1 YOHANES 2:5 - WUKE SUSI WATTI'U AL᷊AL᷊USASSA

⁵ Arawe taumata apan matuṛṛutta wisaran Duata, taumata udde marangngu Ruata ringannu nasuungnga. Udde tatialane manungku i ite mabbiakka uaaukka ringannu Ruata.

1 YOHANES 2:5 Iomraidhean Croise

DARALO 105:45

tadea'u al᷊aṛṛanang-Nge udde matuṛutta su manga tita-Ne wuṛṛu maddaringikka manga parenta-Ne. Paddalote Mawu!

DARALO 106:3

Lal᷊umanna'a su taumata apan tuttuṛṛutta manga parenta-Ne, wuṛṛu tawe sal᷊ane sulal᷊ummu inolaanne.

DARALO 119:146

I ya'u sussal᷊ande Si'o; sal᷊amatewe i ya'u, i ya'u maapulu uaagassa parenta-Nu.

DARALO 119:2

Lal᷊umanna'a su taumata apan mappaamattu parenta-Ne, wuṛṛu ringannu ahewallu naungnge maddea'a ma'illal᷊a Mawu.

DARALO 119:4

I'o nangonggolu tita-Nu si yami, oh Mawu, tadea'u i yami mappaamattu udde ringannu matuṛutta.

AMSAL 28:7

Umbasanna apan matuṛṛutta tita uddewe taumata pande. Arawe taumata apan uahahawen taumata mawoso mammasili iamangnge.

AMSAL 8:32

Ana waugu udde, paddaringikke si ya'u, ei ingana'a dario'a! Tuṛṛutte tatantiro'u, ne i'o sarun su lal᷊umanna'a.

MANNANASE 8:5

Taumata apan matuṛṛutta si tou, sarun matammudda wuṛṛu mal᷊angnganna; taumata pande masingkatta tingngera wuṛṛu ereapa tumuṛṛutta ratu.

YEHEZKIEL 36:27

Ghaṛṛaho-U sarun Ta'u ilal᷊inna sulal᷊ummu naungngu wuṛṛu i yamiu sarun Ta'u riaganna tadea'u mabbiakka tumuṛṛuttu manga tita-U see tuttuṛṛutta al᷊awo'u parenta-U.

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

YOHANES 14:21

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

YOHANES 15:5

Ete i Ya'u punnu anggore, wuṛṛu i yamiu manga rannane. Taumata apan sidutu uaaukka ringang-Ku wuṛṛu I Ya'u ringanni tou, sarun mabua manambo; ana waugu amungkangngu tawe i Ya'u, i yamiu tawe maola'a apa-apa.

YOHANES 6:56

Taumata apan umanna ṛeme-U wuṛṛu ma'inumma raṛṛa-U sidutu su sambau ringang-Ku wuṛṛu i Ya'u ringanni tou.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

2 KORINTUS 5:17

Taumata apan buatte naaukka ringanni Kristus, maola'a taumata wakku atonna-tonna. Apan tabbe nal᷊iute – sarangkanambone naola'e wakku.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

YAKOBUS 2:22

Isindi natualage manungku pangangimanna ṛinone iapaal᷊iatta'u pallal᷊agu tadea'u masuungnga.

1 YOHANES 3:24

Anambon taumata apan tuttuṛṛutta manga parentan Duata, mabbiakka uaaukka ringannu Ruata, wuṛṛu Ruata uaaukka ringanni mangitou. Wuṛṛu i ite masingkata manungku Ruata mabbiakka uaaukka ringanni ite, ana waugu i Tou suete nangonggolu Ghaṛṛaho-Ne si ite.

1 YOHANES 4:17

Darangngu niola'a nasuungnga sulal᷊ummu watanganni ite, tadea'u i ite pia awawaṛṛani su Allo Pamamarikisanna. I ite sarun pia awawaṛṛani, ana waugu wiakki ite sulal᷊ummu runia indi ere lai wiakki Kristus.

1 YOHANES 4:18

Taumata apan uapendama darangngun Ruata, tawe apendama matta'uta; ana waugu darangngu apan nasuungnga mapaawul᷊in atata'uta. Nariaddi natualage manungku taumata apan taambe naapendama darangngun Duata ringannu nasuungnga amungkangu taumata udde matta'utta sumaruanna Allo Pamamarikisanna.

1 YOHANES 5:2

Ringannu lal᷊anne indi i ite maasingkatta manungku i ite marangngu al᷊aṛṛana'u Ruata: I ite mandangngu Ruata wuṛṛu tuttuṛṛuta manga parenta-Ne.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

2 YOHANES 1:6

Mandangngu atappasanne mabbiakka tuttuṛṛuta manga parentan Duata. Wuṛṛu manga parenta apan suete niaringiṛṛani yamiu ro'en paarorone eteudde manungku i yamiu ṛinone mabbiakka uararangngu sangkatou ringannu sangkatou.

SONDAPPA 12:17

Naga mangke nasa'u atonna su wawine udde, na'oman sara i tou inaite namangalo walahanna waine wuassu wawine udde, eteudde anambon taumata apan tuttuṛṛuta manga parentan Ruata, wuṛṛu nattiala su ola'u Mawu Yesus wuṛṛu taṛṛino-Ne.

SONDAPPA 14:12

Sulal᷊ummu olangnge indi walahannu Ruata apan matuṛṛuta su manga parentan Ruata wuṛṛu matuṛṛuta Mawu Yesus, ṛinone matammuda.