1 YOHANES 1:8 - WUKE SUSI WATTI'U AL᷊AL᷊USASSA

⁸ Amungkangu i ite mabbisara manungku i ite tawe paddarosa, i ite nangawusu watanganni ite sassane; wuṛṛu Ruata tawe sulal᷊ummu naungngi ite.

1 YOHANES 1:8 Iomraidhean Croise

1 MARARATU 8:46

Amungkangngu uman-Nu marosa Si'o – mangke atonna tawe saran sangkatou apan tawe marosa – ana see ana waugu asasa'u-Nu i mangitou niwala-Nu iawaddon seetta, wuṛṛu niapidda naola'a taumata niatawanna watukku sambau wanua apan marau ara'e marani,

2 MARARATU 20:15

“I mangitou ma'ellega apa su wal᷊en aṛṛatuanna?” aiwal᷊on Yesaya apia. “Manga al᷊awo'a!” sasimbakki Hizkia. “Tawe saran sambau pa'a'ala sulal᷊ummu wal᷊en araratuanna apan tawe ta'u niapasilo si mangitou.”

2 TAWARIKH 6:36

Amungkangu walahan-Nu ma'ola'a rosa su saruan-Nu – mangke atonna tawe saran sangkatou apan tawe marosa – ana see ana waugu asasa'u-Nu i mangitou niwala-Nu niawaddon seetta wuṛṛu niapidda niatawanna su sambau wanua apan marau ara'e marani,

AYUB 14:4

Wotongngewe taumata apan marosa mandantan inolaanna apan nasuungnga?

AYUB 15:14

Wotongne taumata mangke tawe sal᷊ane? Wotongngewe i tou iapaṛṛino su saruanna Ruata?

AYUB 25:4

Wotongngewe taumata na'ukkassa su matan Duata? Wotongngewe i tou waresi su aellegu Mawu?

DARALO 143:2

I ya'u indi allang-Ngu, ariewe i ya'u ṛuunganna, ana waugu tawe taumata apan tawe sal᷊ane su saruan-Nu.

AMSAL 20:9

Apa pia taumata apan wotongnge mabbisara, “Naungku waresi, i ya'u nal᷊iute wuassu rosa?”

MANNANASE 7:20

Su runia indi tawe sangkatou taumata apan nasuungnga; taweddu sidutu apan ma'ola'a apapia wuṛṛu tawe saran paassa na'ola'a rosa.

YESAYA 53:6

I ite sarangkanambone nial᷊iwune ere domba, sambau-sambau maddea'a lal᷊anne sassane. Mawu buatte nangema'a si tou al᷊al᷊eo kite sarangkanambone.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

YEREMIA 2:35

i yamiu mabbisara manungku i yamiu tawe sal᷊ane, manungku i Ya'u tate lai masa'u si yamiu. Arawe i Ya'u Mawu, sarun makkuumanni yamiu ana waugu i yamiu maddiri manga'u manungku i yamiu nassal᷊a.

IMAMATTA 13:12

Amungkangngu imam naasilo manungku attiawu udde nilumewate wuassu pua naddatingngu ledda,

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

ROMA 3:10

Ere uawoṛṛetta sulal᷊ummu Wuke Susi, “Tawe saran sangkatou apan naṛṛino,

ROMA 3:23

Anambon taumata narosate wuṛṛu marauten Duata apan sarun manal᷊amatta si mangitou.

1 KORINTUS 3:18

Imbaṛṛangnga piaddu sangkatou mamahia watanganne sassane. Amungkangngu pia taumata su wallatti yamiu mammendama watanganne pande tumuṛṛuttu aul᷊aannu runia indi, taumata udde mabbal᷊i woddo, tadea'u i tou atonna-tonna mabbal᷊i pande.

GALATIA 6:3

Amungkangu sangkatou massunna watanganne mappianna, wutte'e tawe, taumata udde nangawusu watanganne sassane.

1 TIMOTIUS 6:5

wuṛṛu pasase'etta apan tawe masue. Lal᷊annu ṛingiddu manga taumata udde nial᷊iwunete wuṛṛu nassal᷊ate. I mangitou massunna manungku wotongnge maala wuassu agama.

2 TIMOTIUS 3:13

arawe manga taumata lal᷊eo wuṛṛu manga taumata taṛṛa l᷊inga sarun mabbal᷊i lembon al᷊eoanne. I mangitou mallinga taumata waine, wutte'e i mangitou sassane nial᷊inganna lai.

YAKOBUS 1:22

Ṛinone i yamiu tumuṛṛutta apa apan niwisaran Duata, arie tumba'u maddaringikka, na'oman sara i yamiu mangawusu watanganni yamiu sassane.

YAKOBUS 1:26

Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.

YAKOBUS 3:2

I ite sarangkanambone masokka ma'ola'a pasasal᷊a. Arawe taumata apan taambe na'ola'a pasasal᷊a ringannu manga wisarane, i tou taumata nasuungnga, apan wotongnge maa'ul᷊inna ahewallu ririne.

2 PETRUS 2:13

Maola'a wawal᷊issu asasusa apan suete niola'i mangitou, i mangitou sarun matataṛṛanga susa. Inolaanna apan maal᷊uassa naungngi mangitou eteudde ma'ola'a al᷊awo'u inolaanna su allo allattune maddea'a mapaawusan apulun wadangi mangitou. Amungkangu i mangitou uaianna su sambau ringanni yamiu sulal᷊ummu andeangngu anna, pallal᷊agu mangitou maarantinna ana waugu i mangitou niwu'annu apulu naungngi mangitou.

1 YOHANES 1:10

Arawe amungkangu i ite mabbisara manungku i ite tawe paddarosa, i ite maṛṛangngo manungku Ruata udde taṛṛa awusu wuṛṛu i ite tawe uaraddon wisaran Duata sulal᷊ummu naungngi ite.

1 YOHANES 1:6

Amungkangu i ite mabbisara manungku i ite mabbiakka uaaukka ringanni Tou, arawe i ite mabbiakka su araranduma, ne i ite nangawusu mawae ringannu wisara ara'e lai ringannu pallal᷊agu.

1 YOHANES 2:4

Taumata apan mabbisara, “I ya'u maaillal᷊a Ruata,” arawe maddiri tumuṛṛutta manga parenta-Ne, taumata udde taṛṛa wahia, wuṛṛu Ruata tawe sulal᷊ummu naungnge.

1 YOHANES 4:20

Amungkangu pia sangkatou mabbisara, “I ya'u marangngu Ruata,” arawe i tou tawe mandangngu tuṛṛangnge, taumata udde taṛṛa wahia. Ana waugu taumata apan tawe mandangngu tuṛṛange apan aasiloanne, tawe mariaddi wotongnge mandangngu Ruata apan tawe asiloanne.

2 YOHANES 1:2

Ana waugu Ruata uatana'a sulal᷊ummu naungngi ite, wuṛṛu sidutu uatana'a ringanni ite saran mal᷊annu-l᷊annu.

3 YOHANES 1:3

I ya'u lulluassa tassul᷊ungnge, su tempo manga pira tuṛṛangnga Saṛṛani na'oma wuṛṛu nabbatti'a si ya'u manungku aroddi atuṛṛune tuṛṛanga su Ruata apan su ṛinone udde, ana waugu atonna tuṛṛangnga wotongnge sidutu mabbiakka tuttuṛṛuta al᷊aṛṛa'u Ruata.