1 YOHANES 2:24 - WUKE SUSI WATTI'U AL᷊AL᷊USASSA

²⁴ Ana waugu udde, watti'a apan suete niaringiṛṛani yamiu ro'en panattaṛṛanne i yamiu mangngimanna, ṛinone rariagganni yamiu mapia-pia sulal᷊ummu naungnga. Amungkangu watti'a udde, tatutuṛṛanni yamiu mapia-pia, i yamiu sarun mabbiakka sidutu uaaukka ringannu Ana'a wuṛṛu Iamangnga.

1 YOHANES 2:24 Iomraidhean Croise

DARALO 119:11

Al᷊aṛṛanang-Ngu ta'u sahipunanna sulal᷊ummu naungku, tadea'u i ya'u tawe marosa su saruan-Nu.

AMSAL 23:23

Al᷊aṛṛa'a apan atonna, apande, aehetta, wuṛṛu pasasunna – sarangkanambone udde wotongnge awallianna, arawe tumaniten maarega amungkangngu iwal᷊u'a.

LUKAS 1:2

I mangitou namoṛṛetta nassul᷊ungngu apan niwatti'a si ite wuassu manga taumata apan naasilo sassane manga arariaddianna udde wuassu panattaṛṛanne, ana see namasingkattu watti'a udde.

LUKAS 9:44

“Paatutuṛṛe pa'apia-pia wuṛṛu arie paabul᷊iane manga wisara-U indi: Ana'u Taumata sarun itantilla su taṛṛinon taumata.”

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

YOHANES 15:7

Amungkangngu i yamiu sidutu uaaukka ringang-Ku wuṛṛu al᷊aṛṛa-U uatatana'a sulal᷊ummu naungngu, padorongke su Iamangnga apa apan ipaapulunu; darorongngu udde sarun suunganna.

YOHANES 6:56

Taumata apan umanna ṛeme-U wuṛṛu ma'inumma raṛṛa-U sidutu su sambau ringang-Ku wuṛṛu i Ya'u ringanni tou.

YOHANES 8:25

“Ṛinone isai I'o?” aiwal᷊o mangitou. Mawu Yesus sinumimbakka, “Ipa'ura maggahatong kamiu apia!

FILIPI 4:15

Manga tuṛṛangnga taumatan Filipi! I yamiu sassane masingkata atonna manungku su tempo i ya'u nanantangngu Makedonia rorone, su tempo Watti'u Al᷊al᷊uassa udde niapasingkata paarorone, ete i yamiu sambau jamaatta apan nallal᷊ima si ya'u; i yamiu apan namendamma auntunganna wuṛṛu araruggi su sambau ringangku.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

IBRANI 2:1

Ana waugu udde i ite ṛinone lembon mangaggasa atonna-tonna manga al᷊aṛṛa'a apan suete niaringiṛṛani ite, tadea'u i ite tawe manantangngu pangangimanni ite.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

1 YOHANES 1:3

Apa apan suete niasiloanna wuṛṛu niaringiṛṛani yami, eteudde lai apan iappasingkati ami si yamiu, tadea'u i yamiu suadio'a ringanni ami wotongnge maapendamma wiakka uaaukka ringannu Iamangnga wuṛṛu ringannu Anang-Nge Yesus Kristus.

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

1 YOHANES 2:7

Manga tuṛṛangnga apan arangnguanna! Apa niwoṛṛe'u indi wal᷊inewe sambau parenta apan wakku. Indi parenta tabbe apan suete niapaasingkata si yamiu ro'en i yamiu nanattakka mangngimanna si Kristus; eteudde watti'a wuassu Ruata apan suete niaringiṛṛani yamiu ro'en i yamiu taambe nangimanna.

1 YOHANES 3:24

Anambon taumata apan tuttuṛṛutta manga parentan Duata, mabbiakka uaaukka ringannu Ruata, wuṛṛu Ruata uaaukka ringanni mangitou. Wuṛṛu i ite masingkata manungku Ruata mabbiakka uaaukka ringanni ite, ana waugu i Tou suete nangonggolu Ghaṛṛaho-Ne si ite.

1 YOHANES 4:13

Ana waugu Ruata suete nangonggolu Ghaṛṛaho-Ne si ite, ne i ite masingkatte manungku i ite suete nabbiakka uaaukka ringannu Ruata, wuṛṛu Ruata mabbiakka uaaukka ringanni ite.

1 YOHANES 4:15

Isa-sai apan mangnga'u manungku Yesus udde Ana'u Ruata, Ruata mabbiakka uaaukka ringannu taumata udde, wuṛṛu taumata udde lai mabbiakka uaaukka ringannu Ruata.

1 YOHANES 4:16

I ite sassane masingkata wuṛṛu mangngimanna darangngun Duata si ite. Ruata udde marangngu. Taumata apan wiakke paparentannu darangngu, taumata udde uaaukka ringannu Ruata, wuṛṛu Ruata uaaukka ringanni tou.

2 YOHANES 1:2

Ana waugu Ruata uatana'a sulal᷊ummu naungngi ite, wuṛṛu sidutu uatana'a ringanni ite saran mal᷊annu-l᷊annu.

2 YOHANES 1:9

Taumata apan tawe uaaggassa al᷊aṛṛa'i Kristus, arawe sinumewada wuassu apa apan niaṛṛa'i Kristus, taumata udde tawe maatuahanna Ruata. Taumata apan siddutu uatundeeta su al᷊aṛṛa'i Kristus, atappasanne uatahuanna Ruata Iamangnga aroddi lai Ana'a.

3 YOHANES 1:3

I ya'u lulluassa tassul᷊ungnge, su tempo manga pira tuṛṛangnga Saṛṛani na'oma wuṛṛu nabbatti'a si ya'u manungku aroddi atuṛṛune tuṛṛanga su Ruata apan su ṛinone udde, ana waugu atonna tuṛṛangnga wotongnge sidutu mabbiakka tuttuṛṛuta al᷊aṛṛa'u Ruata.

SONDAPPA 3:11

I Ya'u mal᷊ihakke rumanta! Paariagai paapia-pia apa apan tatahuananni yamiu, tadea'u tawe saran sangkatou mangaṛṛo lal᷊antaku auntungannu.

SONDAPPA 3:3

Nariaddi, naungete apia-apa apan suete niaṛṛa'a si yamiu rorone wuṛṛu apa apan suete niaringiṛṛani yamiu. Ola'e udde wuṛṛu awal᷊ute wuassu manga rosanu. Amungkangu i yamiu tawe maatimpu'o, i Ya'u sarun rumanta ringanni yamiu ere sangkatou taṛṛa ta'o; wuṛṛu i yamiu wagga tingngerate tempone i Ya'u rumanta.