1 YOHANES 1:5 - WUKE SUSI WATTI'U AL᷊AL᷊USASSA

⁵ Ete indi watti'a apan suete niaringiṛṛani ami wuassu Anang-Nge wuṛṛu apan iwabbatti'i ami si yamiu: Ruata eteudde asasemakka, wuṛṛu si Tou tawe araranduma saran kadio'a.

1 YOHANES 1:5 Iomraidhean Croise

DARALO 139:12

ne ararandumma udde lai tawe maarandumma Si'o; ṛabbi masemakka naal᷊ihidda allo, wuṛṛu ararandumma udde naal᷊ihidda asasemakka.

DARALO 27:1

Daralon Daud. Mawu udde asasema'u wuṛṛu asasal᷊ama'u, taweddu ta'u iata'utta. Mawu uddewe tanda'a watu pattillumangku, i ya'u tawe mata'utta.

DARALO 36:9

I mangitou nal᷊aiddu anna su Wal᷊en-Nu, ringannu ua'e wuassu sal᷊ukku Mawu apan maatohassa.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

YESAYA 2:5

Ei, papapulunni Yakub, wette i ite umamatte sulal᷊ummu asasemakku Mawu!

YESAYA 60:19

I'o salaiwe lasa'e semaṛṛannu matannallo sutempo allo, wuṛṛu lasa'e lai semaṛṛannu wul᷊anna sutempo ṛabbi. Ana waugu i Ya'u Mawu naola'a asasemakka tutune si'o, i Ya'u mannemakka ringannu awawantu-U.

DANIEL 2:22

Ete i Tou apan manni'attu addapingnga apan tumaniten mal᷊al᷊unna I Tou masingkattu al᷊awo'a apan mariaddi sulal᷊ummu ararandumma.

YOHANES 1:19

Manga piaṛṛa'u Yahudi su Yerusalem nandolokku manga imam wuṛṛu manga taumatan Lewi inai ringanni Yohanes wuṛṛu naiwal᷊o si tou, “I'o indi isai?”

YOHANES 1:4

Ṛengetanna udde punnu wiakka, wuṛṛu wiakka udde mannemakka taumata.

YOHANES 1:9

Semakka tutune apan mannemakka anambon taumata, nirumanta su runia.

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

YOHANES 9:5

Tantal᷊anna i Ya'u ta'e su runia indi, ete i Ya'u asasemakku runia.”

1 KORINTUS 11:23

Ana waugu apan ta'u iaṛṛa'a si yamiu, udde ta'u sinengkamma wuassu Mawu sassane; manungku su ṛabbi udde su tempo Mawu Yesus, Mawun kite nilal᷊eo, i Tou nanganu roti,

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

1 YOHANES 3:11

Ro'en paarorone suete niapaasingkata watti'a indi si yamiu: I ite ṛinone umakanna sangkatou ringannu waine.

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

SONDAPPA 22:5

I mangitou tate mappandumma sol᷊o ara'e semakku matannallo, ana waugu tate ṛabbi lai, wuṛṛu Mawu Ruata sassane sarun manemakka si mangitou. Ne i mangitou sarun mamarenta ere sangkatou ratu saran mal᷊annu-l᷊annu.