1 YOHANES 3:4 - WUKE SUSI WATTI'U AL᷊AL᷊USASSA

⁴ Taumata apan ma'ola'a rosa, nilumawangnga titan Duata; ana waugu rosa uddewe lal᷊awangnga su titan Duata.

1 YOHANES 3:4 Iomraidhean Croise

1 MARARATU 8:47

antimanna I'o maddaringikka aal᷊iomanni mangitou. Amungkangngu su wanua udde i mangitou manantangngu manga rosa mangitou, wuṛṛu umal᷊iomanna Si'o lapiddu manga'u manungku i mangitou buatte na'ola'a al᷊al᷊eo, daringiṛṛewe aal᷊iomanni mangitou, oh Mawu.

1 TAWARIKH 10:13

I Saul nate ana waugu i tou tawe naddaringikka Mawu, wuṛṛu tawe tumuṛṛutta manga parenta-Ne. I tou tawe maddorongnga tatantiro wuassu Mawu ewe'e wuassu manga ghaṛṛahon taumata nate. Ana waugu udde Mawu nakkuumanni tou wuṛṛu nanantillu araratuane si Daud ana'i Isai.

2 TAWARIKH 24:20

Ana see Ghaṛṛahon Duata nangintaṛṛo si Zakharia ana'i Imam Yoyada. I Zakharia dirumarisikka su saruannu tumana'u soa, ana see nabbisara, “Mawu Ruata nabbisara, ‘Anio i yamiu maddirite tumuṛṛutta manga parenta-U wuṛṛu manilakate watanganni yamiu sassane. I yamiu tate maddaringikka si ya'u, ne i Ya'u lai tate maddaringikka darorongngi yamiu!’ ”

YESAYA 53:8

I tou nitaṛṛanganna wuṛṛu niparikisanna, ana see niapidda wuṛṛu niṛṛuumanna pateanna. Taweddu na'ellega nasimme; i tou nate ana waugu rosan walahanni ite.

DANIEL 9:11

Ahewallu Israel buatte nilumawangnga manga tita-Nu wuṛṛu maddiri maddaringikka tingik-Ku. I yami narosate su saruan-Nu, wuṛṛu ana waugu udde I'o nandantan wawotoga si yami apan uawoṛṛetta sulal᷊ummu Buken Musa, allang-Ngu.

REENGANNA 15:31

ana waugu i tou nilumawangnga Mawu wuṛṛu ringannu nipattatudda nilumawangnga parentan Mawu. Taumata udde mate ana waugu sal᷊ane sassane.

MATIUS 5:19

Ana waugu udde, isai-sai tawe tumuṛṛutta manga parenta udde, manimbe parenta addio'anne, wuṛṛu mangngaṛṛa'a taumata waine ma'ola'a aroddi lai, sarun maola'a addio'anne su wallattu al᷊aṛṛana'u Ruata. Arawe isai-sai apan tuttuṛṛutta manga parenta udde, wuṛṛu mangngaṛṛa'a taumata waine ma'ola'a aroddi lai, sarun maola'a wahewa su wallattu al᷊aṛṛana'u Ruata.

WATTI'U MANGA RASUL 23:3

Ne i Paulus nabbisara imam bahewa udde, “Ruata sarun mamero si'o, taumata lilangkamal᷊e'a apan ma'iellega na'ukkassa! I'o uaianna isudde mammarikissa si ya'u tumuṛṛuttu Tita Musa, wutte'e i'o sassane nilumawangnga Tita udde ringannu nandolokku taumata niapapero si ya'u!”

ROMA 3:20

Ana waugu tawe saran sangkatou apan wotongnge maaukka apia ringannu Ruata ana waugu taumata udde tuttuṛṛutta manga inolaanna sulal᷊ummu titan agama. Arawe tita udde tumba'u mammasingkata su taumata manungku taumata udde marosa.

ROMA 4:15

Titan agama Yahudi mandantan ṛuumannu Ruata. Arawe amungkangngu tawe tita, ne tawe lal᷊awangnga lai.

2 KORINTUS 12:21

I ya'u mata'utta amungkangngu su tempo i ya'u rumanta Ruata sarun mapaawawo'u su saruanni yamiu wuṛṛu i ya'u sarun lumuai ana waugu manambo su wallatti yamiu dorone marosa, tawe mawal᷊u, wuṛṛu tawe mangillol᷊o ma'ola'a manga inolaanni mangitou apan sussandaga, nagal᷊imutanna wuṛṛu tawe su ṛinone.

YAKOBUS 5:15

Amungkangu aal᷊iomanni mangitou niruitta ringannu pangangimanna, Mawu sarun mapaapian taumata maradda'a udde, wuṛṛu mangampunga manga rosa apan suete niolangnge.

1 YOHANES 5:17

Anambon inolaanna apan nassal᷊a uddewe rosa, arawe pia rosa apan tawe maaola'a taumata awul᷊iannu wiakka tutune wuṛṛu saran mal᷊annu-l᷊annu udde.

1 SAMUEL 15:24

Naaringikka udde i Saul nanga'u si Samuel, wisarane, “Atonna ya'u buatte na'ola'a rosa. I ya'u nilumawangke parentan Mawu wuṛṛu tawe naddaringikka tatantiron Papa. I ya'u matta'uttu tantara'u, ana see ya'u nangutungngu darorongngi mangitou.