1 TIMOTIUS 1:9 - WUKE SUSI WATTI'U AL᷊AL᷊USASSA

⁹ Ṛinone naunganna manungku titaniola'a wal᷊ine hunane su taumata mapia, ewe'e su taumata apan mal᷊awangnga tita, manga taumata lal᷊eo, taumata mal᷊awangnga, su taumata marosa, taumata tawe agamane, taumata tumba'u maṛṛingiddu runia, su taumata apan namate iamangnge wuṛṛu inangngene, wuṛṛu manga taṛṛa pate sarangkanambone,

1 TIMOTIUS 1:9 Iomraidhean Croise

2 SAMUEL 16:11

Ana see i Daud nabbisara si Abisai apia wuṛṛu su allangnge sarangkanambone, “Ana'u sassane pia pandumma mamate si ya'u; anio i yamiu tinumiangnga naasilo pallal᷊aghu taumatan Benyamin indi? Ete Mawu apan nandolokki tou apan niapatal᷊a'u; ana waugu udde arie pa'indinge i tou wuṛṛu wala'e aroddi i tou mantal᷊a.

2 MARARATU 19:37

Su allo sambau, sutempo i tou tantal᷊anna mattaṛṛamawu sulal᷊ummu wal᷊en Monganna Nisrokh, i tou nipaten hal᷊elen Adramelekh wuṛṛu Sarezer, manga umbasanne. Wua'udde i mangitou tinumal᷊angke watukku wanua Ararat. Ne i Esarhadon, parinsine waine naola'a ratu nallol᷊ossa si tou.

2 TAWARIKH 32:21

Ana see Mawu nandolokku sangkatou mala'ekatta apan niapapate manga tantara wuṛṛu manga tembonannu tantaran Asyur udde. Ringannu tumaniten nasili ratun Asyur nabelengke watukku wanuane. Su allo sambau sutempo i tou tantal᷊anna sulal᷊ummu wal᷊en monganne, siri pira manga anangnge sassane nirumanta namate si tou ringannu hal᷊ele.

SASABANGNGA 20:13

Imbaṛṛangnga mamate.

SASABANGNGA 21:14

Arawe amungkangngu sangkatou masa'u wuṛṛu ringannu nipattatudda mamate taumata waine, wua'udde i tou tumal᷊angnga su mezba-U tadea'u maasomba tul᷊unganna, taumata udde ṛinone al᷊apanna wuassu mezbah wuṛṛu iṛṛuumanna pateanna.

AMSAL 20:20

Taumata apan mammontoga hagurangnge, wiakke sarun mawul᷊i naal᷊ihidda sol᷊o nappaddumma su ṛabbi wasa.

AMSAL 28:17

Sangkatou taṛṛa pate sarun uapendamma sidutu a'enggenanna maddatingngu papatene; tawe saran sangkatou apan wotongnge manaṛṛangnga si tou.

AMSAL 28:24

Isai manna'o darotongngu hagurangnge i tou massunna manungku udde wal᷊ine rosa, naal᷊ihidda manga taṛṛa ta'o waine.

AMSAL 30:11

Pia taumata apan massalun iamangnge wuṛṛu tawe mangareggan inangngene.

AMSAL 30:17

Taumata apan mangngal᷊uandaga iamangnge ara'e inangngene apan timmadete, ṛinone iramme su liudde tadea'u matane tembonannu manu'a gagak wuṛṛu winal᷊unanne inasannu manu'a a'a.

YEREMIA 23:11

Mawu nabbisara, “Nabi wuṛṛu imam maddiri tumuṛṛutta si Ya'u. Ewe'e lai su Wal᷊e-U i Ya'u buatte naasangkalla i mangitou ma'ola'a al᷊al᷊eo.

YEHEZKIEL 21:25

Wuṛṛu su ratun Israel i Ya'u mabbisara, ‘Ei ratu apan dal᷊eo wuṛṛu mal᷊awangnga! Tempo ipakkuumanna panginsueanne maranite.

IMAMATTA 20:9

Mawu nangonggolu manga atoranna indi, “Taumata apan mammontoga iamangnge ara'e inangnge ṛinone iṛṛuumanna pateanna. I tou nate ana waugu sal᷊ane sassane.

MATIUS 10:21

Sarun mariaddi manungku taumata sarun manantillu tuṛṛangnge sassane iapapate. Wuṛṛu udde lai sarun mariaddi su wallattu iamangnga wuṛṛu anangnge. Al᷊aṛṛana'a sarun lumawangnga hagurangnge, wuṛṛu manantilli mangitou iapapate.

ROMA 1:30

apulune mandal᷊eo arannu taumata waine; i mangitou mawunga wuṛṛu tawe atoranne, apan maddantinnu Ruata wuṛṛu mataṛṛupassi. I mangitou pande madea'a lal᷊anne wakku ipadea'a al᷊al᷊eo. I mangitou lullawanna timmadde;

ROMA 4:13

Ruata na'ire si Abraham wuṛṛu walahanne manungku runia indi sarun maola'a pussa'an Abraham. Ruata na'ire aroddi wal᷊ine ana waugu Abraham matuṛṛutta titan agama Yahudi, arawe ana waugu i tou mangngimanna Ruata na'oman sara i tou tinarimmattu Ruata maola'a sangkatou taumata apan maal᷊uassa naung-Nge.

ROMA 5:20

Apan nangonggolu titan agama Yahudi eteudde Ruata sassane. Arawe napawe taumata lembon tuttuṛṛutta tita udde, i mangitou lembon lullawangnga wuṛṛu ma'ola'a rosa su saruannu Ruata. Arawe salaiwe taumata lembon ma'ola'a rosa, Ruata lembo marangngu lai si mangitou.

