1 TIMOTIUS 3:2 - WUKE SUSI WATTI'U AL᷊AL᷊USASSA

² Sangkatou mallal᷊u'adda jamaatta ṛinone taumata tawe sal᷊ane, tumba'u sangkatou awingnge, masabare, pande, wuṛṛu maaduna; i tou maapulu manol᷊oho raho su wal᷊ene, wuṛṛu wotongnge mangaṛṛa'a taumata;

1 TIMOTIUS 3:2 Iomraidhean Croise

YESAYA 56:10

Mawu nabbisara, “Manga piaṛṛa'u pabbawala-U uddewe manga taumata wuta! I mangitou waggan apa-apa. I mangitou naal᷊ihidda asu mou apan tawe tumawanna, arawe sidutu mattiilla wuṛṛu mabbal᷊iawa. Lal᷊umanna'a atonna i mangitou mattiilla!

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

LUKAS 2:36

Pia lai sangkatou nabi wawine timmaddete atonna. Aranne i Hana, ana'i Fanuel, wuassu walahanna Asyer. Napawe pitute tonna wua naawingnga,

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

FILIPI 2:15

Ringannu aroddi yamiu mapaal᷊iatta'a manungku eteudde i yamiu al᷊aṛṛana'u Ruata apan tawe angngone, mabbiakka ringannu matul᷊ida wuṛṛu naṛṛino su pattangnganu taumata lal᷊eo wuṛṛu marosa. Wuṛṛu su tempo i yamiu namasingkata si mangitou watti'a apan mangngonggolu wiakka, ṛinone i yamiu maola'a ere semakka apan lullansiangnga mannemakka runia. Amungkangu i yamiu mabbiakka ereudde, ne i ya'u pia pangiananne maapendamma al᷊al᷊uassa su ola'i yamiu su tempo Mawu Yesus rumanta apia. Udde maola'a tatialane manungku manara'u pia gunane wuṛṛu pia gessine.

1 TIMOTIUS 3:12

Masasumabala jamaatta ṛinone awingnge tumba'u sambau. Ṛinone i tou masingkata mangatokku al᷊aṛṛanangnge wuṛṛu lal᷊oṛṛon wal᷊ene ringannu mapia.

1 TIMOTIUS 3:8

Ṛinone masasumbala jamaatta lai taumata mapia wuṛṛu matul᷊ida; tawe wal᷊iun doitta tawe tumaniten manambo ma'inumma anggore.

1 TIMOTIUS 4:3

I mangitou mangngaṛṛa'a taumata ana see tawe maawingnga wuṛṛu tawe umanna anna ipappalli. Sumbal᷊i anna udde niola'u Ruata iapaanna ringannu aadiangkamanna si Tou wuassu taumata apan suete nangimanna si Kristus wuṛṛu naailal᷊ate al᷊aṛṛa'a apan atonna wuassu Ruata.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

1 TIMOTIUS 5:22

Arie tumaniten mal᷊ihakka mangal᷊amatta sangkatou itenega maola'a mangangimbe su Mawu. Amungkangu taumata waine marosa, arie lai al᷊iuannu rosa udde. Paariagai ririnu tadea'u sidutu waresi.

1 TIMOTIUS 5:9

Tumba'u wawine wal᷊u apan naatuṛṛuta atoranna indi wotongnge iwoṛṛeta sulal᷊ummu arannu manga wawine wal᷊u; apan uukke tawe maurangnga wuassu annumu pul᷊o su tonnane, dorone tumba'u paassa naawingnga,

2 TIMOTIUS 2:24

Taumata apan mammanara manaran Mawu tawe ṛinone mattatiakka; i tou ṛinone masaṛṛionto'a su anambon taumata, wuṛṛu wotongnge mangaṛṛa'a taumata ringannu mapia wuṛṛu masabare.

TITUS 2:2

Aṛṛa'ete manga timmadde esakka, tadea'u i mangitou maṛṛaddanna, pande wuṛṛu mabbiakka ere sangkatou taumata apan ṛinone addatanna. Ṛinone lai i mangitou uaaggasa al᷊aṛṛa'a apan su ṛinone wuassu Ruata, mandangngu ringannu ahewallu naungnga wuṛṛu matataṛṛangnga ringannu sabbare.

IBRANI 13:2

Arie humago'a mapaatana'a su wal᷊enu manga taumata apan ta'e awagananni yamiu. Ana waugu ringannu ma'ola'a aroddi, piate taumata, ringannu tawe niatutukka suete napaatana'u mala'ekatta su wal᷊ene.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

1 PETRUS 4:9

Ṛinone i yamiu uasasal᷊oho sangkatou ringannu waine sulal᷊ummu wal᷊enu sambau-sambau, ringannu tawe sumamboṛṛe.

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.