2 YOHANES 1:4 - WUKE SUSI WATTI'U AL᷊AL᷊USASSA

⁴ I ya'u lembon lulluassa napawe naasingkatta manungku pia al᷊aṛṛana'u Inangnga apan mabbiakka tuttuṛṛuta al᷊aṛṛa'u Ruata, ere lai suete nirolokku Ruata Iamangnga si ite.

2 YOHANES 1:4 Iomraidhean Croise

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

MALEAKHI 2:6

I mangitou mangnggaṛṛa'a ringannu naṛṛino wuṛṛu wal᷊ine apan nassal᷊a. I mangitou marani-U, wuṛṛu ringannu atatul᷊idda tuttaṛṛutta apulu-U. I mangitou lai mantul᷊ungngu manambo taumata tadea'u tate lai ma'ola'a al᷊al᷊eo.

1 KORINTUS 13:6

Taumata apan marangngu manga taumata waine, maddirin kal᷊al᷊eo, i tou tumba'u mal᷊uassa su apapia.

GALATIA 2:14

Aroddi ya'u naasilo manungku pallal᷊agu mangitou uapapaṛṛalan atatul᷊iddu Watti'u Al᷊al᷊uassa udde, i ya'u nabbisara si Petrus su saruannu awadaalla apan uasemodda isudde. “Amungkangngu Tuṛṛangnga sangkatou Yahudi apan buatte nabbiakka naal᷊ihidda taumata wal᷊ine Yahudi, anio Tuṛṛangnga orassa indi maapulu mamata'u manga taumata waine mabbiakka ere taumatan Yahudi?”

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

EFESUS 5:8

I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.

FILIPI 4:10

Sulal᷊ummu wia'u apan uaaukka ringannu Mawu, i ya'u naapendamma lal᷊umanna'a wahewa, ana waugu aroddite al᷊annune, orassa indi yamiu pia tempone lai maṛṛingiddu wadangku. Pandumangku wal᷊inewe manungku i yamiu naabul᷊i'ute; atonna i yamiu uanaungnga si ya'u, arawe i yamiu tawe maasomba tempone mapaal᷊iatta'u aakkanne.

1 YOHANES 2:6

Isai-sai nabbisara manungku i tou mabbiakka uaaukka ringannu Ruata, i tou ṛinone mabbiakka manantuṛṛutta lempangi Kristus.