1 YOHANES 5:16 - WUKE SUSI WATTI'U AL᷊AL᷊USASSA

¹⁶ Amungkangu i yamiu naasilo sangkatou sansul᷊ungnga taumatan Saṛṛani ma'ola'a rosa apan tawe maaola'a taumata udde awul᷊iannu wiakka tutune wuṛṛu saran mal᷊annu-l᷊annu, ṛinone i yamiu umal᷊iomanna su Ruata; ne Ruata sarun mangonggolu wiakka udde si tou. Indi matataṛṛino si mangitou apan rosane tawe maawul᷊in wiakki mangitou udde. Arawe pia lai rosa apan maawul᷊in wiakka udde su taumata. Su olangnge udde i ya'u tawe mabbisara manungku i yamiu ṛinone umal᷊iomanna su Ruata.

1 YOHANES 5:16 Iomraidhean Croise

PANDARIADDI 20:17

Mawu buatte napatinnan anambon bawine su wal᷊en araratuanni Abimelekh ana waugu arariadianna si Sara, awingngi Abraham udde. Ana see i Abraham niumal᷊iomanna su Ruata, wuṛṛu Ruata napaapian Abimelekh, awingnge wuṛṛu manga allangnge wawine, na'oman sara manga wawine udde wotongnge mapangunsiwe apia.

PANDARIADDI 20:7

Arawe orassa indi, paawelenga'e i tou ringannu awingnge. Awingnge sangkatou nabi, wuṛṛu i tou sarun umal᷊iomannu, tadea'u i'o tawe mate. Arawe amungkangngu i'o tawe mapaawelengngi tou, naunge, i'o wuṛṛu anambon tumana'u soanu sarun mate!”

DARALO 106:23

Ne Ruata pia pandumma mamate al᷊aṛṛanang-Nge, arawe niwo'anni Musa, taumata nipile-Ne. I Musa nabbal᷊i mananangnga si mangitou, na'oman sara asasa'un Duata nompo'a.

SASABANGNGA 34:9

Wisarane, “Mawu, amungkangngu I'o atonna-tonna ma'apulu'u, i ya'u sumal᷊ande, doronganna Mawu tumantalongnga si yami. Walahanna udde atonna mangke tawe maddaringikka, arawe ampungewe al᷊al᷊eo wuṛṛu rosan kami wuṛṛu sengkamawe yami maola'a al᷊aṛṛanang-Ngu sassane.”

YEREMIA 11:14

Ana waugu udde, Yeremia, ariete umal᷊iomanni mangitou ara'e maiontolla si Ya'u huna mangitou! Amungkangngu i mangitou sulal᷊ummu asasusa wuṛṛu maiontolla si Ya'u, i Ya'u maddiri maddaringikka si mangitou.”

YEREMIA 14:11

Mawu nabbisara si ya'u, “Arie paddorongnga si Ya'u mantul᷊ungngu manga taumata udde.

YEREMIA 7:16

Mawu nabbisara, “i Yeremia, ariete pangal᷊iomannu manga taumata indi. Ariete paddoronga tulumanna ara'e umal᷊iomanni mangitou; arie i Ya'u iwata'a, ana waugu i Ya'u maddiri maddaringikka darorongngu udde.

YEHEZKIEL 22:30

Suwallattu taumatan Israel udde, i Ya'u maddea'a taumata apan botongne mapararisikku darandungnga, ara'e dumarisikka su manga tampa apan manga darandung naṛṛa'a ipanahekku wanua udde napawe i Ya'u makkimunsa'e sulal᷊ummu sasopan asasa'u-U; arawe tawe saran sangkatou apan Ta'u niasangkal᷊anna.

REENGANNA 12:13

Ne i Musa sinumal᷊andete Mawu, “Oh Mawu, i ya'u sumal᷊ande, paapiaawe i tou!”

REENGANNA 15:30

Arawe amungkangngu sangkatou taumatan Israel ara'e sangkatou taumata raho ringannu nipattatudda na'ola'a rosa, i tou nallobbossa Mawu. Taumata udde ṛinone pateanna,

LUKAS 12:10

Amungkangngu taumata mabbisara wisara lullawangnga Ana'u Taumata, i tou wotongnge aampunganna, arawe amungkangngu i tou mangngadio'a Ghaṛṛahon Ruata, i tou tawe aampunganna.

YOHANES 17:9

I Ya'u inumal᷊iomanni mangitou. I Ya'u tawe inumal᷊iomannu runia ewe'e inumal᷊iomannu manga taumata apan suete nionggolu Iamangnga si Ya'u, ana waugu i mangitou pussa'an Iamangnga.

2 TIMOTIUS 4:14

Aleksander, taṛṛa ola'a witu'a udde suete na'ola'a manga inolaanna apan lal᷊eo si ya'u. Mawu sarun mabbal᷊issa si tou tumuṛṛuttu inolaanne.

1 YOHANES 5:17

Anambon inolaanna apan nassal᷊a uddewe rosa, arawe pia rosa apan tawe maaola'a taumata awul᷊iannu wiakka tutune wuṛṛu saran mal᷊annu-l᷊annu udde.

1 SAMUEL 12:19

Ana see i mangitou nabbisarate si Samuel, “Tul᷊unga'a, Papa, al᷊iomana'a yami su Mawu Ruatanu, tadea'u yami tawe mate. Orassa indi yami naatutukke manungku wuassu rosan kami dorone, yami lai buatte na'ola'a rosa apia ana waugu naddorongnga sangkatou ratu.”

1 SAMUEL 2:25

Amungkangu pia taumata nassal᷊a su taumata waine, Ruata wotongnge manamba'a si tou; arawe amungkangu taumata na'ola'a rosa su Mawu, isai wotongnge mangontolla si tou?” Arawe i mangitou tawe maddaringikka tatantiron Eli iamangngi mangitou, ana waugu Mawu buatte nakkawessa sarun mamate si mangitou.