2 SAMUEL 21:1 - WUKE SUSI WATTI'U AL᷊AL᷊USASSA

¹ Sutempo i Daud uaparenta, nariaddite tempon elessa apan al᷊annune tallu tonna nattinggumma. Ana see i Daud naddorongnga tatantiro wuassu Mawu su ola'u arariadianna udde, wuṛṛu Mawu nabbisara, “Elessa indi ana waugu pasasal᷊an Saul wuṛṛu amonanne, i mangitou buatte namate manga taumatan Gibeon.”

2 SAMUEL 21:1 Iomraidhean Croise

PANDARIADDI 12:10

Arawe su Kanaan tantal᷊anna pia ṛutumma apan bahewalla, na'oman sara i Abram inaite arauanne lai watukku timukka, watukku wanua Mesir natana'a poiaroddi maddatingngu ṛutumma udde mal᷊iu.

PANDARIADDI 26:1

Su wanua udde nirumantate lai ṛutumma ere lai buatte nariaddi su tempon Abraham. I Ishak sinumaruanna si Abimelekh, ratun taumatan Filistin, su Gerar wuṛṛu madorongnga matana'a poiaroddi.

PANDARIADDI 41:57

Wuassu ahewallu runia manga taumata nirumanta watukku Mesir mamalli gandumma si Yusuf, ana waugu ṛutumma udde masaddate atonna su al᷊awo'u tampa.

PANDARIADDI 42:5

Ana waugu al᷊aṛutumma su wanua Kanaan, al᷊aṛṛana'i Yakub suadio'a ringannu manambo taumata waine nirumanta mamalli gandumma su Mesir.

PANDARIADDI 43:1

Ṛutumma su Kanaan a'atambanna asadanne, wuṛṛu napawe amonanni Yakub nanginsue anambon gandumma apan niapidda wuassu Mesir, i Yakub nabbisarate su manga anangnge, “Roote apia poiaroddi pamalli gandumma anni ite.”

2 SAMUEL 16:8

I'o buatte nangaṛṛo araratuanni Saul! Orassa indi i'o niṛṛuumannu Mawu ana waugu tumaniten manambo namate tuṛṛangngi Saul. Mawu buatte nangonggollu araratuannu su anangngi i Absalom. Orassa indi i'o natete, i'o taṛṛa pate!”

2 SAMUEL 20:26

Imam su wal᷊en araratuanna; i Ira wuassu soan Yair.

2 SAMUEL 21:5

I mangitou sinumimbakka, “i Saul ratu nipilen Mawu pia pandumma mamate si yami sarangkanambone ma'oman sara yami mawul᷊i wuassu ahewallu Israel.

2 SAMUEL 24:1

Mawu nasau apia su Israel, ana see i Daud nisal᷊ong-Nge ringannu pandumanna mandatan asasusa su walahanna udde. Mawu nabbisara si tou, “Pa'ola'e pandareengnga su Israel wuṛṛu Yehuda.”

2 SAMUEL 5:19

I Daud naiwal᷊o Mawu, “Apa ṛinone i ya'u mamangalo taumatan Filistin udde? Apa I'o mangonggollu auntunganna si ya'u?” “Pangaloite!” sasimbakku Mawu. “I ya'u sarun mangonggollu auntunganna si'o!”

2 SAMUEL 5:23

Paassa lai i Daud naddorongnga tatantiro wuassu Mawu. Mawu sinumimbakka, “Arie pamangalo si mangitou wua isindi, arawe amatte pamal᷊iwutta wuṛṛu pangaloite i mangitou wuassu liudde, maranin manga punnu alu murbei.

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

1 MARARATU 18:2

Ne i Elia inaite. Sutempo ṛutumma mangke massaddatta su Samaria.

2 MARARATU 6:25

wuṛṛu ana waugu udde naola'a ṛutumma apan masaddata sulal᷊ummu soa, na'oman sara puan keledai sambau aregane ual᷊un pul᷊o roitta sal᷊a'a, wuṛṛu darua onsa tain merpati aregane liman bau roitta sal᷊a'a.

2 MARARATU 8:1

Sutempo sambau Mawu nandantan ṛutumma su wanuan Israel, al᷊annune pitu tonna. Tantal᷊anna taambe ṛutumma udde i Elisa buatte namasingkattu olangnge udde su wawine wuassu Sunem apan anangnge buatte niapawiakki Elisa apia. I Elisa nandolokki tou nangingkatta ringannu amonanne watukku wanua waine.

