1 SAMUEL 8:8 - WUKE SUSI WATTI'U AL᷊AL᷊USASSA

⁸ Ro'en i Ya'u nangapiddi mangitou sinumabbangnga wuassu Mesir, i mangitou nanantang-Ku wuṛṛu massubbate manga monganna, wuṛṛu sarangkanambone apan orassa indi niola'i mangitou su saruannu udde lai niola'i mangitou su saruang-Ku.

1 SAMUEL 8:8 Iomraidhean Croise

DARALO 78:8

tadea'u i mangitou tawe mangaṛussa iupungngu al᷊amonan mangitou apan apulune mammangalo wuṛṛu mandal᷊eo; pallal᷊awanna apan matul᷊u pangangimanne, wuṛṛu tawe maddaringikka Ruata.

SASABANGNGA 16:3

Unni mangitou, “Mappianne unnu wisara yami buatte nipate Mawu su Mesir. Poiaroddi yami mattingkadio'a wotongnge umaianna uminasa ṛemessa wuṛṛu umanna roti ma'oman sara mal᷊aidda. Arawe i yamiu nangapidi yami isindi tadea'u yami sarangkanambone mate amal᷊unusana.”

SASABANGNGA 17:2

Ana see i mangitou sussawutulle si Musa wuṛṛu nabbisara, “Yami onggol᷊ewen ua'e pa'inumanna.” I Musa sinumimbakka, “Anio i yamiu sussawutulla wuṛṛu mannal᷊u'atta Mawu?”

SASABANGNGA 32:1

Su tempo walahannu Israel naasilo manungku i Musa tumaniten mal᷊annu sumossokka wuassu wowone, arawe ta'e poiaroddi lai, i mangitou nakkulunna si Harun wuṛṛu nabbisara si tou, “I ite wagga apate nariaddi si Musa, taumata apan buatte nangapiddi ite sinumabbangnga wuassu Mesir; nariaddi yami ola'ete Mawu apan sarun mamiaṛṛa'i yami.”

YEREMIA 34:14

I Ya'u nabbisara manungku anambon allangngu Ibrani apan buatte nangimbe annummu tonna al᷊annune, ṛinone ipallossa su panginsueannu tonna appitune. Arawe al᷊amonanu maddiri mappandumma ara'e maddaringikka wisara-U udde.

YEHEZKIEL 2:3

“Ei taumata apan mattate, i'o Ta'u irolokka inai ringannu manga taumatan Israel apan lullawangnga si Ya'u. I mangitou udde lullawangnga ere iupungngi mangitou lai.

REENGANNA 16:41

Tiṛṛabbine anambon ṛuangannu Israel massa'u si Musa wuṛṛu si Harun. I mangitou nabbisara, “Iraddua buatte namate ṛuangannu Mawu.”

TAHIUL᷊E 9:24

Ro'en i ya'u masingkatti yamiu, i yamiu sidutu lullawangnga Mawu.

MAL᷊AṚṚUUNGNGA 13:1

Taumatan Israel na'ola'e rosa apia su Mawu, ana see Mawu namalaten taumatan Filistin uaparenta si mangitou appatu pul᷊o su tonnane al᷊annune.

MAL᷊AṚṚUUNGNGA 2:20

Ana waugu udde Mawu tumaniten nasa'u su walahannu Israel, wuṛṛu nabbisara, “I Ya'u buatte nandolokku iupungngu al᷊amonan walahanna indi tadea'u sidutu uaagassa pa'aire-U si mangitou. Arawe walahanna indi namassutta pa'aire udde; i mangitou nilumawanga parenta-U.

MAL᷊AṚṚUUNGNGA 4:1

Napawe i Ehud natete, walahannu Israel na'ola'e rosa apia su Mawu.

MAL᷊AṚṚUUNGNGA 6:1

Paassa lai walahannu Israel na'ola'a rosa su Mawu, na'oman sara i Tou namalan walahannu Midian namarenta si mangitou pitu tonna al᷊annune.

1 SAMUEL 8:7

wuṛṛu Mawu nabbisara, “Utungete anambon darorongngu walahannu udde si'o. Ana waugu wal᷊ine i'o apan ipaaddiri mangitou, ewe'e i Ya'u. I mangitou maddirite i Ya'u maola'a ratun mangitou.

1 SAMUEL 8:9

Ana waugu udde utungete darorongngi mangitou, arawe i mangitou paanaunga'a ringannu atonna-tonna, wuṛṛu pasingkata'a ereapa i mangitou sarun parentannu sangkatou ratu.”