1 TIMOTIUS 3:4 - WUKE SUSI WATTI'U AL᷊AL᷊USASSA

⁴ Ṛinone i tou masingkata mangatokku lal᷊oṛṛon bal᷊ene ringannu mapia, wuṛṛu mangaṛṛa'a al᷊aṛṛanangnge matuṛṛuta wuṛṛu maadatta si tou.

1 TIMOTIUS 3:4 Iomraidhean Croise

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

WATTI'U MANGA RASUL 10:2

I tou sangkatou apan matta'uttu Ruata wuṛṛu anambon lal᷊oṛṛon bal᷊ene mattaṛṛamawu Ruata. I tou masokka mantul᷊ungngu taumatan Yahudi apan asiangnga wuṛṛu i tou sidutu u'al᷊iomanna su Ruata.

EFESUS 5:24

Ere lai jamaatta tuttuṛṛuta si Kristus, aroddi lai su al᷊awo'u inolaanna, wawine ṛinone tumuṛṛutta awingnge esakka.

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

1 TIMOTIUS 3:12

Masasumabala jamaatta ṛinone awingnge tumba'u sambau. Ṛinone i tou masingkata mangatokku al᷊aṛṛanangnge wuṛṛu lal᷊oṛṛon wal᷊ene ringannu mapia.

TITUS 1:6

Sangkatou piaṛṛa'u jamaatta ṛinone sangkatou apan tawe sal᷊ane; i tou ṛinone tumba'u uatahuanna awingnga sangkatou; manga al᷊aṛṛanangnge ṛinone mangngimanna si Kristus wuṛṛu wal᷊inewe ana'a lal᷊eo wuṛṛu tawe iaatokka.

TITUS 2:2

Aṛṛa'ete manga timmadde esakka, tadea'u i mangitou maṛṛaddanna, pande wuṛṛu mabbiakka ere sangkatou taumata apan ṛinone addatanna. Ṛinone lai i mangitou uaaggasa al᷊aṛṛa'a apan su ṛinone wuassu Ruata, mandangngu ringannu ahewallu naungnga wuṛṛu matataṛṛangnga ringannu sabbare.

TITUS 2:7

Su al᷊awo'u inolaanna ṛinone i'o maola'a tul᷊adan pallal᷊agu apan mapia. Amungkangu i'o mangaṛṛa'a, ṛinone i'o tawe mamahia wuṛṛu atonna-tonna.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”