2 SAMUEL 1:16 - WUKE SUSI WATTI'U AL᷊AL᷊USASSA

¹⁶ I Daud nabbisara taumatan Amalek udde, “I'o sassane apan nangema'u ṛuumanna pateanna indi su ririnu ringannu nanga'u manungku ratu apan nipilen Mawu buatte nipatenu!”

2 SAMUEL 1:16 Iomraidhean Croise

2 SAMUEL 1:10

Ne i ya'u nangundanin tou, wuṛṛu i ya'u namate, ana waugu i ya'u masingkatta manungku amungkangu i tou manawo ana waugu lomete tate mararisikka, i tou sarun mate lai. Ana see i ya'u nanganu araposan araratuanna su puane wuṛṛu hal᷊angnga wuassu ta'iakke, ana see niapi'u inawarendi ringanni Tuangku.”

2 SAMUEL 16:8

I'o buatte nangaṛṛo araratuanni Saul! Orassa indi i'o niṛṛuumannu Mawu ana waugu tumaniten manambo namate tuṛṛangngi Saul. Mawu buatte nangonggollu araratuannu su anangngi i Absalom. Orassa indi i'o natete, i'o taṛṛa pate!”

1 MARARATU 2:37

Amungkangngu i'o waṛṛani sumabbangnga wuṛṛu inai sumabbi ana'u Sal᷊ukku Kidron, i'o sarun pateanna; wuṛṛu ete i'o sassane apan mamasanna pasasal᷊a udde.”

AYUB 15:6

I ya'u tate lai mangansilla wuṛṛu mapasal᷊anu, ana waugu manga wisaranu sassane i'o nialae.

AMSAL 6:2

Wuṛṛu wotongnge mariaddi i'o nul᷊usse su manga wisaranu wuṛṛu niasongngannu riandinu sassane.

YEHEZKIEL 18:13

I tou napawallassa ringannu bungane. Apa taumata aroddi wotonge mabbiakka? Tawe! I tou buatte na'ola'a anambon inolaanna apan ma'arantinna udde, wuṛṛu i tou sarun mate! Papatene eteudde pangillul᷊eannu inolaanne sassane.

IMAMATTA 20:16

Amungkangngu sangkatou wawine natatamba binatangnga, wawine wuṛṛu winatangnga udde ṛinone pateanna. I mangitou nate ana waugu pasasalan mangitou sassane.

IMAMATTA 20:27

Suapan taumata esakka ara'e wawine apan ma'ola'a pa'a'aukka ringannu manga ghaṛṛahon taumata nate ṛinone tuntungannu watu ma'oman sara mate. Taumata udde nate ana waugu sal᷊ane sassane.”

IMAMATTA 20:9

Mawu nangonggolu manga atoranna indi, “Taumata apan mammontoga iamangnge ara'e inangnge ṛinone iṛṛuumanna pateanna. I tou nate ana waugu sal᷊ane sassane.

MATIUS 27:25

Awada'alla udde sinumimbakka, “Ore, wala'e si yami wuṛṛu manga al᷊aṛṛana'i yami mamasanna ṛuumanna wuassu papate-Ne!”

LUKAS 19:22

Ratu udde nabbisara si tou, ‘I'o mangangimbe lal᷊eo! Nassul᷊ungngu ere wisaranu sassane, i ya'u sarun maṛṛuumannu. I'o masingkatta i ya'u taumata maṛṛagissa: i ya'u mangnganu al᷊awoa apan tawe rarotongku, wuṛṛu mangngammulu auntunganna su tampa i ya'u tawe massuanna.

WATTI'U MANGA RASUL 18:6

Arawe ana waugu manga taumata sidutu mannompolla wuṛṛu mangngal᷊uandaga si tou, ne i Paulus nangesogen awu wuassu laungnge, maola'a sambau pananaunganna si mangitou su pasasal᷊a mangitou. I tou nabbisara, “Amungkangngu i yamiu nasilaka, sal᷊anu sassane! I ya'u waggate! Manattakka orassa indi ya'u inaite ringannu manga taumata apan wal᷊ine Yahudi.”

WATTI'U MANGA RASUL 20:26

Ana waugu udde ringannu atonna i ya'u mabbisara si yamiu allo indi manungku amungkangngu su wallatti yamiu apan piaddu mate, udde wal᷊ine sal᷊a'u.

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

TAHIUL᷊E 19:10

Ola'e udde tadea'u i yamiu tawe marosa ana waugu namalan taumata apan tawe sal᷊ane nipate su wanua apan nionggolu Mawu Ruatanu si yamiu.”

YOSUA 2:19

Amungkangu su wallati mangitou piaddu sumabbanga wuassu wal᷊en indi wuṛṛu nate niapate, papatene udde sal᷊ane sassane; yami waggan hatto udde. Arawe amungkangu piaddu nasilaka sulal᷊ummu wal᷊en indi, udde singkatteng kami.

MAL᷊AṚṚUUNGNGA 9:24

Olangnge indi nariaddi tadea'u awal᷊isante al᷊al᷊eon Abimelekh wuṛṛu manga taumatan Sikhem apan namono'a si tou iapapate siri pitu pul᷊o al᷊aṛana'i Gideon.

1 SAMUEL 25:39

Sutempo i Daud naaringikka manungku i Nabal natete, i tou nabbisarate, “Dalo su Mawu! I Tou buatte nabbal᷊issa aal᷊uandaga apan buatte niola'i Nabal si ya'u, wuṛṛu buatte namo'a allangngu indi ma'ola'a al᷊al᷊eo. Mawu buatte nakkuumanni Nabal ana waugu al᷊al᷊eone.” Wua'udde i Daud nandolokku daroloṛṛanna iapa'onokka si Abigail maola'a awingnge.

1 SAMUEL 26:9

Arawe i Daud nabbisara, “Arie pa'indinge i tou! Mawu sarun makkuumannu taumata apan inolaanne lal᷊eo su ratu apan nipile-Ne.