1 YOHANES 5:19 - WUKE SUSI WATTI'U AL᷊AL᷊USASSA

¹⁹ I ite masingkatta manungku i ite pussa'an Duata, salaiwe ahewallu runia indi su al᷊ungngu taṛṛinon Al᷊al᷊eo.

1 YOHANES 5:19 Iomraidhean Croise

LUKAS 4:6

“Anambon taṛṛino wuṛṛu pa'a'ala indi sarun ta'u itantilla Si'o,” unnu Setanna su Mawu Yesus, “ana waugu sarangkanambone udde suete nionggolla si ya'u wuṛṛu i ya'u wotongnge mangonggolla sisai-sai apan ipaapulu'u pangonggol᷊anne.

YOHANES 12:31

Tempone nia'omante runia parikisanna; orassa indi tembonannu runia tate ipaatta.

YOHANES 14:30

I Ya'u tate mabbisara manambo lai ringanni yamiu, ana waugu nia'omante tempone tembonannu runia indi rumanta. Arawe i tou tawe uataṛṛino su riri-U.

YOHANES 16:11

wuṛṛu manungku Ruata mannattake maṛṛuumanna, ana waugu tembonannu runia indi suete niṛṛuumanna.

YOHANES 17:15

I Ya'u tawe madorongnga tadea'u Iamangnga mangal᷊appa si mangitou wuassu runia indi, arawe i Ya'u madorongnga tadea'u iamangnga mallu'adda si mangitou wuassi Ral᷊eo.

ROMA 8:16

Ghaṛṛahon Duata suadio'a ringannu ghaṛṛahon kite napaal᷊iatta'a ete i ite udde al᷊aṛṛana'u Ruata.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

2 KORINTUS 5:1

Ana waugu i yami masingkata manungku amungkangngu wal᷊e – eteudde wadangnga – apan atatanaanni ite su runia indi ihohakka, Ruata sarun manaddia wal᷊en kite su surga, apan niola'u Ruata sassane wuṛṛu tawe mahohakka sarangkal᷊o'engnge.

GALATIA 1:4

Tuttuṛṛuta apulun Duata Iamangngi ite, Kristus nanantillu watangan-Ne maola'a sasamba ana waugu manga rosang kite, tadea'u i ite iapaasal᷊amatta wuassu tempo apan lal᷊eo indi.

EFESUS 2:2

Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.

1 YOHANES 3:14

I ite masingkata manungku i ite nal᷊iute wuassu papate, wuṛṛu nabbiakke apia. I ite masingkatu udde, ana waugu i ite u'akkannu sansul᷊ungngu taumata. Taumata apan tawe umakkana, atappasanne ta'e tataṛṛinoannu papate.

1 YOHANES 3:24

Anambon taumata apan tuttuṛṛutta manga parentan Duata, mabbiakka uaaukka ringannu Ruata, wuṛṛu Ruata uaaukka ringanni mangitou. Wuṛṛu i ite masingkata manungku Ruata mabbiakka uaaukka ringanni ite, ana waugu i Tou suete nangonggolu Ghaṛṛaho-Ne si ite.

1 YOHANES 5:10

Ana waugu udde, taumata apan mangngimanna su Ana'u Ruata, suete nanengkamma tatiala udde sulal᷊ummu naungnge; arawe taumata apan tawe mangngimanna Ruata, nassunnate manungku Ruata taṛṛa wahia, ana waugu i tou tawe mangngimanna apa apan iwabal᷊on Duata su ola'u Anang-Nge.

1 YOHANES 5:13

I ya'u namoṛṛetu suratta indi si yamiu apan mangngimanna Ana'u Ruata, tadea'u i yamiu masingkata manungku i yamiu piate biakka tutune wuṛṛu saran mal᷊annu-l᷊annu.

1 YOHANES 5:15

Ana waugu i ite masingkata manungku i Tou maddaringikka si ite amungkangu i ite madorongnga si Tou, ne i ite masingkatta lai manungku i Tou nangonggolu apa apan radoronganni ite si Tou.

1 YOHANES 5:18

I ite masingkatta manungku anambon taumata apan suete naola'a al᷊aṛṛana'u Ruata, tawe sidutu ma'ola'a rosa, ana waugu Ana'u Ruata uasirugngnga si tou, wuṛṛu i Lal᷊eo tawe mapa'ola'a apa-apa si tou.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

SONDAPPA 20:3

Wua'udde mala'ekatta udde nandammen naga udde watukku rampisu papate, see nangunsin rampisa udde, wuṛṛu nisegele tadea'u naga udde tate lai maapangawusu manga walahanna tantal᷊anna tempo saṛṛiwu su tonnane udde taambe nasue. Wua'udde i tou ṛinone ipallosa sulal᷊ummu tempo apan mal᷊ihakka.