1 TIMOTIUS 5:3 - WUKE SUSI WATTI'U AL᷊AL᷊USASSA

³ Addate manga wawine wal᷊u apan atonna-tonna mabbiakka sassane.

1 TIMOTIUS 5:3 Iomraidhean Croise

AYUB 29:13

I ya'u raddaloannu taumata apan tumaniten massusa, i ya'u natul᷊ungngu wawine wal᷊u na'oman sara i mangitou matammudda.

AYUB 31:16

Taambe saran paassa i ya'u maddiri mantul᷊ungngu taumata asiangnga, ara'e namalan manga wawine wal᷊u mabbiakka tawe antimma.

DARALO 146:9

I Tou mannillumma manga taumata raho; i Tou nantul᷊ungngu manga inawal᷊uanna wuṛṛu asisin timpal᷊uassa, arawe nanal᷊are hol᷊agu taumata lal᷊eo.

DARALO 68:5

Pangantarite su Ruata, paddalote aran-Ne, saddiaite lal᷊anna mal᷊alangnga si Tou apan uasa'e winabbawa. Aran-Ne Mawu – lalluasse su saruan-Ne!

DARALO 94:6

I mangitou mammate wawine wal᷊u wuṛṛu asisin timpal᷊ussa wuṛṛu taumata raho apan uatana'a su wanua indi.

SASABANGNGA 20:12

Pangaddata iamangngu wuṛṛu inangngu, tadea'u i yamiu mabbiaka su lal᷊umanna'a wuṛṛu mabbiakka malannu su wanua apan sarun Ta'u ionggolla si yamiu.

YEREMIA 49:11

Ei Edom! Tantanga'e manga asisinu si Ya'u, i Ya'u sarun mappadul᷊i si mangitou. Wala'e manga inawal᷊uanna pia pangangimanna si Ya'u.

MATIUS 15:6

ne taumata udde tate lai iapaaddatta hagurangnge. Aroddi ana waugu addatta inanaramannu iupungngu al᷊amonanu, i yamiu mangngaddio'a wisara Ruata.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

LUKAS 2:37

i Hana naola'e wawine wal᷊u, wuṛṛu orassa indi uukke ual᷊utem pul᷊o appatta su tonnane. Tawe saran paassa i tou nanantangngu Wal᷊e Mawu. Allo ṛabbi i tou mattaṛṛamawu isudde su Ruata ringannu u'al᷊iomanna wuṛṛu mappuasa.

LUKAS 7:12

Su tempo Mawu Yesus na'omate marani ngara pasallungannu su soa udde, pia taumata manambo uapasanna asuangnga watukku liuddu soa. Taumata nate udde ana'a esakka man sambau wuassu sangkatou wawine wal᷊u. Manambo taumata lal᷊oṛṛon soa uaṛṛundingannu inangnge.

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

WATTI'U MANGA RASUL 6:1

Manga mallal᷊aṛṛenggennu Mawu Yesus mallannu aatambanna anambone. Su tempo udde manga taumatan Yahudi apan mabbisaran Yunani naola'a tawe mal᷊uassa su saruannu manga taumatan Yahudi tumanangnge. Apan mabbisaran Yunani udde nabbisara, “Manga wawineng kami apan inawal᷊uanna tawe naasomba tahia ipabiakka miallo-miallo apan nitahia su manga taumata.”

WATTI'U MANGA RASUL 9:39

I Petrus lapiddu dirumarisikka wuṛṛu tinumantalongnga si mangitou. Na'oma poiaroddi, i tou niapidda su wabbo'a ṛengkenne rosone. Anambon bawine wal᷊u isudde naṛṛimpulunna si Petrus lapiddu lulluai wuṛṛu manta'e si tou manga laubba wuṛṛu manga jubah apan nitabbi'i Dorkas si mangitou su tempo i tou ta'e wiakka.

WATTI'U MANGA RASUL 9:41

See i Petrus namita limane wuṛṛu nantul᷊ungngi tou dirumarisikka. Wua'udde i Petrus namaggo manga taumata apan mangngimanna isudde suadio'a ringannu manga wawine wal᷊u udde, see nanantilli Dorkas apan nabbiakke udde si mangitou.

TAHIUL᷊E 10:18

I Tou uasamba'a asisi timpal᷊ussa wuṛṛu inawal᷊uanna tadea'u i mangitou olaanna lai ringannu matul᷊idda; I Tou mandangngu taumata raho apan mabiakka suadio'a ringannu walahanni ite wuṛṛu nangonggolu anna wuṛṛu laubba si mangitou.

TAHIUL᷊E 14:29

Anna udde wuattu taumatan Lewi ana waugu i mangitou tawe naatahuanna leta'a, wuṛṛu wuattu taumata raho, asisimpal᷊ussa wuṛṛu manga inawal᷊uanna apan mabbiakka su manga soanu. I mangitou wotongnge rumanta wuṛṛu mangal᷊appa sarangkanambone apan pappandumanni mangitou. Amungkangngu inolaanni yamiu aroddi, ne Mawu Ruatanu sarun mangal᷊amatta al᷊awo'u manaranu.”

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

TAHIUL᷊E 16:14

Lallala'e suadio'a ringannu manga anangngu, manga allangngu, taumatan Lewi, taumata raho, ana'a asisitimpal᷊ussa, manga wawine wal᷊u apan uatana'a su manga soanu.

TAHIUL᷊E 27:19

‘Niawontohante taumata apan mangngaṛṛo pussa'an taumata raho, ana'a asisintimpal᷊ussa, wuṛṛu wawine wal᷊u.’ ‘Amin!’

1 TESALONIKA 2:6

I yami lai tawe mappandumma daralo wuassu taumata – mawae wuassi yamiu ara'e wuassu taumata waine. Ṛinone maola'a sangkatou rasulli Kristus i yami wotongnge maddorongnga sarannapa si yamiu.

1 TIMOTIUS 5:2

wuṛṛu manga wawine timmade ere inangngu. Wuṛṛu manga maṛṛuala ṛinone olaannu ere sangkatou tuari, ringannu pallal᷊agu apan waresi.

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.

1 PETRUS 2:17

Pangadate anambon taumata, paarangngu manga tuṛṛangu apan sansul᷊ungnga Saṛṛani. Ata'utten Ruata, wuṛṛu pangadate Kaisar.

1 PETRUS 3:7

Wuṛṛu i yamiu lai, manga awingnga esakka, ṛinone mabbiakka ringannu napenen pasasunna su saruannu awingngu, wuṛṛu ringannu asingkata manungku ete i mangitou udde walahanna apan lome. Olaawe i mangitou ringannu addata, ana waugu i mangitou su sambau ringanni yamiu, sarun manengkamma al᷊amattu pabbiaṛṛana apan tutune wuassu Ruata. Olaawe indi, tadea'u taweddu maasal᷊awa'a aal᷊iomannu.