ROMA 6:14

Rosa tate wotongnge mamarenta si yamiu, ana waugu yamiu tate mabbiakka su parenta titan agama Yahudi arawe su al᷊ungngu al᷊amattu Ruata.

GALATIA 3:19

Amungkangu aroddi, ipa'ura titan agama nionggolla? Sasimbakke eteudde manungku tita udde nipanamba tadea'u mapaal᷊iatta'u lal᷊awangngu taumata. Titan agama udde tumba'u ipappaatta ma'oman sara darantan sangkatou papapulunni Abraham, apan nisaggo sulal᷊ummu paairen Duata si Abraham. Titan agama udde niwal᷊o manga mala'ekatta ringannu pal᷊elene sangkatou taumata.

GALATIA 5:18

Arawe amungkangu Ghaṛṛahon Duata mangngehetta si yamiu, ne i yamiu tawe paparentannu titan agama.

GALATIA 5:21

mangngune, mabbu'anna, taṛṛa ramea wuṛṛu al᷊awo'u inolaanna waine. Sulal᷊ummu sarangkanambone udde i ya'u mapaanaungnga si yamiu orassa indi, su ereapa lai ya'u napaananungnga si yamiu rorone, manungku manga taumata apan ma'ola'a inolaanna ereudde tawe maola'a al᷊aṛṛana'u Ruata.

GALATIA 5:23

i mangitou masaṛṛionto'a, wuṛṛu wotongnge maataṛṛangnga apulun naungnga. Tawe titan agama apan manningaddu manga inolaanna ereudde.

TAHIUL᷊E 27:16

‘Niawontohante taumata apan tawe mangaddata hagurangnge wuṛṛu namalan mangitou tawe padul᷊iananna.’ ‘Amin!’

2 TESALONIKA 2:8

wakkute udde asiloante Taumata Lal᷊eo udde. Napawe Mawu Yesus rumantate, i Tou sarun mamate Taumata Lal᷊eo udde ringannu singangu wuassu moṛṛo-Nge, wuṛṛu mamate si tou ringannu asasemakku daranta-Ne.

1 TIMOTIUS 4:7

Paaraua'a manga watti'a wawahia apan tawe gunane. Ṛinone wadangngu inaramma su pabbiaṛṛanna mattaṛṛamawu.

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

2 TIMOTIUS 2:16

Pangindauten manga hatto tawe gunane wuṛṛu mangal᷊uandaga Ruata. Manga hatto ereudde tumba'u maaola'a taumata lembon dal᷊eo.

2 TIMOTIUS 3:2

Taumata tumba'u maṛṛingiddu ririne sassane, apulune roitta, mawunga wuṛṛu tal᷊imoṛṛonganna. I mangitou taṛṛa addio'a taumata, taṛṛa rona timmade, wagga maadiangkamana, wuṛṛu maddantinu inolaannu Saṛṛani.

TITUS 1:10

Ana waugu manambo taumata apan maapulu mabbawul᷊o, lembonete manga taumata apan dorone agamane Yahudi; i mangitou mangngawusu taumata waine ringannu aawusu mangitou.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

TITUS 1:6

Sangkatou piaṛṛa'u jamaatta ṛinone sangkatou apan tawe sal᷊ane; i tou ṛinone tumba'u uatahuanna awingnga sangkatou; manga al᷊aṛṛanangnge ṛinone mangngimanna si Kristus wuṛṛu wal᷊inewe ana'a lal᷊eo wuṛṛu tawe iaatokka.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

IBRANI 11:31

Ana waugu mangngimanna lai, ne i Rahab, wawine masandaga udde, tawe niapate suadio'a ringannu manga taumata apan lullawangnga Ruata; ana waugu i tou nanal᷊oho ringannu masaṛṛionto'a manga mallal᷊ingen taumatan Israel.

IBRANI 12:16

Paariagai tadea'u tawe piaddu mabbiakka sussandaga ara'e tawe mangadata inolaannu Ghaṛṛaho, ere suete niola'i Esau. I tou nabbal᷊u'u watanganne ere sangkatou ana'a pahul᷊u, ana waugu tumba'u sanlama'a anna.

1 PETRUS 2:7

Watu udde lembon maarega si yamiu apan mangngimanna. Arawe su taumata apan tawe mangngimanna, matipusse manga araddoanne su Wuke Susi ereindi, “Watu apan tawe ipaattu manga ma'aola'a wal᷊e udde wutte'e naola'a watu apianne.”

1 PETRUS 3:20

eteudde ghaṛṛaho manga taumata apan mal᷊awangnga Ruata su tempo Nuh. Su tempo udde Ruata uaraṛṛaddo ringannu sabare tantal᷊anna Nuh mallanginnu apalla. Tumba'u manga taumata apan sulal᷊ummu apalla – sarangkanambone siri ual᷊u – apan nisal᷊amatta wuassu manawangnga apan wahewalla udde.

1 PETRUS 4:18

Sulal᷊ummu Wuke Susi uawoṛṛetta arendi, “Amungkangu manga taumata apan mapia lai ete masahadda iapaasal᷊amatta, nangillembote lai mariaddi su manga taumata marosa apan tawe maaillal᷊a Mawu!”

YUDAS 1:15

ana waugu makkuumannu anambon taumata. Mawu sarun makkuumannu manga taumata lal᷊eo ana waugu manga inolaanni mangitou apan tawe matataṛṛino. Wuṛṛu i Tou sarun makkuumannu taumata marosa wuṛṛu lal᷊eo, ana waugu anambon manga wisarane apan ipangngal᷊uandaga.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.