1 YOHANES 5:5 - WUKE SUSI WATTI'U AL᷊AL᷊USASSA

⁵ Isai wotongnge maaroappa runia? Tumba'u taumata apan mangngimanna manungku Yesus udde Ana'u Ruata.

1 YOHANES 5:5 Iomraidhean Croise

MARKUS 9:23

“Apa wisaranu? Amungkangngu Iamangnga wotongnge?” sasimbakku Mawu Yesus. “Sarangkanambone wotongnge, sambal᷊iate taumata mangngimanna!”

WATTI'U MANGA RASUL 8:37

I Filipus nabbisara, “Amungkangngu i Tuangnga mangngimanna ringannu naungnga atonna, i Tuangnga wotongnge saṛṛanianna.” “I Ya'u mangngimanna manungku Mawu Yesus Kristus eteudde Ana'u Ruata,” unnu tembonanne wuassu Etiopia udde.]

1 YOHANES 4:15

Isa-sai apan mangnga'u manungku Yesus udde Ana'u Ruata, Ruata mabbiakka uaaukka ringannu taumata udde, wuṛṛu taumata udde lai mabbiakka uaaukka ringannu Ruata.

1 YOHANES 5:1

Taumata apan mangngimanna manungku Yesus udde Ratun Punnu Sal᷊amatta apan pina'iren Duata, taumata udde ana'u Ruata. Taumata apan mandangngu sangkatou Iamangnga, marangngu lai anangnge.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.