1 TIMOTIUS 1:5 - WUKE SUSI WATTI'U AL᷊AL᷊USASSA

⁵ Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

1 TIMOTIUS 1:5 Iomraidhean Croise

DARALO 24:4

Taumata apan ṛingiranne wuṛṛu inolaanne tawe sangkule, apan tawe massalu awusu wuṛṛu tawe massubba paal᷊uanna.

DARALO 51:10

Wala'ewe i ya'u maddaringikka watti'u al᷊al᷊uassa, tadea'u naungnga apan niṛṛimunsang-Ngu indi lumala'a apia.

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

ZEFANYA 3:7

I Ya'u maṛṛingidda, ‘Orassa indi uma-U sarun mangaddatta si Ya'u wuṛṛu maddaringikka al᷊awo'u tatagu-U. I mangitou sarun mannaungnga al᷊aṛṛa'a apan Ta'u nionggolla si mangitou.’ Arawe wutte'e, i mangitou lembon maṛṛimadda lai ma'ola'a al᷊al᷊eo wuassu paarorone.

MATIUS 12:35

Taumata apan mapia mannaggon inolaanna apan mapia, ana waugu i tou napenen apapia.

MATIUS 5:8

Lal᷊umanna'a su taumata apan naungnge waresi; i mangitou sarun maaillal᷊a Ruata.

WATTI'U MANGA RASUL 15:9

Ruata tawe mapapaṛṛalang kite wuṛṛu i mangitou. I Tou nangukkassa naungngi mangitou ana waugu i mangitou mangngimanna.

WATTI'U MANGA RASUL 23:1

I Paulus nanutudda manga mallaṛṛuungnga udde see nabbisara, “Manga tuṛṛangku! Na'oman sara allo indi ya'u tawe naapendamma sal᷊a su saruannu Ruata sulal᷊ummu naungku su ola'u i ya'u mabbiakka.”

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

ROMA 10:4

Titan agama buatte nitipussi Kristus. Nariaddi suapan taumata apan mangngimanna si Kristus, paa'aukki mangitou ringannu Ruata maola'a apia.

ROMA 12:9

Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

ROMA 14:15

Arawe amungkangngu ringannu apa apan aannanannu, sangkatou tuṛṛangnga su pangangimanna sambau niapaasusa naungnge, ne tuṛṛangnga tawe nappaamattu paddarame. Amungkangngu Kristus buatte nate ana waugu sangkatou taumata, arie mamalan taumata udde mal᷊al᷊eo ringannu apa iwabboonu.

ROMA 9:1

Apa apan sarun iwisara'u indi atonna ana waugu i ya'u tatahuananni Kristus. I ya'u tawe mamahia. Naungku apan aehetannu Ghaṛṛahon Duata mannohassa si ya'u lai manungku wisara'u indi atonna.

1 KORINTUS 13:1

Salaiwe i ya'u wotongnge mabbisara ringannu al᷊awo'u wisaran taumata, wuṛṛu wisara mala'ekatta, arawe i ya'u tawe mandangngu taumata waine, ne manga wisara'u udde tumba'u tingikka apan matelengnga arawe tawe mangal᷊ene.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

TAHIUL᷊E 10:12

“Orassa indi manga tuṛṛangnga, paddaringikke apa darorongngu Mawu Ruatanu wuassi yamiu: Pangaddate Mawu Ruatanu wuṛṛu paatuṛṛutte su al᷊awo'u parenta-Ne. Pandangngute si Tou wuṛṛu pattaṛṛamawute si Tou ringannu ahewallu lal᷊ummu naungngu.

1 TIMOTIUS 1:18

Timotius, ana'u, Manara indi ta'u itantilla si'o, mannaungnga tanatan Duata apan niapaasingkatu manga nabi sulal᷊ummu jamaatta su ola'u ririnu. Ṛinone tanata udde maola'a wal᷊unna si'o sulal᷊ummu manaranu apan mapia.

1 TIMOTIUS 1:19

Pammanarate ringannu pangangimanna apan atonna wuṛṛu ringannu lal᷊ummu naungnga apan waresi. Pia manga taumata apan tawe maddaringikka tingikku lal᷊ummu naungnge, na'oman sara naṛṛimunsa'e pangangimanni mangitou.

1 TIMOTIUS 3:9

Ṛinone i mangitou matohassa su pangangimanna ringannu naungnga waresi su al᷊aṛṛa'u pangangimannu taumatan Saṛṛani apan suete niapaal᷊iatta'u Ruata.

