1 TIMOTIUS 4:3 - WUKE SUSI WATTI'U AL᷊AL᷊USASSA

³ I mangitou mangngaṛṛa'a taumata ana see tawe maawingnga wuṛṛu tawe umanna anna ipappalli. Sumbal᷊i anna udde niola'u Ruata iapaanna ringannu aadiangkamanna si Tou wuassu taumata apan suete nangimanna si Kristus wuṛṛu naailal᷊ate al᷊aṛṛa'a apan atonna wuassu Ruata.

1 TIMOTIUS 4:3 Iomraidhean Croise

PANDARIADDI 9:3

Sarangkanambone udde wotongnge maola'a annu, ere lai manga sasuanna ma'elomma; sarangkanambone Ta'u ionggolla si'o maola'a annu.

MANNANASE 5:18

Amungkangngu sangkatou manengkamma paa'ala wuṛṛu darotongnga wuassu Ruata, wuṛṛu iwala mappaattu paa'ala udde, i tou ṛinone maadiangkamanna wuṛṛu mattemma al᷊awo'u hessin manarane. Udde lai aonggollu Ruata.

DANIEL 11:37

Ratu udde tawe ma'ellega al᷊awo'u monganna apan sassubbannu iupungngu al᷊amonane, nasutta lai monganna raddaloannu manga wawinne. I tou tawe ma'ellega manga monganna udde ana waugu i tou massunna watanganne maggewal᷊anne wuassi mangitou.

MATIUS 14:19

Wua'udde i Tou nandolokku taumata nambo udde niapaa'ianna su leta'a. See i Tou nanganute limam bau roti wuṛṛu inassa ruam bua udde, see i Tou naningngarate langitta wuṛṛu naadiangkamanna su Ruata. Wua'udde i Tou nattahiate roti udde, ringannu lima-Ne wuṛṛu nianggila su mallal᷊aṛṛenggen-Ne niapatahia su taumata nambo udde.

MATIUS 15:11

Apan sinumutta su moṛṛongnga tawe maarosa taumata udde; tumba'u apan sinumabangnga wuassu moṛṛongnge eteudde ma'alal᷊eo si tou.”

MATIUS 15:36

See i Tou nanganute roti pitum bau wuṛṛu inassa, wua'udde na'adiangkamanna su Ruata. Wua'udde i Tou nattahiate roti wuṛṛu inassa udde ringannu lima-Ne sassane, see nionggola su mallal᷊aṛṛenggen-Ne. Wuṛṛu i mangitou nattahiate su taumata manambo udde.

LUKAS 24:30

Su tempo inuma'ianna su sambau ringanni mangitou umanna, Mawu Yesus nangawakka roti, na'adiangkamanna su Ruata, namesangnga roti ringannu lima-Ne, see nionggolle si mangitou.

YOHANES 6:23

Wua'udde manga pira ngassa saalanna wuassu Tiberias nirumanta wuṛṛu nabbal᷊ango maranin tampan taumata nambo udde u'anna roti napawe Mawu Yesus suete na'adiangkamanna.

WATTI'U MANGA RASUL 27:35

Wua'nabbisara aroddi i Paulus nanganu roti see naadiangkamanna su Ruata su saruanni mangitou sarangkanambone. Wua'udde i tou nattahia roti udde see niumante.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

ROMA 14:3

Taumata apan u'anna tawe mamile, arie mangadio'a taumata apan u'anna tumba'u anna buatte tinantunne; wuṛṛu taumata apan tumba'u u'anna anna buatte tinantunne, arie lai mapaasal᷊an taumata apan u'anna alawo'u anna, ana waugu Ruata suete nanarimmatti tou.

ROMA 14:6

Taumata apan tumba'u mappaattu manga allo apianne, taumata udde ma'ola'a aroddi ana waugu ipangaddata Mawu. Taumata apan u'anna al᷊awo'u anna, ma'ola'a aroddi ana waugu ipangaddata Mawu, ana waugu i tou maadiangkamanna Ruata ana waugu pabbawiakka udde. Aroddi lai taumata apan tumba'u u'anna anna suete nipilene, taumata udde lai mangadatta Mawu wuṛṛu u'al᷊iomanna su Ruata.

1 KORINTUS 6:13

Piaddu lai mabbisara manungku anna tumba'u hunane su tianna, wuṛṛu tianna nissaddia pangadoannu anna. Arawe itarua udde tawe ipaattu Ruata. Wadangngu taumata tawe wotongnge ipaatta ipa'ola'a sandaga, ewe'e tumba'u hunane ipamantuga Ruata. Wuṛṛu Mawu sarun mappadul᷊i wadangnga udde.

1 KORINTUS 7:28

Arawe amungkangngu i'o maawingnga, udde wal᷊ine rosa. Aroddi lai amungkangngu sangkatou maṛṛuala maawingnga, udde tawe manungku i tou marosa. Tumba'u i mangitou apan maawingnga, udde sumaruanna anambon asasusa. Wuṛṛu i ya'u maapulu i yamiu mal᷊iu wuassu manga asasusa udde.

1 KORINTUS 8:8

Su ṛinone anna sassane tawe maaola'a paa'aukki ite ringannu Ruata maola'a lembon mapia. Amungkangngu i ite umanna anna udde, i ite tawe maasomba auntunganna apa-apa. Aroddi lai amungkangngu i ite tawe umanna anna udde, i ite lai tawe marugi saran kadio'a.

KOLOSE 2:16

Ana waugu udde, imbaṛṛanganga mamalan taumata mapaasal᷊an kamiu su ola'u umanna ara'e ma'inumma ua'e, ara'e su ola'u manga allo wahewan agama, ara'e manga ramean wul᷊anna wakku, ara'e su ola'u allon Sabatta.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

1 TIMOTIUS 2:4

I Tou maapulu tadea'u anambon taumata maasomba asasal᷊amatta wuṛṛu masingkatu apapia.

1 TIMOTIUS 4:4

Al᷊awo'u sarannapa apan niola'u Ruata udde mapia, wuṛṛu tawe saran sambau lai apan sarun ipappalli amungkangu suete nisengkamma ringannu aadiangkamanna su Ruata.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

IBRANI 13:9

Imbaṛṛanga mapaawalan al᷊awo'u hatin al᷊aṛṛa'a apan ma'aheranga apan mangal᷊iwung kamiu. Naungngi ite ṛinone tohasannu apapia naungngu Ruata, eteudde apan mapia; imbaṛṛanga ringannu manga atoranna su ola'u anna. Manga taumatan tiwatta apan matuṛṛuta su manga atoranna udde tawe naasomba hunane.