2 SAMUEL 5:2 - WUKE SUSI WATTI'U AL᷊AL᷊USASSA

² Ro'en dorone, ewe'e lai sutempo i Saul ta'e uaparenta si yami, masokka lai i Tuangnga mamiaṛṛa'u tantaran Israel napawe inaite mapapangalo, see lai Mawu buatte naddiandi si Tuangnga manungku ete i Tuangnga apan mamiaṛṛa'u al᷊aṛṛanang-Nge wuṛṛu maola'a ratun mangitou.”

2 SAMUEL 5:2 Iomraidhean Croise

PANDARIADDI 49:24

Arawe i Yusuf sidutu matohassa ta'iakke, sidutu matohassa anaanne, ana waugu taṛṛinon Mallal᷊u'adda Lembon Matohassa, Ruatan i Yakub, Mamamadul᷊in Israel.

2 SAMUEL 6:21

I Daud sinumimbakka, “I ya'u massal᷊aingnga ana waugu mangngaddatta Mawu, apan buatte nanol᷊a'u iamangngu wuṛṛu amonanne, ana see namile si ya'u maola'a piaṛṛa'u Israel, al᷊aṛṛanang-Nge. Ana waugu udde i ya'u sidutu massal᷊aingnga ipangaddatta Mawu.

2 SAMUEL 7:7

Su al᷊annune i Ya'u mammal᷊intadda suadio'a ringannu walahannu Israel, taambe saran paassa i ya'u naiwal᷊o su manga piaṛṛangnge apan buatte Ta'u nipile anio i mangitou tawe mapararisikku wal᷊e-U wuassu alu cemara wuasen Libanon.’

2 SAMUEL 7:8

Ana waugu udde, i Natan, pasingkata'e su allang-Ku Daud, manungku i Ya'u, Mawu Apan Lembontaṛṛino, nabbisara si tou, ‘I'o buatte Ta'u nial᷊appa wuassu manaranu mallu'adda domba su wadda'a wuṛṛu Ta'u nitenega maola'a ratun pabbawala-U Israel.

2 MARARATU 20:5

niapawelenga apia ringanni Hizkia, ratun walahannu Mawu wuṛṛu namasingkatu tanata indi, “I Ya'u, Mawu, Ruata apan sassubbanni Daud a'al᷊iamonannu, buatte naddaringikka aal᷊iomannu wuṛṛu na'ellega allon matanu. I Ya'u sarun mangapia raddangu; tillorega i'o sarun rumanta su wal᷊e-U.

1 TAWARIKH 11:2

Ro'en dorone, ewe'e lai sutempo i Saul ta'e uaparenta si yami, ete i Tuangnga apan uapiaṛṛa'u tantaran Israel suapan i mangitou inai mapapangalo. Ana see lai Mawu Ruatan Tuangnga buatte naddiandi manungku ete i Tuangnga apan sarun mamiaṛṛa'u al᷊aṛṛang-Nge wuṛṛu maola'a ratun mangitou.”

2 TAWARIKH 1:10

Ana waugu udde onggol᷊aawe si ya'u apande wuṛṛu asingkatta apan ta'u pandumanna ipamiaṛṛa'i mangitou. Amungkangu tawe aroddi, ereapa i ya'u wotongnge mamarenta al᷊aṛṛanang-Ngu apan manambo indi?”

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

YESAYA 55:4

Mangke atonna, i tou Ta'u itenega piaṛṛa'a wuṛṛu panglima, tialan taṛṛino-U su manga walahanna.

YEHEZKIEL 34:23

I Ya'u sarun manenegu sangkatou ratu apan ere allang-Ku Daud, tadea'u maola'a mallal᷊u'addi mangitou, wuṛṛu i tou sarun mappadul᷊i si mangitou.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

REENGANNA 27:17

sangkatou apan botongnge maola'a atumannaṛṛane su tempo i mangitou mapapangalo. Arie pabbala'a al᷊aṛṛanang-Ngu indi naal᷊ihidda ammul᷊annu domba apan tawe mallal᷊u'adde.”

MATIUS 2:6

‘I'o Betlehem, su wanua Yehuda, i'o atonna-tonna wal᷊inewe addio'anne su wallattu al᷊awo'u soa ahunanne su Yehuda. Ana waugu inasabanganne wuassi'o sarun dumanta sangkatou piaṛṛangnge, apan sarun mangehetta al᷊aṛṛana-U Israel.’ ”

YOHANES 10:11

Tumba'u i Ya'u mallal᷊u'adda apan mapia. Mallal᷊u'adda mapia mannantillu niawa-Ne ipanal᷊i manga domba-Ne.

IBRANI 2:10

Atonna su ṛinonete Ruata – apan nandiaddi ul᷊ilimpati'uppa ringannu panduman-Ne sassane – nandiaddi Mawu Yesus mananal᷊amatta apan nasuungnga sulal᷊ummu asasusa. Ringannu aroddi Ruata wotongnge mangahe taumata nambo iapawantuga suadio'a ringannu Mawu Yesus. Ana waugu ete i Tou mamamu'a lal᷊anna si mangitou tadea'u wotongnge iapaasal᷊amatta.

1 SAMUEL 13:14

Arawe orassa indi aratuanni Tuangnga tawe mal᷊annu. Ana waugu i Tuangnga tawe naddaringikka parentan Mawu, ne Mawu buatte namile taumata waine apan ipa'apulu-Ne itenega maola'a ratun pabbawala-Ne.”

1 SAMUEL 16:1

Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”

1 SAMUEL 18:13

Ne i tou namambangnga si Daud wuassu lal᷊ummu wal᷊en araratuanna, wuṛṛu i tou nipile naola'a tembonannu tantara saṛṛiwu su atoune. Ringannu aroddi i Daud uapiaṛṛa'u tantarane su al᷊awo'u pangalo.

1 SAMUEL 18:16

Arawe ahewallu Israel wuṛṛu Yehuda marangngu si Daud ana waugu i tou piaṛṛa'a apan manambo inasaharanne.

1 SAMUEL 18:5

I Daud mammanara ringannu mapia al᷊awo'u manara apan nionggolli Saul si tou. Ana waugu udde i tou nitenegi Saul naola'a piaṛṛa'u tantarane, wuṛṛu i Daud nia'un anambon tantara wuṛṛu manga allangngi Saul.

1 SAMUEL 25:28

Ampungewe awawoddon allangngu, Mawu sarun ma'ola'a si Tuangku see lai papapulunni Tuangku maola'a ratu su Israel, ana waugu i Tuangku uapapangalo ana waugu Mawu; wuṛṛu i Tuangku tawe na'ola'a al᷊al᷊eo su al᷊o'engngu pabbiaṛṛanna.

1 SAMUEL 25:30

Mawu sarun ma'ola'a al᷊awo'u apapia apan buatte pina'ire-Ne si Tuangku, wuṛṛu tate mal᷊annu lai i Tuangnga maola'a ratun Israel.

1 SAMUEL 9:16

“Tiṛṛabbi marua'allo iraṛṛangngo orassa arendi lai, Ya'u sarun mandolokku sangkatou wuassu ruanganni Benyamin maisasombanu. Teneha'e i tou ringannu darohan pallal᷊ana tadea i tou maola'a ratun walahannu Israel. I tou sarun manal᷊amatta al᷊aṛṛana-U wuassu taumatan Filistin. I Ya'u naasilote asasusa al᷊aṛṛana-U wuṛṛu naaringikke lal᷊uai mangitou ma'iontolla.”