2 TIMOTIUS 1:3

I ya'u umal᷊iomanna su Ruata apan a'imbeangku ringannu awawiran naungnga ere lai suete niola'u iupungngu al᷊amona'u dorone. I ya'u sidutu maadiangkamanna su Ruata napawe i ya'u maanaungnga si'o sulal᷊ummu aal᷊iomanna, mawae allo ara'e ṛabbi.

2 TIMOTIUS 1:5

I ya'u maanaungnga pangangimannu apan atonna-tonna si Kristus, ere lai pangangimanni iupungngu Lois wuṛṛu inangngu Eunike. Wuṛṛu i ya'u mangantimma i'o lai pia pangangimanna ereudde.

2 TIMOTIUS 2:22

Pangindau manga lal᷊umanna'u taumata dario'a. Pabbiakke tumuṛṛuttu apulun Duata, paatuṛṛutta su al᷊aṛṛang-Nge wuṛṛu paarangngu taumata sansul᷊unga, wuṛṛu pia atatammudu naungnga. Pabbiakke aroddi suadio'a ringanni mangitou apan sussal᷊ande madorongnga tul᷊unganna su Mawu ringannu naungnga waresi.

TITUS 1:15

Sarangkanambone udde susi su manga taumata apan susi. Arawe su manga taumata apan ṛingiranne lal᷊eo wuṛṛu tawe pangangimanne, tawe sambau sarannapa apan susi, ana waugu ṛingiranne wuṛṛu lal᷊ummu naungngi mangitou nalal᷊eote!

IBRANI 10:22

Ana waugu udde, wette i ite mangundani Ruata ringannu naungnga matul᷊ida wuṛṛu pangangimanna apan matohassa; ringannu naungnga apan suete niukassa wuassu apendamma apan sal᷊a, wuṛṛu ringannu wadangnga apan suete niukkassu ua'e waresi.

IBRANI 13:18

Sidutua'e umal᷊iomanni yami. I yami mangngimanna lal᷊ummu naungngi yami waresi, ana waugu sulal᷊ummu al᷊awo'u manara, i yami sidutu ma'apulu ma'ola'a apa su ṛinone.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

YAKOBUS 4:8

Pangundaniten Ruata, ne Ruata lai sarun mangundanin kamiu. Ukkase limanu, i yamiu apan marosa! Wuṛṛu paatilangke naungngu, i yamiu apan naungnge uapenga!

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

1 PETRUS 3:16

Arawe olaawe udde ringannu masaṛṛionto'a wuṛṛu aaddata. Wuṛṛu ṛinone lal᷊ummu naungngu waresi, tadea'u amungkangu i yamiu al᷊uandahanna ana waugu i yamiu mabbiakka ringannu mapia ere tumatantalongngi Kristus, ne taumata apan mangngal᷊uandaga udde sarun masili sassane.

1 PETRUS 3:21

Ne riadianna udde naola'a sambau sasumandinga wuassu sasaṛṛani apan orassa indi mannal᷊amatta si yamiu. Sasaṛṛani indi wal᷊ine sambau lal᷊agu ipammaresi wadanga wuassu anambon luhuda, ewe'e maola'a sambau paairenu su Ruata wuassu lal᷊ummu naungnga apan mapia. Sasaṛṛani udde mannal᷊amatta si yamiu ana waugu Yesus Kristus suete nabbiakka apia wuassu papate,

1 PETRUS 4:8

Nangillembo wuassu sarangkanambone udde, ṛinone i yamiu atonna-tonna uararangngu sangkatou ringannu waine, ana waugu ringannu uararangngu i yamiu sarun uaa'ampunga lai.

2 PETRUS 1:7

Wuṛṛu mabbiakka tuttuṛṛutta su apulun Duata ṛinone lai suungannu darangngu su manga tuṛṛangnga apan su pangangimanna sambau. Wua'udde ṛinone lai darangngunu su manga tuṛṛangnga pangangimanna sambau suungannu darangngu su anambon taumata.

1 YOHANES 3:10

Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.

1 YOHANES 3:23

Parenta-Ne si ite eteudde: I ite ṛinone mangngimanna Anang-Nge, eteudde Yesus Kristus, wuṛṛu i ite ṛinone uararangngu, ere suete niparentan Kristus si ite.

1 YOHANES 3:3

Anambon taumata apan pia antimma indi su saruanni Kristus, mandiagga ririne tadea'u atonna-tonna susi, waresi wuassu rosa ere lai Kristus udde lai susi.