AMOS 2:15 - WUKE SUSI WATTI'U AL᷊AL᷊USASSA

¹⁵ Taṛṛa piti'a sarun tawe maataṛṛangnga, taṛṛa taṛṛa tal᷊angnga apan mal᷊ihakka sarun tawe maal᷊iun batanganne, wuṛṛu sumasa'e awal᷊o sarun tawe maal᷊assangnga.

AMOS 2:15 Iomraidhean Croise

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

YESAYA 31:3

Taumata Mesir tumbau taumata, wal᷊ine Ruata. Awal᷊on mangitou riaddianna wiasa, wal᷊ine mawu. Napawe Mawu mammanarate, walahanna apan mantul᷊ungnga udde sarun itara wuṛṛu walahanna apan nitul᷊ungnga udde sarun manawo. Ne itarua sarun mate.

YEREMIA 51:56

I mangitou nirumanta manggohakku Babel, mannametta manga tantarane wuṛṛu namaddi manga ahiddi mangitou. Ete i Ya'u Mawu apan makkuumannu al᷊al᷊eo, wuṛṛu Babel sarun Ta'u wal᷊isanna uasul᷊ungngu inolaanne.

YEHEZKIEL 39:3

Isudde sarun Ta'u puul᷊anna darangeanne ma'oman sara mapallossa wuassu limane aiṛṛi, wuṛṛu Ta'u iapaema'a manga anaanna wuassu limane aikkatanne.

AMOS 9:1

I ya'u naasilo Mawu uarisikka maranin mezbah. I Tou nangonggollu parenta indi, “Puulle pa'ikka-ikkatta manga puan diṛṛi su Wal᷊e-U tadea'u ahewallu panumbal᷊ene umio'a. Paṛṛaa'e manga diṛṛi udde su puan manga taumata. I mangitou apan tawe mate sarun Ta'u pateanna sulal᷊ummu pangalo. Tawe saran sangkatou apan tawe maatal᷊angngu watanganne, tawe saran sangkatou apan maal᷊aassangnga.

HAGAI 2:22

manga araratuanna Ta'u iapaṛṛa'a wuṛṛu taṛṛinon mangitou Ta'u ṛinumsaanna. Manga karetan pangalo ringannu mangangapidde sarun Ta'u iwal᷊insuangnga; anambon awal᷊o sarun nate wuṛṛu manga sumasa'ene sarun mapapate.

ZAKARIA 10:5

Tumana'u Yehuda sarun maauntungnga ere manga atumannaṛṛane apan maṛṛinda seetta ere labbo su lal᷊anna. I mangitou mattinsahadda ana waugu i Ya'u, Mawu massumbala si mangitou, wuṛṛu tantaran seetta apan uasa'e awal᷊o sarangkanambone sarun iawaddon mangitou.