1 YOHANES 4:18 - WUKE SUSI WATTI'U AL᷊AL᷊USASSA

¹⁸ Taumata apan uapendama darangngun Ruata, tawe apendama matta'uta; ana waugu darangngu apan nasuungnga mapaawul᷊in atata'uta. Nariaddi natualage manungku taumata apan taambe naapendama darangngun Duata ringannu nasuungnga amungkangu taumata udde matta'utta sumaruanna Allo Pamamarikisanna.

1 YOHANES 4:18 Iomraidhean Croise

AYUB 15:21

Manga tingikka ma'ikkatta mammengella tal᷊ingane; sutempo apan malangnganna maraṛṛampassa rumanta mamangalo si tou.

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

DARALO 73:19

Tumba'u sulal᷊ummu sangkaṛondappa i mangitou nate, panginsuenni mangitou tumaniten maata'utta.

MATIUS 9:34

Arawe manga taumatan Farisi nabbisara, “Ete manga tembonannu ghaṛṛaho lal᷊eo nangagillu taṛṛino si Tou mallimbuakka manga ghaṛṛaho lal᷊eo udde.”

ROMA 8:15

Ana waugu Ghaṛṛaho apan buatte nionggolu Ruata si yamiu, tawe ma'ola'a si yamiu allangnga, ma'oman sara i yamiu mabbiakka sulal᷊ummu atata'utta. Arawe Ghaṛṛahon Duata udde nandiaddi si yamiu maola'a al᷊aṛṛana'u Ruata. Wuṛṛu ringannu taṛṛinon Ghaṛṛahon Duata udde, i ite mammago Ruata “Iamangnga, o Iamangku!”

2 TIMOTIUS 1:7

Ana waugu Ghaṛṛaho apan nionggolu Ruata si ite, wal᷊inewe Ghaṛṛaho apan ma'ola'a si ite matal᷊o. Arawe Ghaṛṛahon Duata udde maatohassa si ite, nepenen darangngu wuṛṛu maaṛṛaddannu watanganne.

IBRANI 12:28

Ana waugu udde, ṛinone i ite ma'adiangkamanna su Ruata, ana waugu i ite nanengkamma wuassi Tou sambau araratuanna apan tawe umio'a. Ṛinone i ite ma'adiangkamanna wuṛṛu mattaṛṛamawu Ruata ringannu addata wuṛṛu atata'utta, tumuṛṛuttu pallal᷊agu apan ipa'apulu-Ne sassane.

YAKOBUS 2:19

I yamiu mangngimanna manungku Ruata tumba'u sambau, are? Ne manga ghaṛṛaho lal᷊eo lai mangngimanna wuṛṛu i mangitou mangngindon katata'utta!

1 YOHANES 4:12

Tawe saran sangkatou apan suete naasilo Ruata, arawe amungkangngu i ite uararangngu, Ruata uaaukka ringanni ite wuṛṛu darangngu-Ne masuungnga sulal᷊ummu watanganni ite.