1 YOHANES 4:7 - WUKE SUSI WATTI'U AL᷊AL᷊USASSA

⁷ Manga tuṛṛangnga apan arangnguanna! Wette i ite maa'akkana sangkatou ringannu sangkatou, ana waugu aakkana darantane wuassu Ruata. Taumata apan u'akkana, eteudde ana'u Ruata wuṛṛu i tou maaillal᷊a Ruata.

1 YOHANES 4:7 Iomraidhean Croise

YOHANES 13:34

Parenta wakku apan Ta'u ionggolla si yamiu: Padarangngute sangkatou ringannu waine. Ere lai Ya'u mandangngu si yamiu, aroddi lai yamiu ṛinone uararangngu.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

1 KORINTUS 8:3

Arawe taumata apan atonna-tonna marangngu Ruata, i tou asingkatannu Ruata.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

GALATIA 4:9

Arawe orassa indi yamiu maaillal᷊a Ruata, ara'e mappianne lai isaggo, Ruata maaillal᷊a si yamiu. Ne anio i yamiu maapulu mabelengnga apia su manga ghaṛṛahon dunia indi, apan lome wuṛṛu asiangnga? Anio i yamiu ta'e maapulu mai'allangnga apia su manga ghaṛṛaho udde?

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

TAHIUL᷊E 30:6

I yamiu wuṛṛu papapulunnu sarun onggol᷊annu naungnga matuṛṛutta, ma'oman sara i yamiu marangngu Mawu Ruatanu ringannu ahewallu naungngu wuṛṛu wotongnge sidutu matana'a su wanua udde.

2 TIMOTIUS 1:7

Ana waugu Ghaṛṛaho apan nionggolu Ruata si ite, wal᷊inewe Ghaṛṛaho apan ma'ola'a si ite matal᷊o. Arawe Ghaṛṛahon Duata udde maatohassa si ite, nepenen darangngu wuṛṛu maaṛṛaddannu watanganne.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

1 YOHANES 2:10

Taumata apan marangngu tuṛṛangnge, mabbiakka sulal᷊ummu asasemakka na'oman sara wuassi tou tawe sarun mapaema'u taumata waine sulal᷊ummu rosa.

1 YOHANES 2:29

I yamiu masingkatte manungku Kristus mabbiakka tuttuṛṛuta apulun Duata. Ana waugu udde i yamiu ṛinone masingkatta lai manungku suapan taumata apan mabbiakka tuttuṛṛuta apulun Ruata eteudde lai ana'u Ruata.

1 YOHANES 2:3

Amungkangu i ite matuṛṛutta su manga parentan Duata, udde tatialane manungku i ite maaillal᷊a Ruata.

1 YOHANES 2:4

Taumata apan mabbisara, “I ya'u maaillal᷊a Ruata,” arawe maddiri tumuṛṛutta manga parenta-Ne, taumata udde taṛṛa wahia, wuṛṛu Ruata tawe sulal᷊ummu naungnge.

1 YOHANES 2:7

Manga tuṛṛangnga apan arangnguanna! Apa niwoṛṛe'u indi wal᷊inewe sambau parenta apan wakku. Indi parenta tabbe apan suete niapaasingkata si yamiu ro'en i yamiu nanattakka mangngimanna si Kristus; eteudde watti'a wuassu Ruata apan suete niaringiṛṛani yamiu ro'en i yamiu taambe nangimanna.

1 YOHANES 3:9

Taumata apan naola'e Ana'u Ruata, tawe sidutu ma'ola'a rosa, ana waugu pallal᷊agun Duata sassane tatahuananni tou. Wuṛṛu ana waugu Ruata udde Iamangnge, ne i tou tawe siddutu ma'ola'a rosa.

1 YOHANES 4:11

Manga tuṛṛangnga apan arangnguanna, amungkangu Ruata aroddi arangngune si ite, i ite lai ṛinone marangngu su sansul᷊unga taumata.

1 YOHANES 4:12

Tawe saran sangkatou apan suete naasilo Ruata, arawe amungkangngu i ite uararangngu, Ruata uaaukka ringanni ite wuṛṛu darangngu-Ne masuungnga sulal᷊ummu watanganni ite.

1 YOHANES 4:16

I ite sassane masingkata wuṛṛu mangngimanna darangngun Duata si ite. Ruata udde marangngu. Taumata apan wiakke paparentannu darangngu, taumata udde uaaukka ringannu Ruata, wuṛṛu Ruata uaaukka ringanni tou.

1 YOHANES 4:20

Amungkangu pia sangkatou mabbisara, “I ya'u marangngu Ruata,” arawe i tou tawe mandangngu tuṛṛangnge, taumata udde taṛṛa wahia. Ana waugu taumata apan tawe mandangngu tuṛṛange apan aasiloanne, tawe mariaddi wotongnge mandangngu Ruata apan tawe asiloanne.

1 YOHANES 4:8

Taumata apan tawe umakkana, tawe maailal᷊a Ruata; ana waugu Ruata udde maakkana.

1 YOHANES 5:1

Taumata apan mangngimanna manungku Yesus udde Ratun Punnu Sal᷊amatta apan pina'iren Duata, taumata udde ana'u Ruata. Taumata apan mandangngu sangkatou Iamangnga, marangngu lai anangnge.

2 YOHANES 1:5

Ana waugu udde, Inangku, i ya'u sumal᷊annde tadea'u i ite sarangkanambone uararangngu. Apa ta'u iwabbal᷊o indi wal᷊ine sambau tita apan wakku; tita indi suete nionggolla si ite ro'en i ite nanattakka mangngimanna.