2 SAMUEL 7:8 - WUKE SUSI WATTI'U AL᷊AL᷊USASSA

⁸ Ana waugu udde, i Natan, pasingkata'e su allang-Ku Daud, manungku i Ya'u, Mawu Apan Lembontaṛṛino, nabbisara si tou, ‘I'o buatte Ta'u nial᷊appa wuassu manaranu mallu'adda domba su wadda'a wuṛṛu Ta'u nitenega maola'a ratun pabbawala-U Israel.

2 SAMUEL 7:8 Iomraidhean Croise

2 SAMUEL 12:7

Natan nabbisara si Daud, “Ete i Tuangnga taumatane udde! Wuṛṛu eteindi niwisaran Mawu, Ruatan Israel, ‘I'o buatte Ta'u nitenega maola'a ratun Israel wuṛṛu ete nisalamatta wuassi Saul.

2 SAMUEL 14:13

Unnu wawine udde, “Ringannu wisaran Tuangnga udde, i Tuangku buatte nanga'u manungku i Tuangku sassane nassal᷊a ana waugu tawe mamalan parinsin Tuangku mapul᷊e wuassu pa'imbunianne. Anio i Tuangku na'ola'a pasasal᷊a ereudde su saruannu al᷊aṛṛana'u Ruata?

2 SAMUEL 23:1

I Daud ana'i Isai nipile naola'a ratu wuṛṛu niola'u Ruatan Yakub taumata apan a'addatanna. Ete i tou apan nangarangngu manga aantari hunan Israel. Eteindi wisaran Daud apan panginsulanne;

2 SAMUEL 24:17

I Daud naasilo mala'ekatta apan tantal᷊anna mammate tumanangnge udde, ana see i tou nabbisara Mawu, “Ete i ya'u apan marosa ana waugu i ya'u apan na'ola'a pasasal᷊a udde. Arawe apate pasasal᷊an walahanna nasusa udde? Ṛuumana'e i ya'u wuṛṛu amonangku!”

2 SAMUEL 5:2

Ro'en dorone, ewe'e lai sutempo i Saul ta'e uaparenta si yami, masokka lai i Tuangnga mamiaṛṛa'u tantaran Israel napawe inaite mapapangalo, see lai Mawu buatte naddiandi si Tuangnga manungku ete i Tuangnga apan mamiaṛṛa'u al᷊aṛṛanang-Nge wuṛṛu maola'a ratun mangitou.”

2 SAMUEL 6:21

I Daud sinumimbakka, “I ya'u massal᷊aingnga ana waugu mangngaddatta Mawu, apan buatte nanol᷊a'u iamangngu wuṛṛu amonanne, ana see namile si ya'u maola'a piaṛṛa'u Israel, al᷊aṛṛanang-Nge. Ana waugu udde i ya'u sidutu massal᷊aingnga ipangaddatta Mawu.

1 MARARATU 3:6

I Salomo sinumimbakka, “Mawu, I'o buatte napal᷊iatta'a manungku I'o tumaniten marangngu iamangku Daud, allang-Ngu udde. I tou mapia, tawe awusune see matamudda Si'o. Wuṛṛu naola'a wataṛṛune manungku sarangkal᷊o'enge I'o sidutu mandangngu si tou, I'o nangonggolla si tou sangkatou ana'a esakka apan uaparenta nallol᷊ossa si tou.

1 TAWARIKH 17:7

Ana waugu udde, i Natan, pasingkata'e su allang-Ku Daud manungku i Ya'u, Mawu Apan Lembontaṛṛino, nabbisara si tou, ‘I'o buatte Ta'u nial᷊appa wuassu manaranu mallu'adda domba su wadda'a, wuṛṛu Ta'u nitenega naola'a ratu su Walahang-Ku Israel.

1 TAWARIKH 21:17

Daud inumal᷊iomanna, wisarane, “Oh Mawu, ete i ya'u apan nassal᷊a. Ete i ya'u apan nandolokka napaola'a pandareengnga udde. Walahanna indi mangke atonna tawe sal᷊ane! Oh Mawu, Ruata'u, ṛuumana'e i ya'u wuṛṛu amonangku, arawe liua'a asasilaka indi wuassu al᷊aṛṛanang-Ngu.”

AMOS 7:15

Arawe Mawu nangal᷊appa si ya'u wuassu manara'u, wuṛṛu nandolo'u iapapasingkattu tanata-Ne su taumatan Israel.

WATTI'U MANGA RASUL 7:46

I Daud ma'al᷊uassa naungngu Ruata wuṛṛu sussal᷊ande si Tou tadea'u i tou iwala mapararisikku sambau Wal᷊en Ruata apan sassubbanni Yakub udde.

1 SAMUEL 10:1

Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;

1 SAMUEL 2:8

Wuassu asasusa Mawu namatunna taumata tawe darotongnge, wuassu asasahadda Mawu namallossu taumata lal᷊ebbone. I mangitou niola'a hawe manga ma'ala, wuṛṛu nionggol᷊annu manara apan a'addatanna. Rapappakku runia tatahuanannu Mawu, su wowone Mawu napararisikku runia.

1 SAMUEL 9:16

“Tiṛṛabbi marua'allo iraṛṛangngo orassa arendi lai, Ya'u sarun mandolokku sangkatou wuassu ruanganni Benyamin maisasombanu. Teneha'e i tou ringannu darohan pallal᷊ana tadea i tou maola'a ratun walahannu Israel. I tou sarun manal᷊amatta al᷊aṛṛana-U wuassu taumatan Filistin. I Ya'u naasilote asasusa al᷊aṛṛana-U wuṛṛu naaringikke lal᷊uai mangitou ma'iontolla.”