1 YOHANES 3:2 - WUKE SUSI WATTI'U AL᷊AL᷊USASSA

² Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

1 YOHANES 3:2 Iomraidhean Croise

AYUB 19:26

Salaiwe manga pisi su baddangku nal᷊al᷊essa wuṛṛu nawawa'a, arawe su al᷊o'engngu i ya'u pia awa'a, i ya'u sidutu ua'ellega Ruata.

DARALO 16:11

I'o namantingiddu lal᷊anna si ya'u mattuddan asasal᷊amatta; ete wuassu Mawu i ya'u naasomba al᷊al᷊uassa apan nangillembo wuṛṛu lal᷊umanna'a saran mal᷊annu-l᷊annu.

DARALO 17:15

Arawe i ya'u sarun ma'ellega Si'o, ana waugu i ya'u tawe sal᷊ane. Sutempo i ya'u napu'o, daranta-Nu naal᷊uassa naungku.

DARALO 31:19

Sappingete moṛṛongngu taṛṛa wahia apan ringannu mawunga mallobbossa taumata matul᷊idda.

YESAYA 56:5

ne arannu sarun naunganna sulal᷊ummu Wal᷊e-U wuṛṛu suwallattu pabbawala-U. Udde mappianne wuassu uatahuanna manga ana'a esakka wuṛṛu wawine. I yamiu Ta'u onggol᷊annu aranna tawe auddusanne apan tawe abbul᷊iananna.”

MALEAKHI 3:2

Arawe isai wotongnge maataṛṛangnga sutempo allon Mawu rumanta wuṛṛu maipasilon batangan-Ne? Ana waugu i Tou naal᷊ihidda mamamaresi wul᷊awanna, wuṛṛu naal᷊ihidda sabonna mabbawansalla.

MATIUS 5:8

Lal᷊umanna'a su taumata apan naungnge waresi; i mangitou sarun maaillal᷊a Ruata.

LUKAS 17:30

Aroddi lai olangnge su allon Ana'u Taumata iapaal᷊iatta'a.

LUKAS 20:36

Ola'i mangitou ere mala'ekatta wuṛṛu tate mate. Ete i mangitou udde al᷊aṛṛana'u Ruata, ana waugu i mangitou suete niapawangunna apia wuassu papate.

YOHANES 1:12

Arawe pia lai taumata apan manarimmatti Tou wuṛṛu mangngimanna si Tou; i mangitou nionggol᷊annu taṛṛino maola'a ana'u Ruata,

YOHANES 11:52

Wuṛṛu wal᷊ine tumba'u su walahannu Yahudi sassane, arawe hunane lai mangammula wuṛṛu manggemonnu manga al᷊aṛṛana'u Ruata apan uasal᷊iawukka.

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

ROMA 8:16

Ghaṛṛahon Duata suadio'a ringannu ghaṛṛahon kite napaal᷊iatta'a ete i ite udde al᷊aṛṛana'u Ruata.

ROMA 8:18

Anambon asasusa apan aapendamanni ite orassa indi, tumuṛṛuttu addapa'u, tawe iasul᷊ungnga saran kadio'a ringannu awawantuga apan sarun iapaal᷊iatta'a si ite.

ROMA 8:19

Ahewallu pati'uppu runia uaraṛṛado ringannu ṛintulu tempone Ruata mapaal᷊iatta'u al᷊aṛṛanang-Nge.

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.

1 KORINTUS 13:12

Apa apan aasiloanni ite orassa indi eteudde nassul᷊ungngu lintau mal᷊abukka su saṛṛuminanna. Arawe i ite sarun maasilo ringannu matilangnga. Orassa indi ya'u ta'e waggan sarangkanambone, arawe sal᷊immurine i ya'u sarun maasingkata sarangkanambone ere lai Ruata namasingkatu sarangkanambone su ola'u riri'u.

1 KORINTUS 15:49

Su ereapa i ite orassa indi eteudde naal᷊ihida si Adam apan niola'a wuassu leta'a, ne i ite sarun mattingkaola'a ere i Tou apan nirumanta wuassu surga udde.