AYUB 10:2

Oh Ruata, ariewe i ya'u iapasal᷊a-Nu; tal᷊aa'e anio i ya'u niroopan-Nu.

DARALO 27:8

I'o nabbisara, “Rantate passubba si Ya'u.” I ya'u sinumimbakka, “I ya'u sarun rumanta, oh Mawu;

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

DARALO 91:15

Amungkangu i tou sumal᷊ande si Ya'u, i Ya'u sarun sumimbakka si tou. Sutempon asasusa, i Ya'u sarun umontolla si tou; i tou sarun Ta'u iliu wuṛṛu Ta'u onggol᷊anna aaddata.

IMAMATTA 26:26

I yamiu sarun asueannu anna, na'oman sara siri mapul᷊o bawine tumba'u mappanduma sambau pallol᷊oanna ipallol᷊o roti apan pia si mangitou. Anna udde sarun tahianna, wuṛṛu napawe i yamiu buatte niumanna, i yamiu lai ta'e maapendamma lunussa.

REENGANNA 27:21

I Yosua ṛinone maddorongnga tatantiro wuassi Imam i Eleazar, wuṛṛu i Eleazar ṛinone maiwal᷊on apulu-U ringannu mappaattu Urim wuṛṛu Tumim. Ringannu olangnge udde i Eleazar mamiaṛṛa'i Yosua wuṛṛu ahewallu walahannu Israel su al᷊awo'u hatto apan saruananni mangitou.”

YOSUA 7:1

Mawu buatte namarenta su walahannu Israel manungku wuassu al᷊awo'u saranapa su soan Yerikho apan ṛinone tutunganna, saran sambau imbaṛṛanga anuanna. Arawe parenta udde tawe niraringiṛṛana. Sangkatou esakka aranne i Akhan nilumawanna parenta udde, na'oman sara Mawu nasa'u su ṛuangannu Israel. (Iamangi Akhan aranne i Karmi wuṛṛu iupunge aranne i Zabdi wuassu ṛuanganni Zerah sulal᷊ummu ṛuanganni Yehuda.)

YOSUA 9:20

I ite tawe wotonge mamate si mangitou ana waugu i ite buatte na'ire; wuṛṛu amungkangu i ite nabbasangkalu pa'aire udde Ruata sarun maṛṛuumanni ite.

RUT 1:1

Su tempo paarorone tantal᷊anna Israel taambe uatahuanna ratu, wanua Kanaan niarantannu al᷊aṛutumma. Su tempo udde pia sangkatou esakka aranne i Elimelekh. I tou wuassu amonanni Efrata, wuṛṛu uatana'a su Betlehem su wageangngu leta'i Yehuda. Ana waugu ṛutumma udde, ne i tou inaite watukku wanua Moab suadio'a ringannu awingnge i Naomi, wuṛṛu ruan katou anangnge esakka; i Mahlon wuṛṛu i Kilyon. Ana see i mangitou natana'e poiaroddi. Su tempo i mangitou ta'e uatana'a isudde,

1 SAMUEL 10:22

Ana waugu udde manga taumata naiwal᷊o Mawu, “Oh Mawu, apa taumata udde isindite?” Mawu sinumimbakka, “i Saul uaimbuni su liuddu manga saranapa.”

1 SAMUEL 23:11

Atonnawe watti'a apan niaringiṛṛangku udde? Mawu, Ruatan Israel, antimanna mamasingkatta si ya'u.” Mawu sinumimbakka, “Ore, i Saul sarun dumanta.” Ana see i Daud naiwal᷊o apia, “Apa ya'u wuṛṛu tantara'u sarun itantillu tumana'u soa Kehila si Saul?” Ne Mawu sinumimbakka, “Ore.”

1 SAMUEL 23:2

Ana see i tou naiwal᷊ote Mawu, “Ṛinonewe ya'u inai mamangalo taumatan Filistin?” “Ore,” sasimbakku Mawu, “Pangaloite i mangitou wuṛṛu panal᷊amatte tumana'u Kehila.”

1 SAMUEL 23:4

Ana waugu udde paassa lai i Daud naddorongnga tatantiro wuassu Mawu, wuṛṛu Mawu sinumimbakka, “Arie passinggawangnga. Pangaloite soa Kehila, ana waugu tantaran Filistin udde Ta'u itantilla si'o.”