AMOS 1:6 - WUKE SUSI WATTI'U AL᷊AL᷊USASSA

⁶ Mawu nabbisara, “Tumana'u Gaza masokkate ma'ola'a rosa, ana waugu udde i Ya'u sarunmakkuumanni mangitou. I mangitou buatte naṛṛuwo sambau walahanna sarangkanambone, ana see niwal᷊u'a maola'a allangnga su taumatan Edom.

AMOS 1:6 Iomraidhean Croise

2 TAWARIKH 28:18

Sutempo udde lai manga taumatan Filistin tantal᷊anna mammangalo manga soa su wageangngu wawal᷊annu wowone samba'a waṛṛatta, wuṛṛu su wageangngu samba'a timukku Yehuda. I mangitou napangaṛṛo soa Bet-Semes, Ayalon wuṛṛu Gederot, see lai soa Sokho, Timna, wuṛṛu Gomzo see lai ampungnga ual᷊indongannu soa tatallu udde ana see namanuate isudde.

YEREMIA 47:1

Tantal᷊anna ratu Mesir taambe namangalo Gaza, Mawu nabbisara si ya'u su ola'u wanua Filistin.

YEHEZKIEL 35:5

Ro'en dorone i yamiu masseettu Israel wuṛṛu namala mangitou laṛṛatanna sutempo i mangitou niarantannu asasilaka maola'a ṛuumanna panginsueanne wuassu rosa mangitou.

YOEL 3:4

Uranni yamiu i Ya'u indi, ei Tirus, Sidon wuṛṛu al᷊awo'u wageangngu leta'u Filistin? Mappuluwe i'o mabbal᷊issa naungngu lal᷊eo si Ya'u? Ne, panengkampe wawal᷊i-U apan rumanta ringannu mal᷊ihakka.

YOEL 3:6

Tumana'u Yehuda wuṛṛu Yerusalem niapiddi yamiu marau wuassu wanuane; wua'udde niwal᷊u'i yamiu su walahannu Yunani.

AMOS 1:11

Mawu nabbisara, “Tumana'u Edom masokkate ma'ola'a rosa, ana waugu udde i Ya'u sarun makkuumannai mangitou. Ringannu tawe umakkanna, i mangitou buatte namangalo taumatan Israel, manga tuṛṛangngi mangitou. I mangitou sidutu mandona wuṛṛu mangke mangngunne.

AMOS 1:3

Mawu nabbisara, “Tumana'u Damsyik masokkate ma'ola'a rosa, na waugu udde i Ya'u sarun makkuumanni mangitou. I mangitou mammarenta taumatan Gilead ringannu maṛṛagissa,

AMOS 1:7

Ana waugu udde i Ya'u sarun mangirimmu putungnga watukku manga darandangngu Gaza, wuṛṛu manoṛṛobba paasueanna manga tanda'a watune.

AMOS 1:9

Mawu nabbisara, “Tumana'u Tirus masokkate ma'ola'a rosa, ana waugu udde i Ya'u sarun makkuumanni mangitou. I mangitou buatte naṛṛuwo sambau walahanna sarangkanambone watukku pamamuanganna, wuṛṛu nanantilli mangitou su Edom; i mangitou buatte nilumawangnga paaire paggahahawe.

OBAJA 1:11

I'o uarisikka wuassu marau, su allo seetta naṛṛapi ngaran Yerusalem wuṛṛu namaddon soa udde. I'o mangke mal᷊anabba sutempo i mangitou naṛṛuwo paa'alan Yerusalem wuṛṛu ringanna nitahia suwallatti mangitou. I'o nassul᷊ungnga al᷊eone ringannu seetta udde.

ZAKARIA 9:5

Soa Askelon wuṛṛu Gaza sarun maasilo si Tou wuṛṛu mabbal᷊i mata'utta. Ekron sarun maasilo si Tou lai wuṛṛu sarun awul᷊iannu al᷊awo'u pangangantimme. Gaza sarun awul᷊iannu ratunne, wuṛṛu Askelon sarun mabbal᷊i mal᷊annabba tawe tumatanangnge.

WATTI'U MANGA RASUL 8:26

Sangkatou mala'ekattu Mawu nabbisara si Filipus, “Ote amata'e! Roote watukku timukka su lal᷊anna apan uasampa'u Yerusalem wuṛṛu Gaza.” Lal᷊anna udde mal᷊annaba tawe damene.

1 SAMUEL 6:17

Ringannu aroddi taumatan Filistin buatte nangonggolla su Mawu sasamba aampungnga rosan tumana'u lima soa apan paparentannu siri lima ratun Filistin. Manga soa udde eteudde; Asdod, Gaza, Askelon, Gat wuṛṛu Ekron. Suwallattu manga soa udde pia tanda'a watune, piaddu lai tawe. Suapan soa udde napaapiddu sangkangkumma wul᷊awanna wuṛṛu sambau wal᷊awo wul᷊awanna. Tatialan arariadianna udde eteudde watu wahewalla tampan mangitou nangaddon Wantallu Paairen Mawu. Naddatingngu allo indi watu udde ta'e su wailli Yosua taumatan Bet-Semes udde.