AMOS 1:2 - WUKE SUSI WATTI'U AL᷊AL᷊USASSA

² Eteindi apan niapasingkatti Amos, “Mawu mangngintul᷊i wuassu Wuiddu Sion, tingik-Ke maddallu'a wuassu Yerusalem. Manga wadda'u nannal᷊o nabbal᷊i lol᷊okka, nannal᷊o su Wowon Karmel naṛṛangu naṛṛagassa.”

AMOS 1:2 Iomraidhean Croise

DARALO 29:4

Tingikku Mawu niaringiṛṛanna, napenen taṛṛino wuṛṛu araṛṛamaga.

DARALO 46:6

Ruata uatana'a poiaroddi, ne soa udde tawe mahohakka; I Tou sarun mantul᷊ungnga sutempo marua allo.

AMSAL 20:2

Asasa'un datu naal᷊ihidda tingikku singa; taumata apan mandantan asasa'une udde atappasanne mannilakka watanganne sassane.

YESAYA 33:9

Wanua tinantangnga naola'a mal᷊annabba. Manga mahurangngu Libanon maṛṛissitta, wuṛṛu wawal᷊annu Saron apan masuwukka nabbal᷊i wadda'u anne. Su Basan wuṛṛu su Wowon Karmel manga rongnga mattontongnga.

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

YESAYA 42:13

Mawu inaite mapapangalo naal᷊ihidda sangkatou waṛṛanine, naal᷊ihidda sangkatou tantara apan apulune mapapangalo. I Tou nanggoressan aintul᷊in pangalo, wuṛṛu namasil᷊o awawaṛṛani-Ne su saruannu seetta.

YEREMIA 12:4

Ta'e sangkura lai al᷊annune wanua indi mamara, wuṛṛu nannal᷊o tumolangnga su al᷊awo'u wawail᷊anna? Manu'u winalanganna wuṛṛu winatangnga waine nate ana waugu al᷊al᷊eon balahanni yami. I mangitou nabbisara, manungku i ya'u sarun tawe maasilo ola'u pabbiaṛṛanni mangitou.”

YEREMIA 14:2

“Yehuda naungnge massusa manga soane maranite mate. Manga taumatane ual᷊allowangnga su leta'a wuṛṛu sussal᷊iomanna. Yerusalem mangngintul᷊i ma'iontolla.

YEREMIA 25:30

Sarangkanambone apan buatte Ta'u niwal᷊o si'o, ṛinone iapasingkannu. Wal᷊oa'e si mangitou, ‘Tingikku Mawu ruddallu'a wuassu surga; wuassu araratuan-Ne apan na'ukkassa i Tou ruddallu'a mando'appa uman-Ne. Anambon tumana'u runia naaringikka i Tou nanggoressa naal᷊ihidda mammamanara apan mammakkan anggore sutampa paṛṛindanna anggore.

YEREMIA 28:8

Manga nabi sutempo i ite taambe buatte namani'atta manungku pangalo, asasilaka, see al᷊aṛṛusa'itta sarun maṛṛia'a su anambon balahanna wuṛṛu araratuanna apan mangkatohassa.

YEREMIA 50:19

I Ya'u sarun mamelengngu taumatan Israel su wanuan mangitou. I mangitou sarun umanna wuassu hessin leta'u Wowon Karmel wuṛṛu leta'u Basan. I mangitou sarun mal᷊aiddu hessin leta'u Efraim wuṛṛu Gilead.

HOSEA 11:10

Mawu nabbisara, “Uma-U sarun tumantalongnga si Ya'u napawe i Ya'u mamiṛṛinganna ere singa wuṛṛu mammata'utta seetti mangitou. Uma-U sarun masasaṛṛawutta rumanta wuassu samba'a waṛṛatta tadea'u massubba si Ya'u.

HOSEA 13:8

I Ya'u sarun mamangalo si yamiu ere beruang apan niawul᷊iannau manga anangnge. I Ya'u sarun manggaissa si yamiu. Naal᷊ihidda singa i Ya'u sarun tumambo si yamiu su tampanu, wuṛṛu naal᷊ihidda winatangnga malaṛṛaga i Ya'u mangke manggesa'a si yamiu.

YOEL 1:19

I ya'u ma'iontolla Si'o, oh Mawu ana waugu manga wadda'u nannal᷊o mangke naṛṛangu mamara manga aluanna lai naṛṛangu wuṛṛu nate naal᷊ihidda ere nisoṛṛobbu putungnga.

YOEL 2:11

Tingikku Mawu nirumallu'a, nangonggollu parenta, su tantaran pangalone. Tumaniten manambo reengannu tantarane! Tumaniten matohassa tantara apan mappaamattu parenta-Ne! Mangke maata'utta wuṛṛu wahewalla Allon Mawu! Tawe saran sangkatou apan maataṛṛangnga.

YOEL 3:16

Mawu u'ui wuassu Sion, wowonen Tou; wuasu Yerusalem nirumallu'a tingik-Ke. Langitta wuṛṛu runia niumio'a ana waugu i Tou. Arawe Mawu sidutu sarun mannamba'a wuṛṛu manirungnga Israel, uman-Ne.

AMOS 9:3

Amungkangngu i mangitou ma'imbuni su puiddu Wowon Karmel, i Ya'u sarun maddea'a wuṛṛu manametta si mangitou. Amungkangngu i mangitou ma'imbuni su ṛanassu tahal᷊oangnga, i Ya'u sarun mamarenta nagan tahal᷊oangnga iapapul᷊iasa si mangitou.

NAHUM 1:4

I Tou namansagu tahal᷊oangnga wuṛṛu naapamarane, al᷊awo'u sal᷊ukka niapaatti ua'ene. Wowon Karmel wuṛṛu manga wadda'a su Basan nabbal᷊i lol᷊okka wuṛṛu su Libanon tinumolangke al᷊awo'u wantin bunga.

1 SAMUEL 25:2

Su soan Maon pia sangkatou esakka wuassu amonanni Kaleb, aranne i Nabal. I tou pia leta'a pappadul᷊iananna winatangnga maranin soan Karmel. I tou tumaniten ala wuṛṛu uatahuanna 3.000 domba wuṛṛu 1.000 ambingnga. I Abigail awingnge, pande wuṛṛu maṛṛamaga, arawe pallal᷊aghun Nabal maṛṛagissa wuṛṛu lal᷊eo. Su allo sambau i Nabal tantal᷊anna mammol᷊o wambul᷊un dombane su Karmel.