1 YOHANES 3:15 - WUKE SUSI WATTI'U AL᷊AL᷊USASSA

¹⁵ Taumata apan maddantinnu tuṛṛangnge, eteudde taṛṛa pate, wuṛṛu yamiu masingkata manungku sangkatou taṛṛa pate tawe maatahuanna wiakka tutune wuṛṛu saran mal᷊annu-l᷊annu.

1 YOHANES 3:15 Iomraidhean Croise

PANDARIADDI 27:41

Ne i Esau nasaseeten i Yakub ana waugu iamangnge buatte nangonggollu al᷊amanne su tuarine udde. Su ṛingidde, “Tate mal᷊annu lai i papa mate wuṛṛu napawe nal᷊iudde orassa lullal᷊o, i Yakub sarun ta'u pateanna!”

MATIUS 5:28

Arawe tempo indi Ya'u mabbal᷊o si yamiu: Isai-sai ma'ellega sangkatou wawine see ninumemman tou, taumata udde sueten sinumandaga ringannu wawine udde sulal᷊ummu naungnge.

MARKUS 6:19

Ana waugu udde i Herodias pia naungnga lal᷊eo si Yohanes wuṛṛu maapulu mamate si Yohanes, arawe i tou tawe mapa'ola'a olangnge udde, ana waugu isassingaddi Herodes.

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

WATTI'U MANGA RASUL 23:12

Tiṛṛabbine ruaallo atonna, manga taumatan Yahudi, nanattakke ma'ammula. I mangitou nassalu tawe umanna ara'e ma'inumma amungkangngu i mangitou taambe naapate si Paulus.

WATTI'U MANGA RASUL 23:14

I mangitou inaite ringannu manga imam tembonanne wuṛṛu manga piaṛṛa'u Yahudi lapiddu nabbisara, “I yami suete nassalu suadio'a, tawe umanna wuṛṛu ma'inumma saran adio'a amungkangngu i yami taambe naapate si Paulus.

TAHIUL᷊E 19:11

“Arawe wal᷊ine lai amungkangngu sangkatou nangampanga seenne wuṛṛu ringannu nipattudda wuṛṛu naungnga lal᷊eo namate si tou, ana see tinumal᷊angnga su wallatu sambau soa tatal᷊anganna madea'a piaddu mongontolla.

YAKOBUS 1:15

Wua'udde, amungkangngu apulune apan lal᷊eo udde tuṛṛutanna, ne lumappute rosa; wuṛṛu amungkangu rosa nahurangke, ne inul᷊eanne papate.

1 PETRUS 1:23

Ana waugu wuassu ṛengetannu Ruata apan wiakka wuṛṛu awasa udde, i yamiu suete niola'a taumata wakku apan wal᷊ine inariadianne wuassu taumata, ewe'e wuassu Mawu Iamangnga apan awasa.

1 YOHANES 2:11

Arawe taumata apan maddantinnu tuṛṛangnge, udde sulal᷊ummu araranduma. I tou u'amatta sulal᷊ummu araranduma, wuṛṛu wagga watukuapa amatanne, ana waugu araranduma udde naawuta si tou.

1 YOHANES 2:9

Taumata apan nabbisara manungku i tou sulal᷊ummu asasemakka arawe taumata udde ta'e maddantinu tuṛṛange, taumata udde ta'e su ararandumma sara orassa indi.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”