AMOS 1:8 - WUKE SUSI WATTI'U AL᷊AL᷊USASSA

⁸ Tumanangnge wuṛṛu tembonannu soa Asdod see Askelon sarun Ta'u wambanganna. Soa Ekron sarun Ta'u ittuumanna, wuṛṛu anambon lamben taumatan Filistin sarun Ta'u pateanna.”

AMOS 1:8 Iomraidhean Croise

2 TAWARIKH 26:6

Uzia napapangalo nando'appa taumatan Filistin. I tou nanggohakku manga tanda'u watu su soa Gat, Yabne, wuṛṛu Asdod, ana see napararisikku manga soa pia tatandange watu maranin Asdod wuṛṛu su wageangnge waine su Filistin.

DARALO 81:14

Eh, unnuwisara al᷊aṛṛana-U maddaringikka si Ya'u, unnuwisara i mangitou maapulu tumuṛutta si Ya'u,

YESAYA 1:25

I Ya'u sarun mabbal᷊issa si yamiu. Naal᷊ihidda taumata apan mammaresi logamma, i yamiu sarun Ta'u waresianna; al᷊awo'a apan pia luhudde sarun Ta'u iramme wua dinganni yamiu.

YESAYA 20:1

Wuassu parentan Sargon, ratun Asyur, tembonannu tantaran Asyur namangalo Asdod, sambau soa su Filistin.

YEREMIA 47:1

Tantal᷊anna ratu Mesir taambe namangalo Gaza, Mawu nabbisara si ya'u su ola'u wanua Filistin.

YEHEZKIEL 25:16

Ana waugu udde i Ya'u sarun mamangalo manga taumatan Filistin wuṛṛu mamate si mangitou. Suapan taumata lambene su wageangngu leta'u salleannu Filistin sarun Ta'u pateanna.

YOEL 3:4

Uranni yamiu i Ya'u indi, ei Tirus, Sidon wuṛṛu al᷊awo'u wageangngu leta'u Filistin? Mappuluwe i'o mabbal᷊issa naungngu lal᷊eo si Ya'u? Ne, panengkampe wawal᷊i-U apan rumanta ringannu mal᷊ihakka.

AMOS 1:7

Ana waugu udde i Ya'u sarun mangirimmu putungnga watukku manga darandangngu Gaza, wuṛṛu manoṛṛobba paasueanna manga tanda'a watune.

AMOS 3:9

Al᷊iata'e su anga taumata apan uatana'a su wal᷊en araratuannu Mesir wuṛṛu Asdod, “Paammulle su manga wowone maranin Samaria, wuṛṛu panutukke aal᷊iba'ukka apan wahewalla see pangangallangnga apan niola'a poiaroddi.”

OBAJA 1:18

Uma-U Israel naal᷊ihidda putungnga apan nanoṛṛobba na'oman sara nasue papapulunni Esau, naal᷊ihidda putungnga nanoṛṛobba na'oman sara nasue laṛṛami su wawail᷊anna. Tawe saran sangkatou wuassu papapulunni Esau apan naatal᷊angnga. I Ya'u, Mawu buatte nabbisara!

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

ZAKARIA 9:5

Soa Askelon wuṛṛu Gaza sarun maasilo si Tou wuṛṛu mabbal᷊i mata'utta. Ekron sarun maasilo si Tou lai wuṛṛu sarun awul᷊iannu al᷊awo'u pangangantimme. Gaza sarun awul᷊iannu ratunne, wuṛṛu Askelon sarun mabbal᷊i mal᷊annabba tawe tumatanangnge.

ZAKARIA 9:6

Asdod sarun atanaannu manga taumata wuassu walahanna ual᷊al᷊o'a. Mawu nabbisara, “Taumatan Filistin apan mawunga udde sarun Ta'u ṛaddaanna.

1 SAMUEL 6:17

Ringannu aroddi taumatan Filistin buatte nangonggolla su Mawu sasamba aampungnga rosan tumana'u lima soa apan paparentannu siri lima ratun Filistin. Manga soa udde eteudde; Asdod, Gaza, Askelon, Gat wuṛṛu Ekron. Suwallattu manga soa udde pia tanda'a watune, piaddu lai tawe. Suapan soa udde napaapiddu sangkangkumma wul᷊awanna wuṛṛu sambau wal᷊awo wul᷊awanna. Tatialan arariadianna udde eteudde watu wahewalla tampan mangitou nangaddon Wantallu Paairen Mawu. Naddatingngu allo indi watu udde ta'e su wailli Yosua taumatan Bet-Semes udde.