1 SAMUEL 9:12 - WUKE SUSI WATTI'U AL᷊AL᷊USASSA

^12-13 “Ore, poi,” sasimbakku manga maṛṛuala udde, “wakku-wakku i tou niumamatta nalliu ṛoro siraddua. Wuṛṛu iraddua nal᷊ihakka, asinungka iraddua ma'aenggenna. I tou wakkute nirumanta su soa ana waugu allo indi su wowon mezbah su wuidda pia sasamba ionggolla su tumana'u soa. Manga taumata apan niwal᷊oanna tawe umanna amungkangu i tou taambe nirumanta, ana waugu i tou ṛinone mangal᷊amatta sasamba udde asuene. Amungkangu orassa indi iraddua inaite, iraddua sarun maaratingnga i tou tantal᷊anna taambe sinuma'a su wuidda umanna.”

1 SAMUEL 9:12 Iomraidhean Croise

PANDARIADDI 31:54

I tou namototta winatangnga sambau wuṛṛu niola'a sasamba su wowon buidda udde. Ana see i tou nangahe manga taumatane umanna suadio'a, i mangitou nanaṛṛabbi su wuidda udde.

1 TAWARIKH 16:39

Arawe i Zadok wuṛṛu manga imam baine sidutu niapamanara mangngatokku patataṛṛamawu su tampa patataṛṛamawuanna su Gibeon.

1 SAMUEL 10:5

Wua'udde i'o ṛinone inai watukku wuiddu Ruata su Gibea, tampa paddasanannu taumatan Filistin. Su ngara suttanna su soa, i'o sarun massomban sangkammul᷊annu nabi apan sinumossokke wuassu wuidda pangangonggol᷊annu sasamba. I mangitou massal᷊aingnga wuṛṛu mangngintul᷊i, mannalangnga gambus, rebana, wansi wuṛṛu kecapi.

1 SAMUEL 16:2

Arawe i Samuel naiwal᷊o, “Ereapa ṛinone ta'u olaanna? Amungkangu hatto indi aringiṛṛanni Saul, ya'u sarun pateanni tou!” Mawu sinumimbakka, “Apira'e sapi anangnge sambau, wuṛṛu wal᷊oa'a su tumana'u soa manungku i'o inai poiaroddi mangonggollu sasamba su Mawu.

1 SAMUEL 2:35

Wua'udde i Ya'u sarun mamile imam apan matuṛṛutta si Ya'u wuṛṛu maddaringikka manga parenta-U si tou. Si tou sarun Ta'u ionggolla papapulunna apan sidutu mammanara imam su saruannu manga ratu apan Ta'u nipile.

1 SAMUEL 20:6

Napawe iamangngu maiwal᷊o anio ya'u tawe nirumanta, wal᷊oa'e si tou, manungku ya'u lai buatte nabbal᷊o si'o inaite mapul᷊e su Betlehem, ana waugu poiaroddi ma'ola'a daroha sasamban tonna su anambon amonangku.

1 SAMUEL 7:17

Wua' isudde i tou sidutu mappul᷊e watukku wal᷊ene su Rama. Poiaroddi i tou naola'a mallaṛṛuungngu taumatan Israel wuṛṛu lai nallanginnu sambau mezbah su Mawu.