AMOS 1:5 - WUKE SUSI WATTI'U AL᷊AL᷊USASSA

⁵ Manga ngara wahewalla su Damsyik sarun Ta'u hoaṛṛanna, wuṛṛu tumana'u Wawal᷊annu Awen sarun Ta'u sahangginanna wuassu tampa atatanaanni mangitou. Tembonannu Bet-Eden sarun Ta'u iapasossokka wuassu aiananne, wuṛṛu tumana'u Siria sarun iatawanna wua'udde ṛuwoanna watukku wanua Kir.”

AMOS 1:5 Iomraidhean Croise

2 MARARATU 14:28

Watti'a waine su ola'i Ratu Yerobeam II, su ola'u awawaṛṛanine sulal᷊ummu manga pangalo wuṛṛu ereapa i tou nangaṛṛo apia Damsyik wuṛṛu Hamat wuassu Yehuda hunan Israel, sarangkanambone niwoṛṛetta sulal᷊ummu wuken Watti'u mararatun Israel.

2 MARARATU 16:9

I Ratu Tiglat-Pileser naddaringikka sasal᷊anden Ahas, ana see namangalo wuṛṛu nangaṛṛo Damsyik. Tumanange apan niawawi niapidde watukku Kir, wuṛṛu ratune, eteudde i Ratu Rezin, apan nipatene.

YESAYA 22:6

Taumatan Siria nirumanta ringannu awal᷊o wuṛṛu keretan pangalo, taumatan Elam ahidde al᷊atianna wuṛṛu anaanna, taumatan Kir nanaddia allungnge.

YESAYA 43:14

Mawu mananal᷊amannu, Apan Na'ukkassa su Israel, nabbisara, “Ana waugu i yamiu, i Ya'u nandolokku tantara watukku Babel, wuṛṛu Ta'u nihohakka manga papal᷊e ngaran tuttupanna; manga hion taumatan Kasdim Ta'u niwal᷊u nabbal᷊i lal᷊uai.

YESAYA 8:4

Waugu tantal᷊anna ana'a udde ta'e addio'a taambe maasaggo ‘Papa’ wuṛṛu ‘Mama’, anambon paa'alan Damsyik wuṛṛu anambon saranapa niṛṛampassu Samaria sarun ṛuwoanna ringannu ratun Asyur.”

YEREMIA 50:36

Matete manga nabi su Babel! I mangitou taṛṛa awusu wuṛṛu longonna. Natete tantaran Babel apan matohassa! Aroddi ata'unne i mangitou!

YEREMIA 51:30

Taumatan Babel naddote mapapangalo wuṛṛu uatana'e su manga tanda batu. I mangitou niawul᷊iannu awawaṛṛani wuṛṛu tate maa'al᷊iore. Manga ngara pasallangannu soa buatte nihohakka, wuṛṛu manga wal᷊en nisoṛṛobba.

LAL᷊ALLU 2:9

Manga ngarane niaomboannu leta'a, anambon papal᷊ene napaddi; ratu wuṛṛu tembonannu pamarenta poite su pamuanganna. Titan Mawu tate lai iaṛṛa'a; nabi tate lai manengkamma sondappa wuassu Mawu.

YEHEZKIEL 27:23

Manga soan Haran, Kane, Eden, manga mabbawal᷊u'a wuassu Syeba, manga soan Asyur wuṛṛu Kilmad, sarangkanambone mabbal᷊u'a ringannu.

YEHEZKIEL 30:17

Manga umbasannu soa Heliopolis wuṛṛu Bubastis sarun mate sulal᷊ummu pangalo, wuṛṛu manga wawine sarun sametanna.

HOSEA 10:8

Manga kuil su manga wuidda su Betel tampan taumatan Israel massubba paal᷊uanna, sarun ṛimunsaanna. Larangnga wuṛṛu nannal᷊o sarun tumuwo su mezbah i mangitou. Ana see i mangitou sarun mangintul᷊i sarun manga wowone, “Taapete i yami!” wuṛṛu su manga wuidda, “Soopete i yami!”

AMOS 5:5

Imbaṛṛangnga inai watukku Bersyeba mattaṛṛamawu. Arie maddea'a si Ya'u su Betel, ana waugu Betel sarun mawuli. Arie lai inai watukku Gilgal, ana waugu taumana'u soa udde sarun ṛuwoanna watukku pamamuanganna.”

AMOS 9:7

Mawu nabbisara, “Ei umattu Israel, i Ya'u mannutukka taumatan Sudan uasul᷊ungnga ere lai i Ya'u mannutukka si yamiu. I Ya'u buatte nangapiddu taumatan Filistin wuassu Kreta wuṛṛu taumatan Siria wuassu Kir uasul᷊ungnga ere lai i Ya'u nangapiddi yamiu wuassu Mesir.

NAHUM 3:13

Manga tantaranu lome ere wawine wuṛṛu wanuanu mangke tawe maal᷊ore sumaruanna seetta. Putungnga sarun manoṛṛobba manga sal᷊aba'un ngaranu.