1 SAMUEL 9:1 - WUKE SUSI WATTI'U AL᷊AL᷊USASSA

¹ Pia sangkatou taumata ala wuṛṛu pia saṛṛaungnge wuassu ruanganni Benyamin, aranne i Kish. I tou amonanni Bekhorat, wuassu ṛuanganni Afiah. Iamangnge i Abiel wuṛṛu iupungnge wawine i Zeror.

1 SAMUEL 9:1 Iomraidhean Croise

2 SAMUEL 19:32

I Barzilai timmadete, uukke ual᷊ote pul᷊o su tonnane. I tou tumaniten ala wuṛṛu su al᷊annune i Ratu Daud uatana'a su Mahanaim dorone, ete i Barzilai apan mannaddia wiakku ratu.

ESTER 2:5

Su soa Susan udde pia sangkatou Yahudi aranne Mordekhai ana'i Yair. I tou papapulunni Kis wuṛṛu Simei wuassu ṛuanganni Benyamin.

AYUB 1:3

Wua'udde lai i tou uatahuanna manambo allangnga, 7.000 domba, 3.000 unta, 1.000 sapi wuṛṛu 500 keledai. Aunne, ete i tou taumata apan aalanne su wallattu tumanangnge su samba'a Ra'i.

WATTI'U MANGA RASUL 13:21

Wua'udde i mangitou nadorongnga sangkatou ratu. Ruata nangonggolli Saul si mangitou ana'i Kis wuassu walahanni Benyamin maola'a ratu mangitou appatu pul᷊o su tonnane al᷊annune.

1 SAMUEL 10:23

Ana see ringannu mal᷊ihakka i mangitou nanal᷊oho si Saul wua isudde, wuṛṛu niapidda su pattangngannu tumana'u soa. Ne i Saul dirumarisikke suwallatti mangitou wuṛṛu ete i tou apan al᷊angkasanne; taumata waine tumba'u sara wambangnge.

1 SAMUEL 14:51

I Kish iamangngi Saul, wuṛṛu i Ner iamangngi Abner udde ana'i Abiel.

1 SAMUEL 25:2

Su soan Maon pia sangkatou esakka wuassu amonanni Kaleb, aranne i Nabal. I tou pia leta'a pappadul᷊iananna winatangnga maranin soan Karmel. I tou tumaniten ala wuṛṛu uatahuanna 3.000 domba wuṛṛu 1.000 ambingnga. I Abigail awingnge, pande wuṛṛu maṛṛamaga, arawe pallal᷊aghun Nabal maṛṛagissa wuṛṛu lal᷊eo. Su allo sambau i Nabal tantal᷊anna mammol᷊o wambul᷊un dombane su Karmel.