi uddewe umattu Ruata, arawe i mangitou ṛinone manantangngu leta'a apan nionggollu Ruata si mangitou.’

HOSEA 4:14

Arawe i Ya'u sarun tawe makkuumannu inolaani mangitou udde, ana waugu i yamiu sassane lai inai ringannu manga sumasandaga apan mammanara su manga kuil wuṛṛu suaddio'a ringanni mangitou i yamiu mangngonggolu sasamba su monganna. Mangke atonna wisara indi: ‘Pabbawalaga apan tawe uatahuanna pasasunna su ola'u Ruata sarun maṛṛ'a.’

IMAMATTA 18:15

Imbaṛṛangnga matatamba mananambonu ara'e ringannu awingngu iamangngu.

IMAMATTA 18:21

Imbaṛṛangnga manantillu wuassu sangkatou anangngu olaanna sasamba ipassubba si Molokh, ana waugu pallal᷊aghu udde mallobbossa arannu Ruata, Mawunu.

IMAMATTA 18:8

Imbaṛṛangnga mallobbosa iamangngu ringannu matatamba sangkatou suwallatu awingnge waine.

IMAMATTA 20:3

Taumata apan nangonggolu sasamba anangnge si Molokh, napaarantinnu Rasang-Ku wuṛṛu mallobbossa arang-Ku apan susi. I tou sarun Ta'u iṛṛuumanna wuṛṛu tate lai mareengnga al᷊aṛṛana-U.

AMOS 4:1

Paddaringikke, ei manga wawinen Samaria apan aatambanna atawane ere manga sapi matawa su Basan! I yamiu mangngallangnga taumata lome, mammoddo taumata asiangnga, wuṛṛu maddorongnga tadea'u awingngu sidutu mannaddia ua'e maawu'anna si'o!

AMOS 5:11

I yamiu mangngallanga taumata asiangnga wuṛṛu gandumme niaṛṛon kamiu. Ana waugu udde i yamiu sarun tawe maatana'a sulal᷊ummu manga wal᷊enu apan mapia, apan buatte niapararisikki yamiu udde. I yamiu sarun tawe ma'inumma anggore wuassu manga wawail᷊annu anggore apan nisuanni yamiu.

AMOS 5:12

I ya'u masingkatta aroddi ahewalle al᷊al᷊aeonu wuṛṛu aroddi anambone rosanu. I yamiu mangngallangnga taumata mapia; i yamiu mannengkamma roittu aonggolla wuṛṛu namalan taumata asiangnga a'olaanna ringannu tawe atatul᷊idda su pallaṛṛuunganna.

AMOS 8:4

Paddaringikke, ei i yamiu apan mangngallangnga taumata asiangnga su wanua indi na'oman sara i mangitou nate!

MIKHA 2:2

Amungkangngu i mangitou maapulun sambau wawail᷊anna, i mangitou sarun mangaṛṛo. Amungkangngu i mangitou maapulu sambau wal᷊en, i mangitou manganu wal᷊en udde. Mawae darotongnga ara'e lai amonanna, taweddu matamudda.

MIKHA 2:9

Manga wawine suwallattu uma-U nilimbuaṛṛanni yamiu wuassu wal᷊en apan arangnguanne, wuṛṛu niaṛṛon kamiu saran mal᷊annu-l᷊annu al᷊amatta apan Ta'u nionggolla su manga ana'i mangitou.

ZEFANYA 3:3

Manga tembonannu soa udde naal᷊ihidda singa apan mammasingnga. Manga mallaṛṛuungnge naal᷊ihidda manga serigala mal᷊unussa; i mangitou tumaniten bal᷊iu na'oman sara duṛṛi sampaddi lai tadewu itantangnga tiṛṛabbine.

ROMA 2:24

Sulal᷊ummu Wuke Susi uawoṛṛetta arendi, “Ana waugu i yamiu, manga taumatan Yahudi, arannu Ruata nial᷊uandahanna su wallattu walahanna waine.”

1 KORINTUS 5:1

I ya'u atonna buatte naaringikka alae manungku su wallatti yamiu pia pallal᷊agu sussandaga apan nipangillembo; Piaddu su wallatti yamiu apan sinumandaga ringannu uatangnge. Manga taumata apan wagga ma'illal᷊a Mawu lai maddiri ma'ola'a pallal᷊agu udde!