1 KORINTUS 2:9

Arawe olangnge udde ere uawoṛṛetta sulal᷊ummu Wuke Susi, “Apa apan taambe saran paassa niasiloanna ara'e niaringiṛṛannu taumata, wuṛṛu tawe lai saran paassa nilumatto sulal᷊ummu ṛingiṛṛannu taumata, eteudde apan nisaddian Duata su manga taumata apan mandangngu si Tou.”

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

GALATIA 3:26

Ana waugu i yamiu mangngimanna si Kristus Yesus, ne i yamiu uaaukka ringanni Tou; wuṛṛu ana waugu udde i yamiu maola'a al᷊aṛṛana'u Ruata.

GALATIA 4:6

Ana waugu ete i yamiu udde al᷊aṛṛana'u Ruata, Ruata nandolokku Ghaṛṛahon Anang-Nge sinumutta sulal᷊ummu naungngu wuṛṛu naungku, eteudde Ghaṛṛaho apan mabbisara, “Iamangnga, oh Iamangku.”

FILIPI 3:21

Wadangngi ite apan lome wuṛṛu wotongnge maṛṛenessa indi, sarun wal᷊uanni Kristus maola'a ere wadang-Nge sassane apan mawantuga. I Tou wotongnge ma'ola'a udde ana waugu I Tou uatahuanna taṛṛino mapassuṛṛubawan sarangkanambone.

KOLOSE 3:4

Ne, punnu wiakku apan tutune eteudde Kristus wuṛṛu napawe i Tou asiloanna, ne i yamiu lai sarun rumanta suadio'a ringanni Tou sulal᷊ummu atatulide!

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

2 PETRUS 1:4

Ringannu olangnge udde Ruata nangonggolu manga al᷊amatta apan wahewalla wuṛṛu maarega si ite apan suete pina'iren Tou. Ringannu manga al᷊amatta udde i yamiu wotongnge mal᷊iu wuassu manga apulu lal᷊eo apan manggohakku runia indi, wuṛṛu i yamiu manengkamma pallal᷊agun Duata.

1 YOHANES 2:28

Nariaddi, al᷊aṛṛana'u, paasidutute mabbiakka uaaukka ringanni Kristus, tadea'u su tempo i Tou rumanta apia, i ite sumaruanna si Tou ringannu napenen kawawaṛṛani, wuṛṛu tawe ma'imbuni ana waugu massili.

1 YOHANES 2:7

Manga tuṛṛangnga apan arangnguanna! Apa niwoṛṛe'u indi wal᷊inewe sambau parenta apan wakku. Indi parenta tabbe apan suete niapaasingkata si yamiu ro'en i yamiu nanattakka mangngimanna si Kristus; eteudde watti'a wuassu Ruata apan suete niaringiṛṛani yamiu ro'en i yamiu taambe nangimanna.

1 YOHANES 3:1

Pa'ellege, Ruata aroddi arangngune si ite, na'oman sara i ite nia'u al᷊aṛṛanang-Nge. Wuṛṛu atonna ete i ite udde al᷊aṛṛana'u Ruata. Ana waugu udde runia apan lal᷊eo indi tawe maaillal᷊a si ite, ana waugu runia tawe maaillal᷊a Ruata.

1 YOHANES 3:10

Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.

1 YOHANES 3:21

Nariaddi, manga tuṛṛangku apan arangnguanna, amungkangu naungngi ite tawe mapaasal᷊an kite, i ite wotongnge sumaruanna Ruata ringannu awawaṛṛani.

1 YOHANES 5:1

Taumata apan mangngimanna manungku Yesus udde Ratun Punnu Sal᷊amatta apan pina'iren Duata, taumata udde ana'u Ruata. Taumata apan mandangngu sangkatou Iamangnga, marangngu lai anangnge.

SONDAPPA 2:28

I mangitou sarun manengkama anumpitannu aṛṛusuallo wuassia-U.

SONDAPPA 22:4

wuṛṛu ma'ellega hati-Ne. Aran-Ne sarun iwoṛṛeta su pakkani mangitou.