1 YOHANES 3:12 - WUKE SUSI WATTI'U AL᷊AL᷊USASSA

¹² Ariewe i ite ere Kain, apan naola'a ana'u Setanna wuṛṛu namate tuṛṛangnge sassane. Anio Kain namate tuṛṛangnge? Ana waugu manga inolaanna apan niolange udde nassal᷊a, arawe inolaannu tuṛṛange udde naṛṛino.

1 YOHANES 3:12 Iomraidhean Croise

PANDARIADDI 4:25

I Adam wuṛṛu awingnge naasomba sangkatou ana'a esakka apia. Unni Hawa, “Ruata buatte nangonggollu ana'a esakka si ya'u maola'a hahantin Habel, apan buatte nipaten Kain.” Ana waugu udde i Hawa nanagon ana'a udde i Set.

2 SAMUEL 13:22

I Absalom nangune atonna si Amnon wuṛṛu tate lai maggatton tou ana waugu i tou buatte nassawa si Tamar tuarine.

DARALO 37:12

Taumata lal᷊eo manggol᷊agu al᷊al᷊eo su taumata mapia, wuṛṛu ma'ellega ringannu ararantinna.

DARALO 38:20

Manga taumata apan maisasee'u, manambo wuṛṛu matohassa, i mangitou maddantinnu ola'u i ya'u mabbiakka.

AMSAL 27:4

Asasa'u udde maṛṛaggissa wuṛṛu maasongkakka, arawe sumaruanna lu'adda isai maataṛṛangnga?

AMSAL 29:10

Taumata apan masaṛṛionto'a naungnge ipabbinsin taumata apan maroun daṛṛa, arawe lal᷊u'arannu taumata mapia.

AMSAL 29:27

Taumata mapia tawe mal᷊uassa ringannu taumata lal᷊eo; taumata lal᷊eo maddantinnu taumata mapia.

MATIUS 13:19

Wualanna apan nanawo su lal᷊anna isassumandingnga su taumata apan naaringikka watti'u Ruata mamarenta, arawe i tou tawe naasunna. Setanna udde nirumanta wuṛṛu nangaṛṛo wualanna apan suete niasi'a sulal᷊ummu naungngi mangitou.

MATIUS 13:38

Wailla eteudde runia indi. Wualanna apan mapia, eteudde manga taumata apan nasutta al᷊aṛṛana'u Ruata. Ahuranganna akke, eteudde manga taumata uasamba'a Setanna.

MATIUS 23:35

Ana waugu udde, i yamiu sarun iṛṛuumanna ana waugu pamamate apan niola'a su manga taumata apan tawe sal᷊ane – nanatakka wuassu pamamate si Habel apan tawe sal᷊ane, na'oman sara pamamate si Zakharia ana'i Berekia apan nipateng kamiu su wallattu Wal᷊e Mawu wuṛṛu tampan sasamba.

MATIUS 27:23

“Arawe apa al᷊al᷊eone?” aiwal᷊om Pilatus. See i mangitou inumui lembon aikkanne lai, “Arussa'a i Tou!”

MATIUS 5:37

Tumba'u pabbisara: ‘Ore’ ara'e ‘Tawe’ – manampal᷊iu wua isudde darantane wuassu Setanna.”

LUKAS 11:51

nanattakka wuassu pamamate si Habel na'oman sara pamamate si Zakharia, apan nariaddi su wallattu pangadoannu sasamba wuṛṛu Wal᷊e Mawu. Pangimante: Manga taumata orassa indi sarun iṛṛuumanna ana waugu sarangkanambone udde.

YOHANES 10:32

Arawe Mawu Yesus nabbisara si mangitou, “I yamiu suete naasilo si Ya'u ma'ola'a manambo manara apan mapia, apan niapamanaran Iamangku si Ya'u. Wuassu anambo manara udde, suapane apan naa'al᷊udda si yamiu na'oman sara i yamiu mammareta si Ya'u?”

YOHANES 8:40

I Ya'u mamasingkatta si yamiu atatul᷊idda apan niaringiṛṛang-Ku wuassu Ruata, arawe i yamiu maapulu mamate si Ya'u. I Abraham tawe inolaanne ereudde!

YOHANES 8:41

I yamiu ma'ola'a ere apa apan niola'u iamangngu sassane.” Sasimbakki mangitou, “I yami wal᷊ine al᷊aṛṛana'a su liuddu awingnga. Iamangngi yami tumba'u sangkatou eteudde Ruata sassane.”

WATTI'U MANGA RASUL 7:52

Apa pia sangkatou nabi apan tawe nisansarannu iupungngu al᷊amonanu? I mangitou namate daroloṛṛannu Ruata apan dorone suete namasingkatta manungku Allangngu Ruata apan atonna udde sarun rumanta. Wuṛṛu orassa indi yamiu nandal᷊eo wuṛṛu namate Allangngu Ruata udde.

1 TESALONIKA 2:14

Manga tuṛṛangnga, asasusa apan niapendamanni yamiu, suete niapendamannu manga jamaattu Ruata su Yudea apan naola'a pussa'an Kristus Yesus. I yamiu naapendamma asasusa wuassu walahanni yamiu sassane, ere lai niapendamannu manga jamaattu Ruata su Yudea udde wuassu wageangngu manga taumatan Yahudi.

IBRANI 11:4

Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

1 PETRUS 4:4

Orassa indi taumata apan tawe maaillal᷊a Mawu, tinumiangnga manungku i yamiu tawe nabbiakka ere i mangitou, ma'ola'a rosa walate apulune. Ana waugu udde i mangitou mangngal᷊uandaga si yamiu.

1 YOHANES 3:8

Arawe taumata apan matatana'a ma'ola'a rosa, ete i tou uddewe ana'u Setanna, ana waugu Setanna marosa ro'en al᷊amonane. Ana waugu udde Ana'u Ruata nirumanta, eteudde makkimunsa'a manaran Setanna.

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.