AMOS 1:12 - WUKE SUSI WATTI'U AL᷊AL᷊USASSA

¹² Ana waugu udde, i Ya'u sarun mangirimmu putungnga watukku soa Teman, wuṛṛu manoṛṛobba ma'oman sara masue manga tanda'a watun Bozra.”

AMOS 1:12 Iomraidhean Croise

YESAYA 34:5

Mawu buatte nanaddia hal᷊ele-Ne su surga, wuṛṛu orassa indi hal᷊ele udde sarun maṛṛia'a su walahannu Edom apan buatte niemaannu ṛuumanna wuṛṛu ṛaddaanna.

YESAYA 34:6

Hal᷊ele Mawu sarun, mappeta'u daṛṛa wuṛṛu mapenen tawa mangitou, naal᷊ihidda ere ringannu daṛṛa wuṛṛu tawan binatangngu sasamba. Ana waugu Mawu nanaddia sasamba su Bozra, wuṛṛu na'ola'a pamamototta marasai su leta'u Edom.

YESAYA 63:1

“Isaite i tou apan nirumanta wuassu Bozra su Edom? laungnge maṛṛamu, peddenne maṛṛamaga; i tou u'amatta ringannu waṛṛani matohassa.” “Ete i Ya'u Mawu apan botongnge manal᷊amatta wuṛṛu nirumanta ringannu uaapiddu watti'u auntunganna.”

YEREMIA 49:13

I Ya'u massalu ringannu arang-Ku sassane manungku soa Bozra sarun maola'a tampa apan ma'ata'utta apan nitantangngu taumata. Taumata sarun lumagene wuṛṛu mappaattu aranne maola'a wawontoga. Anambon ampungnga maranine sarun mabbal᷊i winal᷊alanna saran mal᷊annu-l᷊annu. I Ya'u, Mawu, buatte nabbisara.”

YEREMIA 49:20

Ana waugu udde, paddaringikke apa apan buatte Ta'u nihol᷊aga su saruannu taumatan Edom, wuṛṛu apa apan Ta'u olaanna su saruannu tumana'u soan Teman. Al᷊aṛṛana'i mangitou sarun iapidda inai, wuṛṛu anambon taumata mangngiladdu atata'utta.

YEREMIA 49:22

Naal᷊ihidda manu'a asiaṛṛe mangngametta ringannu papaidda uasiappakka, aroddi lai seetta sarun dumanta wuṛṛu mangametta Bozra. Su allo udde tantaran Edom sarun mata'utta ere wawine apan mangunsiwete.”

YEREMIA 49:7

Eteindi apan niwisara Mawu Apan Lembontaṛṛino su ola'u Edom, “Apa taumatan Edom tawe maaṛṛingidda ringannu asingkatta? Apa manga mananantirone tate mangonggollu tatantiro apia? Apa nawul᷊ite asingkatti mangitou!

YEHEZKIEL 25:13

Ana waugu udde i Ya'u mangal᷊iata manungku i Ya'u sarun makkuumannu Edom wuṛṛu mamate suapan taumata wuṛṛu suapan binatangnga poiaroddi. Ahewallu wanua udde, wuassu soa Teman maddatingngu soan Dedan, Ta'u olaanna mal᷊annabba; tumanangnge sarun mate sulal᷊ummu pangalo.

OBAJA 1:1

Eteindi laṛṛangngon Obaja; i tou namasingkattu tanatan Mawu Apan Atanggaṛṛanne su ola'u walahannu Edom: Mawu buatte nangirimmu daroloṛṛan-Ne ringannu manga walahanna, wuṛṛu i ite buatte naringikka tanata apan buatte niapidde ere indi, “Pandiahite inai mapapangalo! Wette i ite inaite mamangalo Edom.”

HABAKUK 3:3

I'o Ruata Apan Lembonsusi nirumanta wuassu Teman, I'o nirumanta wuassu panenteannu Paran. Langitta aoosannu awawantu-Gu; runia napenen daralo Si'o.