1 YOHANES 3:10 - WUKE SUSI WATTI'U AL᷊AL᷊USASSA

¹⁰ Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.

1 YOHANES 3:10 Iomraidhean Croise

2 SAMUEL 13:22

I Absalom nangune atonna si Amnon wuṛṛu tate lai maggatton tou ana waugu i tou buatte nassawa si Tamar tuarine.

MATIUS 13:38

Wailla eteudde runia indi. Wualanna apan mapia, eteudde manga taumata apan nasutta al᷊aṛṛana'u Ruata. Ahuranganna akke, eteudde manga taumata uasamba'a Setanna.

LUKAS 6:35

Ṛinone wal᷊ine aroddi! Ewe'e i yamiu ṛinone umakkannu seetti yamiu wuṛṛu pia pallal᷊agu mapia si mangitou. I yamiu ṛinone mapawallassa wuṛṛu arie mangantimma mawelengnga apia. Amungkangngu aroddi, lal᷊antakku wahewa wuṛṛu i yamiu sarun maola'a al᷊aṛṛana'u Ruata Apan Atanggaṛṛanne. Ana waugu Ruata naungnge mapia su saruannu taumata apan waga ma'aidengkamanna, wuṛṛu su saruannu taumata lal᷊eo lai.

YOHANES 1:12

Arawe pia lai taumata apan manarimmatti Tou wuṛṛu mangngimanna si Tou; i mangitou nionggol᷊annu taṛṛino maola'a ana'u Ruata,

YOHANES 11:52

Wuṛṛu wal᷊ine tumba'u su walahannu Yahudi sassane, arawe hunane lai mangammula wuṛṛu manggemonnu manga al᷊aṛṛana'u Ruata apan uasal᷊iawukka.

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

YOHANES 8:47

Taumata apan darantane wuassu Ruata, madaringikka wisaran Ruata. Arawe i yamiu wal᷊ine wuassu Ruata, ana waugu udde i yamiu maddiri madaringikka.”

WATTI'U MANGA RASUL 13:10

wuṛṛu nabbisara, “Ei taṛṛa awusu, ana'u al᷊al᷊eo! I'o seettu al᷊awo'u apapia. Anio i'o tawe mangillol᷊o mandal᷊eo pandumannu Ruata, ipanal᷊amatta taumata?

ROMA 13:8

Imbaṛṛangnga pia awallasa sisai-sai, tabene'e uawawallasa darangngu sangkatou ringannu waine. Ana waugu taumata apan marangngu su sansul᷊ungnge taumata, buatte nanuungngu anambon titan Musa.

EFESUS 5:1

Ete i yamiu udde al᷊aṛṛana'u Ruata apan arangnguan-Ne, ana waugu udde i yamiu ṛinone mattanno tul᷊ada Duata.

KOLOSE 3:14

Wuṛṛu apianne eteudde: I yamiu ṛinone uararangngu ana waugu ete darangngu udde mappaa'aukku manga tuṛṛangnga sarangkanambone ma'oman sara masuungnga.

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

1 YOHANES 2:29

I yamiu masingkatte manungku Kristus mabbiakka tuttuṛṛuta apulun Duata. Ana waugu udde i yamiu ṛinone masingkatta lai manungku suapan taumata apan mabbiakka tuttuṛṛuta apulun Ruata eteudde lai ana'u Ruata.

1 YOHANES 3:1

Pa'ellege, Ruata aroddi arangngune si ite, na'oman sara i ite nia'u al᷊aṛṛanang-Nge. Wuṛṛu atonna ete i ite udde al᷊aṛṛana'u Ruata. Ana waugu udde runia apan lal᷊eo indi tawe maaillal᷊a si ite, ana waugu runia tawe maaillal᷊a Ruata.

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

1 YOHANES 4:21

Ana waugu udde, ete indi parenta apan nionggoli Kristus si ite: Isai apan mandangngu Ruata, ṛinone lai mandangngu tuṛṛangnge.

1 YOHANES 4:6

Arawe ete i ite indi al᷊aṛṛana'u Ruata; wuṛṛu taumata apan maaillal᷊a Ruata, madaringikka wisaran kite. Taumata wal᷊ine pussa'an Duata maddiri maddaringikka wisaran kite. Aroddiwe olangnge i ite maasingkattu paṛṛalanne Ghaṛṛaho apan mangngonggolu al᷊aṛṛa'a apan atonna, wuṛṛu ghaṛṛaho apan mangngal᷊iwu.

1 YOHANES 4:8

Taumata apan tawe umakkana, tawe maailal᷊a Ruata; ana waugu Ruata udde maakkana.

1 YOHANES 5:19

I ite masingkatta manungku i ite pussa'an Duata, salaiwe ahewallu runia indi su al᷊ungngu taṛṛinon Al᷊al᷊eo.

1 YOHANES 5:2

Ringannu lal᷊anne indi i ite maasingkatta manungku i ite marangngu al᷊aṛṛana'u Ruata: I ite mandangngu Ruata wuṛṛu tuttuṛṛuta manga parenta-Ne.

3 YOHANES 1:11

Tuṛṛanga apan arangnguanna, ariewe mattanno apa apan lal᷊eo udde. Pattannote apa apan mapia. Taumata apan inolaanne mapia uddewe pussa'an Duata. Wuṛṛu taumata inolaanne lal᷊eo taambe naaillal᷊a Ruata.