AMOS 1:1 - WUKE SUSI WATTI'U AL᷊AL᷊USASSA

¹ Amos uddewe sangkatou mallal᷊u'adda domba wuassu soa Tekoa. I tou naola'a nabi sutempo wanua Yehuda paprentanni Ratu Uzia, wuṛṛu Israel paparentanni Ratu Yerobeam, ana'i Yoas. Darua su tonnane tantal᷊anna taambe nariaddi linukka, Ruata namasingkatta si Amos manga inolaanna su ola'u Israel.

AMOS 1:1 Iomraidhean Croise

2 SAMUEL 14:2

ana waugu udde i tou napaal᷊appu sangkatou wawine pande apan uatana'a su Tekoa. Napawe wawine udde na'omate, i Yoab nabbisara si tou, “Inangnga ṛinone pangawusu lullal᷊o; palluṛṛeten laubbu lullal᷊o, wuṛṛu imbaṛṛangnga mamuṛṛan lana mawangngi. Pattannote ere wawine apan mal᷊annute lulluai papaten taumata apan arangnguanne.

1 MARARATU 19:19

Ne i Elia inaite wuṛṛu naaratingnga si Elisa tantal᷊anna mammajeko. Pia mapul᷊o dua su parene sapi su saruanne wuṛṛu i Elisa sassane mamajeko ringannu sapi sampare apan panginguseanne. Sutempo i Elia sinumabbi maranin Elisa, i Elia nalluatta jubane wuṛṛu nisampe su wambangngi Elisa.

2 MARARATU 14:23

Su tonna mapul᷊o l᷊ima i Amazia ana'i Yoas uaparenta su Yehuda, i Yerobeam II ana'i Yoas naola'a ratun Israel, wuṛṛu namarenta su Samaria 41 su tonnane al᷊annune.

2 TAWARIKH 11:6

soa Betlehem, Etam, Tekoa,

2 TAWARIKH 20:20

Tiṛṛabbine marua allo maṛṛanggapa, tumanangnge sinumabbangnga wuṛṛu inaite watukku wageangngu wadda'a maranin Tekoa. Sutempo i mangitou umamatte, Yosafat nangonggolu tanata indi si mangitou, “Tumana'u Yehuda wuṛṛu Yerusalem! Pangimante Mawu Ruatanu, ne i yamiu sidutu wiakka. Sengkampe tatantiro wuassu manga nabinu, ne i yamiu sarun maasomba hessine!”

SASABANGNGA 3:1

Su tempo udde i Musa mallu'adda manga domba wuṛṛu manga ambingngi Yitro, la'iananne, imam su leta'u Midian. Su tempo i tou tantal᷊anna mangngul᷊uga winatangnga udde watukku samba'an badda'a lol᷊okka, i tou na'omate su Wowon Sinai, wowone apan susi.

YESAYA 1:1

Wuke indi lal᷊oṛṛoannu manga tanata su ola'u Yehuda wuṛṛu Yerusalem apan niapal᷊iatta'u Ruata si Yesaya ana'i Amos sutempo i Uzia, i Yotam, i Ahas wuṛṛu i Hizkia namarenta su Yehuda.

YEREMIA 1:1

Buke indi lal᷊oṛṛoannu manga wisaran Yeremia ana'i Hilkia, sangkatou imam wuassu soa Anatot su wageangngu leta'i Benyamin.

YEREMIA 28:8

Manga nabi sutempo i ite taambe buatte namani'atta manungku pangalo, asasilaka, see al᷊aṛṛusa'itta sarun maṛṛia'a su anambon balahanna wuṛṛu araratuanna apan mangkatohassa.

YEREMIA 6:1

Roote tal᷊angnga, ei manga taumatan Benyamin! Tantanga'e Yerusalem! Paniuppe trompetta su Tekoa, wuṛṛu paṛṛenggama'e putungnga isaratta su Bet-Kerem! Asasilaka wuṛṛu pangalo wahewalla rumanta wuassu sawannakka.

YEREMIA 7:27

Wua'udde Mawu nabbisara, “Ana waugu udde, ei Yeremia, salaiwe i'o mamasingkattu sarangkanambone udde su walahang-Ku, i mangitou maddiri massunna manga wisaranu. Salaiwe i'o mamaggo si mangitou, i mangitou tawe sumimbakka.

HOSEA 1:1

Eteindi tanata apan nionggollu Mawu si Hosea ana'i Beeri sutempo araratuannu Yehuda nallal᷊isansunna paparentanni Ratu Uzia, Yotam, Ahas, see Hizkia, wuṛṛu araratuannu Israel paparentanni Yerobeam ana'i Yoas.

AMOS 7:14

Amos sinumimbakka, “I ya'u wal᷊ine nabi ana waugu manara'u. I ya'u indi mamamaduli winatangnga wuṛṛu manani'o wuan ara.

MIKHA 1:1

Mikha darantane wuassu sambau soa addio'a arane Moresyet. Sutempo wanua Yehuda paparentannu ual᷊al᷊isansunna eteudde Ratu Yotam, Ahas wuṛṛu Hizkia. Mikha nenengkamma tanatan Mawu su ola'u Samaria wuṛṛu Yerusalem.

ZAKARIA 14:5

I yamiu sarun tumal᷊angnga umamattu wawal᷊anna apan nattahia wuidda udde nabbal᷊i darua. I yamiu sarun tumal᷊angnga ere iupungngu al᷊amonanu sutempo nariaddi linukka sutempo i Uzia, ratun Yehuda uaparenta. Wua'udde nirumantate Mawu Ruata'u, tatantalongannu anambon mala'ekatta.

MATIUS 4:18

Su tempo Mawu Yesus u'amatta su apannu Ranon Galilea, i Tou naasilo ruang katou samakka, eteudde i Simon (apan isassaggo lai i Petrus) ringannu tuarine i Andreas. I mangitou tantal᷊anna mannoma inassa su rano udde.

1 KORINTUS 1:27

Ana waugu atonna Ruata namile taumata apan sassunnannu runia indi woddo, tadea'u manga taumata pande masili. Wuṛṛu Ruata lai namile taumata apan sassunannu runia indi lome, tadea'u manga taumata apan matohassa wuṛṛu waṛṛani, masili.