2 SAMUEL 24:1 - WUKE SUSI WATTI'U AL᷊AL᷊USASSA

¹ Mawu nasau apia su Israel, ana see i Daud nisal᷊ong-Nge ringannu pandumanna mandatan asasusa su walahanna udde. Mawu nabbisara si tou, “Pa'ola'e pandareengnga su Israel wuṛṛu Yehuda.”

2 SAMUEL 24:1 Iomraidhean Croise

PANDARIADDI 45:5

Arie paata'utta ara'e sumassilu watangannu ana waugu i ya'u buatte niwal᷊u'i yamiu. Ṛinone Ruata sassane buatte nangapi'u isindi malliuṛṛoro si yamiu tadea'u manal᷊amatta taumata manambo.

PANDARIADDI 50:20

I yamiu buatte nabbaidda ma'ola'a al᷊al᷊eo si ya'u, arawe Ruata namal᷊u al᷊al᷊eo udde nabbal᷊i apapia, tadea'u apa apan nariaddi paarorone udde maasalamatta anambon taumata apan mabbiakka orassa indi.

2 SAMUEL 12:11

I Ya'u massalu sarun mandantan asasilaka si'o apan darantane wuassu amonannu sassane. I Ya'u sarun mangal᷊appa manga awingngu su saruannu matanu sassane wuṛṛu Ta'u ionggola su taumata waine apan sarun matiilla suadio'a ringanni mangitou su allattune.

2 SAMUEL 16:10

Arawe ratu nabbisara si Abisai wuṛṛu si Yoab iaangnge, “Ariete paddaringiṛṛe. Wala'e aroddi i tou mantal᷊a'u. Ana waugu amungkangu Mawu nandolokki tou, isai apan pia taṛṛino maiwal᷊o anio inolaanni tou aroddi?”

2 MARARATU 3:6

Ana waugu udde i Ratu Yoram nasasaṛṛawutta nanantangngu Samaria wuṛṛu inaite nandiahi anambon tantaran pangalone.

1 TAWARIKH 21:1

Setanna maapulu manilaka taumatan Israel; ana waugu udde i tou nassal᷊o'i Daud tadea'u ma'ola'a pandareengnga.

1 TAWARIKH 7:2

I Tola pia anangnge esakka siri annumma: i Uzi, i Refaya, i Yeriel, i Yahmai, i Yibsam wuṛṛu i Samuel. I mangitou udde piaṛṛa'u alahanna sulal᷊ummu amonanni Tola wuṛṛu tinumelengnga ere manga tantara apan waṛṛani wuṛṛu matohassa. Sutempo i Ratu Daud, papulunni mangitou anambone 22.600 su atoune.

1 TAWARIKH 7:40

Eteudde papapulunni Asyer. I mangitou sarangkanambone uapua alahanna wuṛṛu tinumelengnga ere manga taumatan pangalo apan matohassa wuṛṛu manga piaṛṛa'a apan bahewa. Sulal᷊ummu arannu papapulunni Asyer nawoṛṛetta 26.000 su atoune esakka apan botongnge maola'a tantara.

2 TAWARIKH 32:25

Arawe ana waugu i tou mawunga, i tou tawe naadiangkamanna su apapia apan buatte nionggolu Mawu si tou. Ana waugu' udde Mawu nasa'u su Yehuda wuṛṛu Yerusalem.

SASABANGNGA 7:3

Arawe i Ya'u sarun mapaattikku naungngu ratu. I tou sarun tawe maddaringikka si'o, salaiwe i Ya'u mapaarantan manambo silaka su Mesir.

YEHEZKIEL 14:9

Amungkangngu sangkatou nabi buatte niwahianna na'oman sara mangonggollu sasimbakka nassal᷊a, ete i Ya'u apan namahia si tou. I Ya'u Mawu Apan Atanggaṛṛanne sarun mallimbuakka si tou wuassu manga taumatan Israel.

YEHEZKIEL 20:25

Wua'udde i Ya'u nangongolla si mangitou manga tita apan dal᷊eo wuṛṛu manga parenta apan tawe mangonggollu wiakka.

IMAMATTA 10:6

Ana see i Musa nabbisara si Harun wuṛṛu manga anangnge waine, eteudde i Eleazar wuṛṛu i Itamar, “Arie pabbala'a utangngu tawe aṛṛoanna, wuṛṛu arie panggesa'a laungngu apan mapal᷊iatta'a manungku iraddua massusa wuṛṛu lullal᷊o. Amungkangngu iradua ma'ola'a aroddi, iradua sarun mate, wuṛṛu anambon ṛuangannu Israel asa'uannu Mawu. Arawe anambon taumatan Israel waine wotongnge lumal᷊on duang katou apan nate ana waugu putungnga wuassu Mawu.

REENGANNA 1:19

ere buatte nirolokku Mawu. Sarangkanambone udde niola'i Musa su wadda'u Sinai.

WATTI'U MANGA RASUL 4:28

I mangitou naaukka ma'ola'a al᷊awo'u manara, apan suete tinantunna ro'en paarorone manungku udde sarun matippussa. Wuṛṛu I'o sarun manantunnu udde wuassu taṛṛino wuṛṛu apulu-Nu sassane.

2 TESALONIKA 2:11

Ana waugu udde Ruata napaarantan taṛṛino apan mangngal᷊iwun mangitou, na'oman sara i mangitou nangimanna watti'a apan nassal᷊a udde.

MAL᷊AṚṚUUNGNGA 2:20

Ana waugu udde Mawu tumaniten nasa'u su walahannu Israel, wuṛṛu nabbisara, “I Ya'u buatte nandolokku iupungngu al᷊amonan walahanna indi tadea'u sidutu uaagassa pa'aire-U si mangitou. Arawe walahanna indi namassutta pa'aire udde; i mangitou nilumawanga parenta-U.

1 SAMUEL 26:19

Tuangnga paddaringikke sasubban allangngu indi. Unnu wisara Mawu buatte nandolokki Tuangnga niaparo'appa allangngu, udde maola'a sambau sasamba apan botongnge mapaasungen asasa'un Mawu su saruannu allangnge. Arawe unnu wisara apan nirolokki Tuangnga udde taumata, doronganna i mangitou wontohannu Mawu. Ana waugu wuassu inolaanni mangitou, allangngu buatte nilimbuaṛṛanna wuassu leta'a pussa'an Mawu wuṛṛu ringannu mawakkatta allangngu inaite su wanua waine suapa allangngu ṛinone mattaṛṛamawu monganna apan ta'e awagananna.